CU JD part time 2024 集中討論區

part time / full time JD 都係100% final exam / individual assignment
係individual 因為部分courses個gpa要用來排pcll條隊
final exam個日期一開sem已經會同你講，可以請定假

full time可以日頭上堂，part time就夜晚
冇project冇present
可以拍學生證記attendance，但係唔計分，用嚟俾拎政府持續進修基金/獎學金/助學金d人有出席率證明（可以完全唔上堂，exam period先翻來）
但係我觀察八九成人都會上堂，畢竟每堂都成千蚊部分人都幾踴躍

其實唔做barrister/solicitor又讀JD好矛盾，當處於大環境chur gpa嘅時候會有得失心，驚今個sem hea 最後讀完全部courses gpa差0.0x上唔到pcll 好唏噓

但係純進修有冇必要搞個50萬咁昂貴嘅興趣班（而且要讀書寫文chur gpa，唔係taught master咁chill)
有同pcll 朋友傾過，佢覺得llb/JD有完整law嘅框架，打好個基礎
我就覺得JD冇中途退出嘅選擇，一quit就冇degree，llm仲話可以捱多個學期就快樂畢業，JD full time係sem 1 sem 2 summer sem 再sem 1 sem 2 summer sem連續24個月
part time讀我估四五年？出到來搵鬼請做trainee，揀個海歸後生llb靚女唔好咩

而且CU JD係金鐘商廈上堂，裏面全部都係llm/JD/pcll人，七八成係內地生，地點係方便但係冇大學體驗，我估你冇嘢都唔會翻沙田campus搵老師傾計

在意校園生活嘅話，其實cityu JD都唔差（咁hku 當然最好最chur

我覺得讀jd/llb個階段係研究過去嘅野，寫幾千字分析過去，觀點唔需要亦都冇必要創新，其實好悶
solicitor出到來做可能好fun好pay又professional 係我唔想捱殘個人

可能出到社會沉澱一排，想知遇到灰色地帶/垃圾人應該點樣保護自己，維護權益嗰時先讀law會好d

又或者文科社科人想轉path 試下無妨

我講到咁差，其實老師教得幾好，contract同hk legal system幾清晰，feel到佢地想喺有限嘅資源同teaching weeks傳遞最多嘅知識
而且年資高批老師經歷過社會摧殘，做大學教職對學生好呵護，會呼籲law students多d love少d drama

通常係邊到搵到呀？
我想趁依家未開學之前，搵來睇下🥲🥲

平時一直都係cdrom見到你個po忍唔住留個言
我係 cu full time JD + pcll 啱啱完咗3年law school
本身都係soc sci degree 做咗幾年野覺得冇咩前途想有個專業所以讀law

講真讀完最大嘅感受就係性價比極低
學費真係好貴 JD加pcll已經成60幾萬 (好彩拎到scholarship 讀pcll都50萬)
讀完都唔知幾時先賺得返舊學費同呢幾年冇收入嘅錢
講緊其實依家競爭都仲係好大 好oustanding嘅人先會有ifirm offer 做local firm搵得20-30k真係同普通返office差唔多
仲未計其實高人工都係用條命換返黎 份工好長工時好多時放工返到屋企都要繼續做

同埋就係Jd都幾tough 呢3年真係用曬全副心機讀書
大部分科都係最後100% 3個鐘嘅考試
你答錯一題考衰一科就已經會拉低個gpa好難追返
大壓力到每次考試之前都覺得自己有depression 真係人生最努力讀書嘅一次

所以會勸你諗清楚先好讀 我自己就洗濕咗個頭已經投入得太多成本所以會投身呢行 黎緊做trainee燃燒生命如果真係決定要讀就努力全力以赴

唔該晒師兄 好睇到PT 同 FT 都幾大分別

這方面不用擔心，這幾年嘅競爭細咗好多，甚至啲位剩到，收返好多十年八年前，競爭最大嘅年代入唔到嗰啲人
以我聽返嚟，就算喺競爭最大嘅年代，CU JD 入 PCLL 嘅成功率都算係高的
本身 CU 不論 LLB or JD，都係出名放 Grade 的，攞 B+ 已經叫做 below average
而且 JD 收你咁貴學費，LLB 只係每年$42,100，你覺得校方會保送邊啲人入 PCLL 先？
如果 JD 成功率低，將來仲點收生？點賺錢？
而且 JD 學生已經有 1st degree，學習方法一定無問題，性格亦成熟穩重啲，突然失手嘅機會較細

係咪所有科都係100% final / exam ，如果係咁都可以全心全力溫習，跟住考試。好過好似之前讀書咁，遇到free rider，身心俱疲。

差唔多全部科都係open book problem-based question為主 得一兩科係closed book係啲吹水科

依家pcll真係競爭不大 Jd有3.2 gpa應該就入到 見大部分一齊讀Jd嘅同學都一齊升上pcll 有3.4就可以有scholarship 位 42k pcll

呢方面就唔洗擔心 全部都係individual
大家都係各自各讀
會建議上carousell個啲買notes 比起自己整notes會有效率好多 同埋會識大概要點答啲題目

Pt jd好嘅係叫做有後路 讀唔掂最多都係繼續返工
不過我full time都讀得辛苦 pt真係要好努力time management 見啲同學都要每次考試前請study leave 溫書

讀得嘅話真係要確保自己入到Ifirm，如果唔係回報真係勁低

CU JD 3.2 GPA，如果喺 LLB，只屬 low 2:2 水平
如果喺競爭大嘅年代，真係袋底泥，申請費都可以慳返

買notes 真係有用嗎？
師兄介唔介意分享多少少你果陣讀書既心得？

我自己就目標為本想要靚grade高gpa 所以覺得notes係好有用
一黎唔洗由頭開始整最多都係加減下 慳返好多整notes嘅時間 同埋最緊要係睇啲past paper attempt cu會提供曬多年past paper但係係冇答案 sem1係咁practice 但係根本做完都唔知自己答得啱唔啱
之後睇notes睇人地答案先知大概原來係有啲答咩
啲Prof好懶10幾年出嘅野都係差唔多 Print曬去考試 如果咁啱出返啲相似嘅嘢你直接抄落去就得凍啊

唔該晒你呀，師兄，如果可以可唔可以加你TG再問吓Lee關於讀書嘅嘢？

樓主係咪9月開學? 建議享受左人生先, 反正呢幾個月讀唔讀都唔影響幾多, 特別係你未知重點係咩, 睇case 都係事倍功半
如果你決定左做律師, 呢幾個月應該係轉行/退休前最後可以真. 放鬆既時間
讀JD會心掛掛D grades/ 靚intern/ mini-p/ mooting, 讀PC 會心掛掛TC/ pupillage, 出黎做要心掛掛D case/ deadline

俾多少少希望樓主啦
PCLL嗰年都可以放鬆架, 到時個個都搵晒TC/師傅
全年都係只求合格 仲hea撚過公務員
無晒競爭 llb同jd一齊玩得仲開心
當年同啲同學日頭打芒亨 夜晚就lol團練
真係讀書最開心嘅一年
利申: 懶到仆街

我都覺得讀PC 係最輕鬆個年
反正合格就得
但個時我好早已經有TC, 所以壓力唔算好大
我身邊有D同學想做bar但sem 2 都未搵齊4個師傅, 見到佢地都覺得頭痛

JD有錢有沙紙

多謝你巴打
我都好驚自己準備得唔好
但只要肯努力一定會有回報嘅！

唔使專登準備 我連前人嘅notes都冇攞過
成家都冇人係呢行嘅 都係自己on99咁摸入行
放心 好多人唔識打官司都喺呢行立足咗好耐

巴打你本身應該好叻？
所以唔洗點準備都可以適應得咁好。

叻就讀咗oxbridge啦
呢行大把叻人 我係偶像派

好葡萄你

我做到嘅野你畢業後一樣做到, 大家都係讀嗰幾本書