挽肉と米香港店5月7日開幕，選址中環ifc

廚師又唔係日本
材料質素又唔及日本
但貴過日本？

[頭先兩次比Facebook Remove咗, 現在第三次post, 為測試究竟點解今次只出文字放棄出相］

係時間Update一下「挽肉と米」，5月7日IFC正式開業。 呢個post唔係從消費者嘅角度去講，係從我作為投資者嘅角度講。

2023年10月24日在Facebook公布了簽入挽肉と米的消息，到現在剛剛半年。 挽肉と米這個品牌在日本屬於殿堂級(自從創業以來不少其他品牌在日本抄襲致敬)，所以這個消息在香港媒體以及食家之間都頗受重視，經常有人問我究竟幾時開業。 客人充滿期待感覺半年太久，我們全力準備卻嫌半年不夠。 首先當然係找尋合適的位置，1號店在IFC不是容易的。 然後我們要找合適有心有力肯捱肯做肯學的同事去日本挽肉と米幾間不同分店安排培訓（見相片），同事在那邊差不多一個月，也不代表都學識了，到早兩個星期山本社長帶同幾位日本師傅已經嚟咗香港，每天與我們的同事開會研究、鑽研技術。 這些都需要大量成本與時間。（講明係從投資者角度講嘛當然係講成本）
在日本幾家挽肉と米都是用炭火燒烤的，在香港有一個廣為人知的都市傳說，就是香港法例是不容許用炭的。經我和同事深入研究，其實不是法例不容許，只是如果要做到滿足法例，成本及技術要求會很高所以幾乎沒有人闖過。 最後，這個都市傳說我們成功打破了。 是的，在IFC的挽肉と米是和日本一樣炭火現場燒肉的。然後係肉，漢堡扒的牛肉。 山本社長是一個味痴，對味道有絕不妥協的堅持。 雖然對海外店還是有一點容讓的（聽說韓國店就不是日本的配方），但為了香港客人能食到和日本的完全一樣，我們還是決定香港店完全使用日本的配方，所有牛肉使用日本國產牛，肥、瘦、脂肪、不同部位的比例也跟足日本秘方。 不單止配方是一樣的，製作方法的堅持就更恐怖，為了做到與日本一樣的每日新鮮製造漢堡扒，我這個投資者又要不計成本在IFC店舖裏面設立了一個二十四小時恆溫10度的挽肉製作室，每一塊將來你食到的挽肉都是每天使用日本國產牛在IFC店內人手新鮮製的，crazy… 本來我以為這已經夠瘋狂了，但是山本社長跟我說，米，他也很堅持，所以我們從日本直接進口了他們使用的大型羽釜鍋來煮飯，讓米粒在鍋內對流，因此能均勻受熱，整鍋飯都會煮得鬆軟可口。文字這樣寫出來很簡單，真係要做就複雜好多，因為在日本是用天然氣而並非煤氣，根本個飯煲喺香港就用唔到！ OMG, 好彩黃傑龍朋友多，拜託了同樣對質素有堅持的煤氣公司朋友為呢個飯煲進行了無數次的改裝測試，終於符合到香港煤氣嘅要求可以在香港使用！ 由於在爐灶上不間斷地輪流烹煮白飯，因此不管是第一碗、第二碗，還是第三碗飯都是新鮮現煮的。oh, 可能你會奇怪為什麼會三碗飯，這個也是挽肉と米的重大特色，只有一個套餐供應，就是三片分三次送上新鮮烤製的漢堡扒，飯是任食的。一般餐廳同你講係日本米已經好高質了，山本社長上星期在我宴請他及日本同事的晚宴（有相睇）中卻親口和我說，對現在香港能找到的任何日本米也未能滿意，所以我們會自己另外平衡進口。
香港挽肉と米這個項目，真的crazy，一切都是那麼難以形容的堅持，又要有傻人願意咁樣投資，一個套餐3塊日本國產牛挽肉（每日新鮮店肉手攪每一片在你面前炭火燒烤），特選日本米日本羽釜鍋新鮮煮出來的香噴噴米飯，喺全香港最地標的IFC，收幾多錢一個？ 我聽完準備賣個價錢都覺得crazy（確實收幾多錢我都唔敢講提早講，到時大家自然知）
總之呢個項目真係傳奇級的，一切都是那麼的堅持與crazy。最後俾句最老土嘅：台上1分鐘台下10年功，對你講食個餐可能就係嗰幾十分鐘，但係背後付出過嘅人、精神、時間與金錢，唔講真係唔係個個知。

啱啱黃傑龍facebook講咗
有炭爐

幾錢先？

我估200-300

ifc

都好 食完破產上頂樓jump得

午餐 - 150起
晚餐 - 250起
飯盒餐 - 80起

Ifc 又點？
好食 d?

日本1600yen一客，吹到咁勁都無用，人哋喺日本係行廉價優質，你擺ifc諗住當上菜行唔行得通㗎？

貴啲

咁黃傑龍唔好學人屌人唔留港
我去日本食算

呢間係1號店，之後開多幾間分店，
就算1號店打和，其他店有賺就得la

老細，你第一間條數未知點，賣幾錢都未知，賺乜？仲吹第n間

已經搭好曬雞棚去水人300蚊食都好抵好抵

欣賞佢對每個細節嘅堅持同執著

其實淨係碳爐已經唔易搞

返深圳食肉肉大米其實一能樣
去日本食其他野好過

啱啦，去到日本咁多好野食根本行過都唔會睇上眼入去食，黎香港開反而會試下

我覺得300蚊都唔得

既然睇唔上眼，做乜要勉強？仲要肯定貴幾倍，你話不嬲想試唔想日本排隊就話啫

你放心實有
昆都係俾人昆一次，成本唔高

有真A6和牛唔食 食漢堡扒

如果300蚊 我會去食一次既
試下佢仲keep到幾多水準
澀谷果間我食過 覺得好食
當初shake shack嚟到 一個包一份芝士薯條一杯lemonade就過200啦