想問吓大家,返工係咪真係咁攰
呢個問題雖然好白痴,但我真係好想知
因為我係幫人補習既,咁我而家暑假好chur,一日三堂,計埋中間搭車去佢地屋企,時間就由11點左右就補到7點,但我都唔覺得攰,可能因為我好鍾意教人啦,呢個都係我日後想做既野,所以就算一日走三堂我都唔會好攰。
但男朋友返緊工,9-6,佢同我講佢返工好攰,早起身好攰,所以佢話佢返嚟唔記得鍚我呀攬吓我呀都係因為好攰,成日同我講佢返工已經好攰可唔可以唔好再咁多怨言。但我唔係好明到底有幾攰,自問我補習係成堂唔會停咁樣講野,都唔係好攰咋嘛
我知咁講好似好弱智,但我真係唔明呀,因為由我f6 grad開始我就係幫人補習,直到而家,未試過返其他工
佢成日話我唔體諒佢返工攰,但我真係有,會問佢攰唔攰呀?幫佢按吓膊頭咁,但佢都話我唔體諒
呢個我可以笞到你.