[四月新番] Bartender《王牌酒保 Glass of God》

新既黃毛係取代白石既角色？叫做陳？似乎想扮中國人既各色？
但係又黃毛，奇怪既 combination。

Mr.Perfect 暫時既感覺係單純既惡役，比起漫畫入面少左一份純粹執著既感覺。
川上嗰一段執到亂晒大籠，唔睇原作應該一頭霧水。

配音感覺上正常，但停頓位同對白感覺好出戲，
唔少對白似乎係用文字而非正常口語既表達，唔知係邊個問題。

音效依然好 ASMR，用耳機聽效果非常好。

唔知故仔打算做到幾遠，但感覺上重組大網係唔太成功既。

神鳩部長感覺上變得正面好多，
無咁神經質但亦變得係普通小員工既感覺。
南先生變成惡役，明明漫畫入面係老好人一個，
唔夠集數將 d 故事打散重組，
結果係某 d 本身感覺良好既人同事變得乞人憎。

Mr.Perfect 同 南先生 已經慘糟餵屎，好彩東山先生暫時無事…
之後唔使出場應該唔會出事吧。

音效依然出色，戴耳機聽感覺良好，但難掩劇情上既不足。
雖然預計會追到尾，但期待度穩步下降。