仲有冇人有玩模擬市民 The Sims?

唔通玩sims都要日日返工計住錢咩
咪當財自咗囉，每日瞓到自然醒，得閒就call人嚟開party或者去附近溝仔/女，做時間管理大師

4主打係Multi task，試過會覺得3代太死板
以前NPC互動係真係click佢同佢搞嘢，4代有組團有Club，非家庭成員都會傾向同你一齊行動
仲有3代唔可以裝多個4個DLC，4代全部裝晒都冇問題
同埋起樓係超進化，今日有得較樓底地台半牆弧形牆玻璃頂，原版俾晒花式cheat，NoCC係youtube起樓片嘅大宗

不過正如Ubisoft開放世界垃圾都笑但年年都賣過千萬
多數玩家淨係見冇開放世界就喊撚住屌
冇大改進

不過開放世界又點，life by you公佈嘅嘢有眼見
上面吹奏嘅泡菜狗一樣係分割地圖

你講得岩，其實4代係有好多野都進步左，但都係想佢有埋sims3個種大地圖，個種感覺應該仲爽。好想個sims由屋企跑步跑到山旮旯咁遠再番屋企而唔係淨係自己個社區跑。仲有仲有，sims3係可以踩單車同揸車，呢樣又係要有大地圖配合先有意思。

Life by you啲片越睇越唔對路，最新個段gameplay都開始有人屌，d人又係on99對身邊d事物無反應無互動。仲有d人樣柒撚到，由佢放gameplay第一日到而家，無撚進步過，d人仔個樣全撚部喪屍咁，d咁既柒樣我寧願佢整番卡通樣算

泡菜狗個隻，如果真係整到咁既畫面，我又可以原諒佢無openworld

老實講, 我自己玩sims4都唔係太提得起興趣
但Create a sim同埋起樓真係好勁, 操作得咁直覺既自創角工具我暫時未係sims4以外既game體驗過

其實真係好多人玩sims淨係玩起屋
我無咩心機起屋，但淨係覺得買家俬擺靚間屋已經好正

我起得唔靚但都好enjoy起屋
現實中得個蝸居, 起碼係game世界FF下自己想住既dream house

好似3代世界歷險四處尋寶有謎題解，但好多都只有一次性，你下次再去任務就只有重覆嘅傾計 執嘢
Life by you嘅gameplay直接將sims3後期大世界嗰種重覆無聊show俾大家睇

Life sims 類唔同打打殺殺嘅生存模擬，鳩行大世界係只係得個行字，click click執嘢
揸車行路一次半次係爽，但變日常就只會想skip，始終life sims 唔係過關遊戲，場景好多時要來回無數次

sims4今年十週年，應該都就快換代，當初應該係想解決3代裝得多資料片後期lag到仆街個問題，所以閹割咗無縫社區，其實一早都玩撚厭，而家間中開嚟都係玩wicked whims

新一代最希望改進下AI，啲人仔要似返個人，即係有返啲性格，而家其實個個都差唔多，同一個三唔識七嘅人，一路捉住同佢吹水，勁簡單就將條bar升滿變咗好friend，好撚求其

同埋最好一家人可以分啲比電腦控制，而家下下要自己控晒好麻煩，啲人仔凍到僵自己換件衫都唔識要我撳

sims 5係咪今年十週年出?

之前公布過話開發緊，叫project rene，應該冇咁快，EA應該會將Sims4揸乾先

4要買齊dlc真係好貴