告訴我，你的事，只有你知，我知

kksty

tg覆左你

沒有人

我睇左你個故仔一半，我就覺得，你絕對係比人pua緊。
佢話自己有另一半，但要d時間處理，但完全唔知下一步係咩，下一個時間點係咩，根本就係呃9u啦。

尼d手法，後面都唔知拖住幾多個人。盡快斬係最好既做法我覺得

禿頭佬

同意

基仔

第一次做manager, 明既。 D 野上心嘛。但其實好老實講，其實人唔上心，大家都係返份工。最緊要就係D野唔好錯，唔上身，出事起上黎唔關自己事。

你就要學識點利用規矩，制度，去令人做野。唔好以為真係會有咩以德服人，有人幫手，無架～。你試下打滾多一兩年，睇下職場既人係點玩，你好快會習慣。

樓主係臨床心理學家，定精神科醫生，定係咩專業人士？

ooo

我想問下你，你係男定女？我睇內容又似係仔，但去到最尾又好似怪怪地咁。

不過我會話，唔洗咁多擔心，做自己就得。做唔做人地既sp，我覺得好閒，你自己ok，解決到需要就得。每個人都會經歷好似你宜家咁既情況，好似唔知想點咁。最主要原因都係，其實你唔知自己想點，你唔知自己想要咩。

唔係話，呀我想拍拖，唔係尼d，而係我想要一個點樣既生活，我想我既另一半係我生活入面扮演住一個咩角色。要由尼個方向去諗，咁你拍拍下散拖，你就會大約get到其實自己想要咩。

擔心係無意思，我建議你多拍幾次拖就ok

oznoworld

tg覆左你

哈爾移動唔到

我同你差唔多啦，都係30mins以內既事

ON 9

護狗

tg覆左你

WYY

你唔覺得你先生咁樣做其實係為你好?可能你感覺唔到, 但我會話行尼步係一個非常大既付出.

米高佬

其實都唔係d咩大不了既事。首先你唔好自己跳入去先，唔好再覆d email先。有時候你要讓子彈飛。

如果真係好似你咁講既話，應該好快果個人就會有報應。

三失青年

tg搵左你啦～

C小姐
咁要睇埋你地兩個幾多歲先。如果後生既，早d分手好過，最後可能你拍左5年，年紀又有左先發現實係唔岩就搵黎搞。

痴撚柒線

唔好意思，星期六日太忙覆唔到。

umm，明既，另一半係做野／待人處事方面好似仲係未識世界咁。但我又調轉咁睇先，如果佢唔係做生意，只係打份工，其實都無咩問題。朋友既野，係佢自己朋友，佢想唔想要尼堆朋友你都未必知。重點係在於，佢同你既溝通入面係點樣，你地兩個你拍緊拖，但即使係結左婚既人，其實都難去干預到另一半同人點相處。

又黎到課題分離：你女友待人接物不如你預期，男友感到不滿／煩惱。

女友待人接物既態度係佢既事，你可以嘗試去比建議，苦口婆心，但最後改唔改係佢既事，至於你仲同唔同佢一齊，係你自己既決定only。而當你做尼個決定果陣，我會重點唔係待人接物囉，係你同佢之間既相處係咪舒服，即使佢出面無朋友，佢同你相處到就ok。

老屈成引

我就咁睇件事，太詳細唔知，睇唔出，但的確係有空間令人去懷疑係有無偷食。只不過你宜家咁樣唔上唔落咁，跟住整左咁多空位比人去想像就真係搵自己笨。

不如你靜返一排，安安份份先，信任既野好緊要，扣分制黎。你之前衰過，宜家想要人信返，自然係有個難度。
安份返一排，多d陪下對方，睇下點先啦

珍珍薯片

tg覆左你

葉漁

其實你如果已經認知到自己係比人呃左，然後對方係個fk boy既話，我覺得你好清醒喎。都唔洗特別講d咩

只可以話，有時開心既時間，享受過就可以了。唔好沉船就無問題啦～

Ms. 9434

唔知你個名係咪真，我留一半好了

我想講，我係超有同感。我聽你咁講，你應該係30頭左右。我同你既生活好相似。每日就係返工放工，跟住想搵d時間做d新奇d既事，等生活可以精彩d。但好多時都last唔耐。後尾我就走左去搵野學，希望生活可以精彩d。

到我去左搵野學，跟住又會覺得太忙，有時個人就係想攤係度咩都唔做。
上年我終於學識放低左d野，包括我尼幾年建立出黎既事業，我決定要停一停。我草左筆錢，夠我去玩半年，然後我就resign左，去左玩左半年。

我會話，香港根本就係一個不斷想人返工，幫老細搵錢既地方only。好d既人就有錢買生活，唔好景既人就只係過住生存一般既日子。老實講，係度搵30k40k50k，生活有改善，但係咪真係擁有緊生活？我係咪過緊我自己想要既人生？我發現唔係，所以我要去世界既另一邊睇下。

然後我搵到我人生想要做d咩，再定左個方向，再次出發。
我會話，人生其實不妨搵幾個月，甚至一年停一停低，感受一下個世界，感受一下自己，了解一下自己，返左咁多年工，其實到底有無為自己諗過？可能你係有家庭，為左家庭付出既同時，有無為自己打算過？然後我之後就會諗，就算有家庭，點解係香港，我想要有家庭，想要有個小朋友，就好似要將我成世人注落去咁？所以比d決心，試下行出尼個圈，比d時間同空間自己。

人生無得登出，但一定有暫停，只係你想唔想停落黎。

789

我無出國留學，但我可以話你知既係，defer其實唔係d咩大事，無乜大不了。無對比無傷害，我唔係話你讀得差。而係我想講你要好好珍惜宜家既生活。

係既，讀書要錢，人在外都要花錢明既。但你要知道尼個係你屋企人之前所得既錢，供你去讀，有一個平靜既地方去專心讀書。我想講，讀書尼回事，唔係每個人天生出黎就係可以讀得叻。讀到就很好，讀唔到就唔係錯。另外係defer咋嘛，有幾大件事，你要向前諗，如果今次要defer，點樣讀返好，然後規劃一下人生。

外國好多gap一年，出去搵人生意義啦，又咪係咁。所以唔洗咁大壓力。放心啦，後生讀書永遠唔會錯。但當中可能錯失左你重要既人同事，係無可避免既，活得好，就係一種交代。

至於一個人尼樣野，我話你知啦，你有好多人係身邊果陣，就自然會出現更多煩惱。多d出去認識下朋友過下日子，讀完咪快快手返hk。

開心又一日

我覺得你要做好兩手準備。因為女人既直覺，我覺得係一種加分制黎。今日你有d野唔妥，佢就會加分，分到某個位，佢就會開始有d動作黎mon住你，甚至想搵出證據。

而如果你同人傾計，佢係你同事尼類好快就會比人識穿。我建議你靜返半年，如果唔係，條女應該會好快感覺到

芒果沙冰

如果你只係做admin，咁點解要咁緊張同上心？做錯事，佢可以話你，話完咪做返岩，唔識做既事，咪試下做，做錯咪比人話幾句，跟住繼續坐係度。只要你一日坐係度，佢耐得你咩何姐？

同埋人生同返工係兩回事。返工係求財，唔得財，就求個開心。日子每日都要過，如果錢唔係太多，又做得唔開心，就換一換公司。

之前睇佛學果陣，人生有一種煩惱，係指每日同唔願意一齊／見到／合作既人一齊。你宜家就有少少尼種情況。

789

始終我唔識你父母。但你媽媽如果係真係喊得出既話，我感覺到其實佢比你既壓力都幾大。讀個書，成續差有幾閒？你先得果廿幾歲，如果讀書可以令你壓力咁大，咁你想問下你 以下情況你將來點算？

1. 你老細今日突然話好欣賞你，想你幫手帶個project，全公司都睇你頭，但只係比一個人你同希望你唔洗點用額外既開支。
2. 你同你男／女朋友準備結婚，但你突然因為市道唔好比人炒左
3. 今日好好彩，你比到首期買左樓，出黎行路有風，今年突然風向一轉，你變左負資產。

成績差？我連笑既力氣都唔想有。我唔知你想講，做d成績出黎比佢地知道，究竟個成績係指咩。first hon畢業？去讀哈佛？信我啦，好小事，反而我會想你去思考下，畢左業，究竟條女應該係點行。今日你仲可以用個grade去評價自己既分數。但畢業出左黎，係用咩去評定你既人生過得好？人工？生活？將來你要考量既野更多，你不如早d諗下之後點，張成績表係過左第一份工之後無人想知架啦。。。

芒果沙冰

你做中間人，你就要識得做返中間人轉聲筒既角色，只要我有及射將個波射左去其他人身上，尼個就唔係你既責任啦，你驚春咩？

同埋有時admin係公司可以好大，如果咩信息都要經過你，好多時應該好多人要你幫手先係。有d死老野就唔好驚佢地，反正宜家無人做，我唔做你地自己做？佢地一定客客氣氣對你。

其實宜家香港間間公司都差唔多，蠢既一大堆，跟住仲有d老野係弱智既。所以其實如果上述尼d你handle唔到既話，其實出到去再搵，可能你都會搵完又再有同一個感覺。唔好比份工影響你，永遠都要自己爽為先。真係好搞唔掂啦，咪走人。

我都係果句句啦，睇被討厭的勇氣同不反應練習先。
有得gap一陣既話，我都建議可以停一停先。不過要睇你年紀有幾大，同埋你既經濟狀況係咪許可。

幫吓人啫，真係要講目的嘅話我諗佢可能想識吓人囉