Day 3: Krakow
Day 3重點行程係去奧斯威辛-伯肯諾集中營（Muzeum Auschwitz-Birkenau)。當年依個集中營屠殺咗過百萬猶太人，亦揭開著二次大戰的序幕。
集中營入場費係免費，但一定要官網預約。去嗰度可以跟tour或者自由參觀。我就選擇咗自由睇，而跟tour要俾$｡不過當天最早可選擇自由睇嘅時間係3:30pm。所以朝早可以再起古城周圍行吓。
小弟習慣朝早間中晨跑。我覺得跑步係遊覧城市每個角落最正嘅方法。
由住宿跑去河畔經過上圖的瓦維爾城堡。
沿着維斯瓦河畔跑，好舒𣈱，同埋又影到天空之鏡。
朝早原來都幾多人跑步放狗。
原來唔使去日本，依度都有樱花🌸睇。
當日係耶穌受難節翌日，古城中央廣場市集好多舖頭賣緊復活蛋。
雞蛋仔？
城內好多賣大麻商品嘅店
Lunch 起市集試吓波蘭餃子🥟（pierogi)加一碗薯仔洋蔥湯。今次試兩隻味嘅餃，有薯仔（其實我係薯仔控
）同菠菜。嗰度冇醬點，但會加繪洋葱起上面。
味道都幾好，而且好實正，裡面塞曬餡。
湯都不過不失，但飲到出曬汗，因為當日都有十幾度，太陽曬到正。
出發去集中營啦。集中營位於奧斯威辛（Oswiecim),
建議搭巴士去，因為可以直接在集中營落車。但如果選擇火車，奧斯威辛火車站距離集中營都有2km, 唔太方便。
巴士在krakow火車站旁的central bus station搭，可以即場買或者預先買，大約一個鐘一班，車程約1小時15分鐘。回程巴士飛可在集中營買都得。
但戴定頭盔先，旺季（4-10月）可能人流再多啲，有必要時預早買會好啲。
集中營其實有兩個。巴士會停在第一個。第一個雖較細，但好多展覽。第二個面積較大，原始味道啲。兩個集中營有free shuttle bus 穿梭，大約20分鐘一班，尾班車六點零。（唔記得影低bus schedule)
我首先去第一個。入場需要show passport同e-ticket。
第一個營有廿幾個block。大部分block都係展覧，可以入去睇。
門口寫住德文「勞動帶來自由」。句子何其諷刺。
未入去，腦裡已經浮現著屠殺虐待嘅畫面，心情真係好沉重。
裡面啲展覽多到睇唔曬。
旗幟其實係當年囚犯囚衣。
當年囚犯訓嘅地方只係雜草。
馬桶。但已經係囚犯比較好嘅設施。
囚衣
囚犯布鞋
11號block 被稱為death block，係當年處決囚犯嘅地方。當年解決囚犯有好多方法，除了毒氣，虐打外，被餓死，被窒息死都有。
Zyklon B罐頭。zyklon B其實係殺蟲劑。當年納粹德軍利用此物質製成毒氣。
絞刑台
毒氣室
火化屍體嘅地方
🙏🙏
大致上第一個集中營的展覽差唔多完。但因為睇得太耐唔記得時間。所以乍乍冧搭5:30 shuttle bus去第二個集中營。
第二個集中營-歷史大門。前面有通向地獄嘅路軌。
剛來到時伴隨着日落，顯得格外傷感。
但因為時間唔夠，只係出面影吓相，未能入去參觀，因為要趕番去第一個博物館再搭尾班巴士6:10番krakow。有啲遺憾。感覺上依個營帶來嘅震撼會仲大。
經過當日，又再一次體會到戰爭嘅殘酷，希望世人都好好認真看待歷史，唔好再俾錯誤重覆發生。
番到krakow 都差唔多八點。商場所有舖頭都差唔多關門，得番間M記🍔未關，所以晚飯就係M記
。
依個集中營全年開放，只有特別假期唔開。咁啱當日翌日係復活節正日，集中營唔開。
所以我算趕上淡季最後一日參觀集中營的其中一個遊客。
。
。我會努力嘅💪。
。
正
