告訴我，你的事，只有你知，我知

你有無發現，你既心事唔係所有人都可以講得，甚至係連登都唔講得，因為你怕你既朋友知道你既事，怕比陌生人知道你既事，漸漸將所有事都放係心入面。

以下有一個方法，你分享出黎既心事，只有你知，我知。

https://forms.gle/yR5ZhSq5cTy4X46RA
去上面既表單，填一個你自創既稱呼，係下面個box打你既心事，我會係以下呢個post回覆你既稱呼
如果係想一路傾落去，你只係需要用返同一個稱呼再填一次表就可以了。

**心事盡量講重點，分段寫，我會睇得快好多。感謝
**聯絡方法選填

幫到你的話, 請正皮

白頭佬

其實係一個心理關口黎既。我覺得你唔可以成日以為自己被比下去，你都要認知自己既定位同埋都有好既地方
唔好成日因為自己既喜好，而覺得自己一定比人差
同埋，你點知d女唔鐘意？可能宜家d女就係鐘意你尼種都唔定。

之前睇左本書，有講到係話，其實你一路唔搵／搵唔到，其實有機會係你自己唔想搵only，唔係你搵唔到。因為你怕，所以就會就住就住。一就住，你就搵唔到。

唔知仲有無人記得我之前出過既post呢？

子華神

如果屋企個情況係咁。其實你無得搞，一律建議搬走。你唔搬，只會比佢拉住你後腳，不斷拉住你既人生。最好斷埋來往。
方法就比左你，做唔做到又係另一回事。

lollll

無人笑你，笑你果個只係你自己。你唔轉身望一望，其實真係無人幫到你

kakwaki

我唔係太認同你尼種諗法。首先係，你男友其實係有自己既me time。佢有權去花d時間做自己鐘意既事，咩叫咩都唔理走左去？咁你又無提出next action，其實佢點安排自己既時間都唔係問題。

不如調返轉問，你有無親口講你自己想佢點？d後生女成日就覺得男朋友好似要識得心靈感應咁，睇面色就知你諗乜。外星人咩宜家？有要求，有唔滿意就講出口，出左口都唔做就係另一回事。你唔肯講既，人地無責任再進一步去估你。估錯又話唔得咁點算？

傾下先啦

睇路阿

話說你地兩個都係app識，然後你地發生左關係，之後再一齊。我反而想問，點解你咁有信心，可以將你之前既事都話佢知？點解你會覺得佢唔介意？同埋講真，你地都已經發生左關係，你其實咁快話比佢知，你咪即係比位佢入，等佢即時可以有借口飛左你？

老實講，我覺得佢係食完就想飛起你，咁岩你又比左個理由佢。你都係專心放下啦，tg我搵左你，不過你都係預左我屌7你on9多，通常都係要人屌下先會放得低。

白湯拉麵

我想講，你尼種情況，我都維持左一個幾長時間係咁樣
又係一堆人入面有個朋友，佢同我唔係好fd，但我硬係好似好留意佢對我既言行咁。不過我尼兩年就已經放低左尼個朋友。

你個case又有少少特別既。就係佢去左A度，同去你度既態度，反應都好唔一樣。然後你介意。

我想講既係，你宜家個腦入面有幾派係度打鬥緊。
1. 重視你朋友既派別（感性）
2. 重視生意既派別（理性）

點解咁講，因為你感性既部份（重視朋友）就會諗，呀點解佢會有唔一樣既反應比我地兩個人呢？你無意地將自己同A放左係一個天平上面比較。你係度比較緊一樣見唔到既野，衡量唔到既野，而亦都係你永遠搵唔到答案既野。

另一方面，理性既你，就會以為係自己既產出唔好，所以你先會搵咁多人黎問，希望比到一個答案自己，因為你好信你果位朋友，你覺得佢既然無比一個好正面既回應你，一定係自己有問題。

而你個腦，就住以上問題不斷地內耗緊。我可以答你既係，你要有被討厭既勇氣。唔知你有無睇過尼本書，但如果無，我建議係去睇一睇，無時間既就上youtube搵d 雞精。大概就係有講，人大多數既煩惱都係來自人際關係。咁點樣去解決尼個煩惱，就需要到課題分離既尼個概念。你既問題，只可以去解決自己既部份，而人地既問題，你就唔應該去干涉既大前提下，你先可以去解決。
例如宜家就係，佢黎左我度食野，佢對我既野食評價一般。我會將尼個分類係理性方既問題。其實你己經解決左，因為你唔能夠影響你朋友，所以你從其他大部份朋友身上收集意見黎強化自己。GOOD

而第二個問題就係，佢黎左我度食野，但對比起人地，佢好似鐘意人地多d。尼個係感性既問題黎，食野既話，我覺得已經解決，而你可以專注係自己度去改善既，係你同果位朋友既友誼。而如果你覺得，大家傾唔到，講唔出既，其實就唔應該再咁介意。而如果你地好fd，佢真係話左比你知原因既，咁其實就唔洗再去介意。但大前提係，你唔可以逼佢鐘意你整既野

有d人會話，咁你都好廢姐講得，係既，係尼度我仲要提出佛學既想法。你宜家係處於一種得不到既狀態，學會放下，事情自然解決，商業方面我覺得你已經ok。係度我唔提咁多了，你都可以去youtube搵d 雞精。keyword 不反應練習／別對所有事都有反應

另外，我覺得做生意，個人最緊要係平靜，尼d無謂既比較只會令你傷心又無益。呀仲有，我都好鐘意食白湯拉麵。

老實人

無論發生咩事都好，千祈唔可以坦白
特別係你已經行到依家呢個地步
發生咗就由佢發生
唔好突然之間良心發現

我講一個事實俾你知
就係女人知道咗之後，永遠都有心結
佢永遠都會懷疑你，你之後嘅日子唔會好過
既然佢唔知，就永遠冇俾佢知
你亦都唔好提，唔好突然間良心發現
良心係一段感情入邊唔係好東西

jellybelly996

故仔太長。
tg搵左你
chec tg

牙斯BB喔

唯一解決方法係搬走。
屋企人唔識欣賞自己做既野，只係識嘈既話
早走早著

But anyway 我建議你先努力幾年，草錢離開佢好過

麻煩友

有幾夾先？同埋因為咩事所以你覺得自己夾先？同埋夾，唔代表佢肯同你一齊喎。
就咁睇，似係只有你單方認為好夾。
同埋你都應該知啦，尼種關係，好易比人唱架。
建議你都係諗下好啦，no go ar

麻煩友

其實我覺得好簡單，只要將你同佢既所有接觸點都remove就ok
例如ig story，Facebook。將佢全部hide起左佢咁就得
跟住你就會好快唔記得，當然仲要將日常生活果d見面都remove埋啦。
咁你就唔會咁易諗起，加上佢宜家有正印，你既思維會有一定限制，兩三個月你就會唔記得

扮工者

轉左老細，其實都真係咩都重新黎過。我都有試過類似，就係本身老細幾鐘意，一轉左老細，佢未必係唔鐘意你，但佢就係要否定上一手既事，所以就好多野係度問，係度挑。

我覺得平常心，同埋你要睇下新老細其實真正既任務係咩。可能佢提出左d新既方向，係你大老細buy既，你就要盡早知道，盡早提出自己係佢既計劃入面扮演緊咩角色。

如果唔係，佢搵自己友入黎，舊人都唔坐得耐。

綠帽

唔怕戴 最緊要。。。你明啦

耶律阿海

一個interesting既case。但難度都幾高，我睇完，一時都答唔出應該要點做。我先講一講我心入面既感覺。

我覺得，你無將今次既感情好好定位。同時，你既腦海入面，只有一個位置。

你係文中無提及自己幾多歲，拍左幾多次拖，之類。但我首先要係度先聲明，就係我認為除左自己另一半以外，有其他形式既感情，例如偷食，sp之類係正常。理由先唔講，之後有機會先傾。

但我想講既係，今次你無將尼個女仔同你女朋友做一個好好既定位，以致自己不斷地係度內耗。其實你要既答案，唔係二取其一，係同時存在，不過一個係永恆，一個係短暫。明唔明？

即係話，女朋友，對你好，你都覺得佢好，只係可能某部份大家唔係咁岩心水，但基於你地既情感已經有一段時間，同埋其實佢都無大問題。所以我覺得係永恆既一方。而另一個係屬於短暫。
唔係話唔可以同佢有感情關係，而係你要識得掌握尼後關係既節奏，識得係岩既時間為尼段關係畫上句號。如果係識得咁諗，你今日既煩惱唔存在。

有人話，知，我知呀，我明呀，但我停唔到呀嘛。最後就要處理一下你尼個情況。因為你發緊燒，你退唔到燒。但其實有個思維好簡單。你覺得你女友生活上同你有d野唔夾，宜家係你面前好似出現左個好好，好夾既人，然後你發燒，好想同另一個人一齊，排除萬難都想一齊。
我想講既係，無人既女友係100分架，總會有d位係唔夾，而同時你作為一個男友，你係女友眼中都唔係滿分。但當你出現另一個既時候，因為你地未曾經一齊生活話，你地既生活只限於偷情，msg，開房扑野，出去開心，你地唔洗面對生活，唔洗一定面對生活難題，一切都係美好。我會話，當你唔要女朋友，要左尼個人，你之後亦都會後悔，因為你永遠係度比較，但其實新黎果個都未必係100分，而你會錯失左一段好幾年既感情。

所以我既睇法係，why not both？但暫時既野，你要認命，佢就係暫時。唔會有人拎零食做正餐食一世。

三失青年

我覺得你離開情緒病仲差好遠。

我覺得你收入同年紀都算正常，但你欠既，應該係朋友／女朋友。
屋企人點諗都好，其實你應該有另一把尺，係由尼個社會教你，以致你可以有一套行事同思想既方法，唔一定要跟屋企果套先係岩。你今年先係25，我覺得你係應該out going多d，識多d朋友，聽下人地既生活係點，你要諗諗自己追求既應該係乜野。

而女朋友黎講，如果係未拍過拖，我個人建議你係要識左一堆朋友先，如果有機會／睇中對方，就即追，因為宜家我唔係拍你無拖拍，係拍係唔肯去開始尼個過程。

唔洗諗太多，做左先。你一定唔係情緒病。

玻璃肥佬

哈，我同你試過差唔多既野。

首先，好重要。公司唔會無左邊個係唔得既。千祈唔好有一種想法係公司無左我唔得。一黎係過份自我左，二黎係你覺得自己同公司已經係一體。咁樣既想法，作為一個打工係非常危險，而如果我係你老細，我知你有尼個心態，我一定比個超人位你做，等你做上引，自我感覺良好就唔會走。

第二，關於每個人既去向。我同你都有差唔多既經歷，我比你更甚既係，我就係比人調走既老細，下面既下屬全部都係跟我搵食，突然我就要去第二度。我曾經都有諗過，其實每個人都有佢地既負擔，我咁樣走一走，會唔會造成佢地既不便。但最後我諗通左，責任根本唔係自己身上，要怪既就怪老細信錯人，交左比我個位比另一個人。

加上講真，你一個人唔做，點可能影響到咁多人。你能夠學得識既野，其他人都係人，總會學得識，係時間既問題，唔好將自己諗得咁重要。

唔好認衰仔，商業社會，唔會咁善良，你肯認衰仔，個世界就會時光倒流比一次機會你，唔會發生。你應該努力d去搵第二份工，做得高既位，比以前既老細知道你撈得掂。如果你覺得前老細真係好既，你又知佢有困難既，你有能力就幫下手。

都係果句，公司係公司，工作係工作，唔好太上心。講樣野你知，你d同事唔係同你同時比信一齊走，而係一個一個咁走，係因為佢地都搵到後路先走，無人係會打一份工打過世，總會有d風浪。所以你唔洗諗太多

三失青年

用返同一個名就ok

我覺得我同你有差唔多既經歷，自己借錢讀書，自己還，一出黎做野就問我拎錢比家用。我心理上同你都有d似，的確當年係有d自卑，但我唔係好介意，因為我追求緊既唔係晚晚出去飲。

同埋你要知道一樣野就係，永遠唔好以為佢地係你大個左之後會開明左。一定唔會，你能夠做既，只係能夠默默咁忍住，搵錢，然後自己搬出去住。我宜家都搬走左。一黎係窮人思維會影響到我，二黎係同屋企人住埋一齊太多情緒波動，對自己既發展唔好。有人問比錢出黎住，點解要咁傻仔比租人，我會話，我又唔等錢洗，又唔想買，但我需要一個地方可以比我思考，為將來打算。我諗你都應該要計劃一下。

另外關於自卑，我認為你可以免去尼樣野，因為所有人都係平等，你見佢身光頸靚未必係好有料。唔好同人比較，大家起跑線都唔一樣，要比較既，就諗到底自己到d咩成就，記住，唔係錢，唔係擁有d咩，係有咩成就。

我覺得唔洗斷關係同埋除名，因為佢地始終係，當你輸到一蚊都無果陣，你仲可以返去訓覺既一個地方。記住，有公屋，只要你唔死，你一日都仲可以生存再黎過。反而你要諗既係，點樣發展自己，點樣可以令自己盡快搬離尼個地方。我早排睇到d post，有d係專門租比學生，5000蚊左右有間套房仔。你手鬆ok，但如果係未草到有錢，不如你忍多兩三年，草返幾十萬先再諗係3字頭之前搬出去。

護狗

你比果個tg id搵唔到
你可唔可以重新比一次tg id我，id通常唔會只係一串數字

飛翔的荷蘭人

最後分手原因係咩先？真係家人比你既壓力？我想講，你如果拖到人地去30歲，你係因為d好小既事而分手，我覺得係你耽誤左佢既青春，浪費左時間係你身上。

結婚有人話係兩家人既事，但我覺得係兩個人之間既事only。因為家人好大機會會先行離開，陪自己既，明自己既，一定係自己既另一半。

我覺得你唔好再搵佢啦。反正你又結，講真你宜家搵佢，咪好似成個勝利者姿態咁同佢講，我結婚啦咁樣，對佢黎講毫無益處。最後你唔好比佢見到所有有關係既野，如果係真係對佢仲有留戀既話，尼個係你對佢唯一好既方法。

平面設計c

c hing，老實講，你成個小朋友咁。自己玩完唔想玩既玩具，就想放係身邊，但唔玩。到人地要走啦，你又唔比，但明明你個心就唔係佢度。

得罪講句，我覺得你尼款仔係最撚差，可以用仆街去形容。一齊左12年，你先覺得條女唔係你想要既野。頭3年你地神交？網戀？你用左人地12年喎。我當你16歲開始拍拖，佢今年都28，人生最撚美好，最卜卜脆既時光都比晒你，你宜家先黎話唔夠愛佢？你有無資格講尼樣野先你諗諗。你唔結婚既，不如你快撚d放人走，人地宜家仲有幾年時間可能仲搵到另一個，唔放既就不如原地結婚唔好諗。

好啦，到另一個女仔啦，我覺得係你單方面鐘意姐。一黎背景大家差唔多，人地有係你面前不斷提自己男友，亦都無進一步搵你有行動，唔好自己係度ff。同埋我想講，宜家岩岩識就咩都美好架啦，識落左一齊生活自然就係另一回事架啦。有得食，你咪食，無得食就唔好諗咁多長遠發展啦唔該。

你唔想say yes咪分手囉，男人無時限，女人有。

KIKI

tg add左你

sam_007007

tg搵左你

k仔

有時d野唔係下下都如願以償既。但係唔係一定代表total loss？我覺得經歷都係一種人生收黎，你仲咁後生，怕咩？