［遊記］11天波蘭，波羅的海兩國

晨跑
自由參觀最早1530？想詳細睇都唔得啦
開門睇到閂門就差唔多

日日都可能唔同。係我咁黑仔嗰日咁遲先有。要上官網定期check

冇錯🇺🇦

Day 4: Krakow ▶️ Zakopane

Zakopane 位於波蘭南面一個山區小鎮。位於小鎮的Tatry 山脈橫跨波蘭和斯洛伐克🇸🇰。好多遊客冬天去滑雪，夏天去行山。而且，以遊客區來講，物價一啲都唔貴，我覺得係廉價版瑞士。

不過紀錄嘅嘢唔多，因為當日主要搭車外，小弟朝早晨跑後喉嚨痛，feel到自己唔太精神，所以冇特別影相。


朝早再去河畔晨，但多咗雲，比琴日凍咗。
跟住feel到有啲唔舒服，番酒店訓一陣，食幾粒退燒藥，訓到酒店最後checkout時間先走。


當天係復活節正日，商場同好多舖頭直情唔開。lunch 只係去自動售賣機買解決。

今次由Krakow 去Zakopane的行程選擇咗巴士。搭FlixBus (青BB嗰架車），大概3小時，下午約4點到，上車地點都係central bus station，不過要上一層。車飛可以在FlixBus app 買定先。


跟住起車到全程訓咁際，訓到差唔多終點Zakopane bus station，旁邊就係火車總站（黃色嗰棟）。因為Zakopane係山區，好明顯比Krakow凍咗好多。


訓左陣，精神番少少。然後拖住行李去今晚住嘅apartment。沿途已經見到tatry 山脈，感覺好近，又好靚。


依個apartment 住咗兩晚，好舒適。


另外依個apartment 好嘅地方，同出面條步行街(Krupowki)好近，好方便。



當地著名地標天主教教堂。


波蘭好多依種buffet餐廳，擺設有啲似香港三餸飯舖頭。收費方面就係您夾幾多，然後店員拎去秤，越重越貴。因為太肚餓，所以夾多咗，但加埋碗番茄湯都係約港紙$120。我覺得價錢合理，每款食物又可以食啲，又食到勁飽。

食完晚飯後早啲番去訓，因為第二日要去行山，亦都係我幾期待的行程。

推

係華沙路過見到呢啲buffet餐廳 如果唔係次次都食咗嘢 都想試下
睇落唔錯咁

食過第一次都愛上咗。
而每一間啲食物都會少少唔同，好似可以一次過試晒所有特色野。

Day 5: Zakopane

去波蘭的其中一個原因就係去Zakopane行山。雖然仲有少少喉嚨痛，但都唔撚理啦，照行。
諗住行兩個地方，分別叫Morskie Oko(海洋之眼）同Gubalowka。


Zakopane 其實有好多條行山徑。有啲近到您步行去起點都得。
上午先去Morskie Oko。前往方法要在apartment 對出的巴士站搭去Palenica Białczańsk（行山起點）。建議先網上買，因為都幾多人去，巴士（其實係van仔）可能冇位，唔係就要等下一班。唔係嘅話自己揸車去就最方便。



起點 - Palenica Białczańsk。依度代表你即將進入Tatry National Park範圍，盛惠10PL。不過我見到有人直行直過冇俾錢。


依條山徑終點Morskie Oko, 約8km，爬升四百幾米，跟住走回頭路番起點，即全程16km。不過係行石屎路，所以難度非常低，一家大細都行到。


沿途都有hut俾行山人士休息下，食下野。


不過全程石屎路真心有啲悶。


所以行中間一啲原始山徑，其實係前往終點嘅捷徑。


景色開始開揚，亦都多咗積雪。



如果夏天去，上面雪山，下面草原，景色會更加優美。


到終點 - Morskie Oko（海洋之眼）。這個湖的形成首先是由遠古冰川𠝹出一個小盆地後，雨水和溶雪嘅水填滿盆地後變成一個湖。而海洋之眼依個名係遊客改，但點解咁叫就唔知。


唔知點解嗰日啲風大撚到，成個人都吹郁，自拍都好困難。


嗰度有環湖嘅山徑，同埋可以繼續行去波蘭最高山峰叫Rysy(2400m)，再遠啲行埋去斯洛伐克都得。但因為未溶晒雪，所以封咗。


Morskie Oko介紹


教宗都有來過


依個牌幾得意。


回程。回程基本上係下降，所以仲易行。
搭番巴士，兩三點已經返回Zakopane。


食晏。今次試吓第二啲食物。
上面：烏克蘭雞卷 - 勁juicy, 同埋冇諗過成舊都係雞咁足料，起初以為有好多粉漿。
右面：波蘭菜卷，裡面餡係豬肉同飯粒。不過我唔食豬肉，而夾之前又柒撚咗冇confirm裡面有豬。所以最尾剩係食咗出面塊菜，浪費咗。


跟住去第二個景點 - Gubalowka沿住步行街再行少少就到。Gubalowka 係一座小山丘，可以搭纜車上去。但我去嗰陣因為強風所以暫停。咁唯有行上山吧。路況比較斜，堅係山路，大約半個鐘就到。



風景盡收眼簾。




行埋依座山標誌着Zakopane 一天健行之旅快完結了。
波蘭山區風景真的很優美，有啲遺憾第二日要返華沙，真係後悔冇留多幾日。如果巴絲打來Zakopane, 應該要stay起碼3-4日。除咗Morskie Oko, 仲有一座山叫Kasprowy Wierch，都係好熱門嘅山。

睇番天氣報告，第二日會降到2-3度，仲要落雨☔️。
自己想臨離開Zakopane前，早上睇吓可唔可以行個short hike啦。

留名
點解唔去埋Tallinn

Morskie oko 唔係有啲收費馬車帶你去到附近咩
來回都慳唔少腳力
果陣都想行上rysy
有機會都想行一次

留名

非也。純粹為健康，其實牛羊肉都唔吃。

好耐以前去芬蘭嗰陣有去埋，同埋冇咩假

嗰日唔係好覺有喎。

如果係夏天，又有馬車，都想直接skip曬石屎，上Rysy。

原始山徑先好feel 如果連嗰啲木欄杆都冇嘅話

鹽礦有另一條路線叫miner’s route
體驗做礦工，行嘅路線會原始d

下次要行啲偏門啲，先有原始山徑

好似好正。
嗰時都有諗過,
但最尾都係揀番tourist route

Day 6: Zakopane ▶️ Warsaw

離開Zakopane的朝早係…落雨，仲要唔係落雨咁簡單，係落雪。換言之，朝早short hike嘅計劃應該要收皮。不過也慶幸昨天天晴。



聽宿主講，依度好少咁落雪法。

Day 6的行程主要搭火車番Warsaw, 差唔多要六個幾鐘，所以參觀嘅地方唔多。事前有考慮搭overnight train的可能，不過都擔心自己體力，而且又未完全病好。所以最後揀番下午搭火車。


其實班車都有同胞🫡。


我搭嘅依班火車傍晚六點零到Warsaw，但班車最終目的地係格丁尼亞（格旦斯克旁邊）。

有一樣野唔明。買車飛個時冇編座位俾我，所以就求其坐啦。點知中途有兩個波蘭人話坐咗我而家個位，搞到我要坐第二度。所以點解唔一開始編個位俾我？


番到華沙。跟住去今晚住嘅地方，都係一間apartment。好在一來近central station, 二來有洗衣機，三來有個好正嘅balcony。



露台度可以直望華沙科學文化宮。棟建築宏偉到呢…


都好夜。所以去central station旁嘅商場醫肚。


又食咗間buffet餐廳。順便再試吓波蘭餃子🥟。


cream cheese berry 餃
都幾特別，幾好食。


跟住去超市睇吓有咩手信買。我記得牛奶糖係幾值得買。


夜晚的科學文化宮原來咁靚。

從一棟建築，睇到依個國家也好重視經濟以外嘅產業如藝術、文化、歷史、科學等。所以先出咗蕭邦、居禮夫人、哥白尼等咁多名人。
我哋就…食雪糕🍦當藝術。唉…

第二日出發去拉脱維亞🇱🇻里加。

以為會再平啲 因為波蘭好似都係窮國

集中營果到真係浪費左印象中睇過佢好最早8點幾已經可以參觀，可能樓豬太遲book 變相得返330時段。

自己上次去慕尼黑果個集中營睇已經覺得好震撼

樓主機票來回幾錢

我已經個幾月前睇架啦。
嗰陣仲要係冇free tour添
搞到我要send email 去問，佢先放番啲free tour 位。
唔知係咪同我參觀當日係復活節前一日有關？因為我2-3點去到，都仲係好多人，咁我估朝早仲多。

慕尼黑嗰個係咪叫Dachau? 我都有去。不過奧斯威辛嗰個真係規模勁啲