前兩日去咗東京食咗哩度巴絲都有介紹過嘅壽司大、日和拉麵、五感、魚政。
24/5朝早5:00一落機即刻搭鐵去灃洲市場前試吓食唔食到,諗住食唔到就食大和。最後6:00到達,成功留名10:10食,好似都第4定第5輪,中間時間去咗浸溫泉瞓下。味道哩度唔少巴絲都講過下就多講,覺得有鮮味嘅,自選就揀咗海膽。
![](https://na.cx/i/Gi0XMGs.webp)
跟住同日下晝食日和拉麵,2:45去到排,已經有8個人喺前面,過多陣後面已經差唔多排到轉彎。佢網上寫4:00開始記名,不過現場都幾快大約3:10就出咗嚟記,第一輪5:30full咗,我就食5:50第五輪,中間行吓老秋。
我食咗特制鹽味沾麵,好正好大碗好足料,啲帶子干貝好新鮮好多粒,有好多種食法,就咁食、沾湯食,沾鹽粉食、沾芥末又或者松露油食;自己就鍾意湯同鹽粉,反而唔喺太鍾意油,點完之後滑潺潺,覺得有啲漏同滯,不過啲雞,差燒、貝、蛋都好好食,食到好飽。(張圖影衰咗)
第二日食五感,去嗰時見附近有間叫no. 18嘅漢堡店好多人排,btw, 同樣揀咗特上塩拉麵,佢個湯好重雞味,好鮮甜好好飲,啲雞胸、鴨胸、差燒整得好香,各方面都平衡得好好,好滿意。如果同日和2揀1,我應該揀日和,可能玩法較多掛。
最後魚政,點咗個天然鰻,我又覺得冇乜細骨,燒得好香好正肉厚,不過覺得細條唔夠喉;之但係我未食過國產鰻,比較唔到喺咪差唔多喇,缺點真係貴,性價比低。
![](https://na.cx/i/e20MFg0.webp)