對唔住，食Omakase嘅真係白痴

其實個錢只係當包場錢
一晚做少少客
師傅serve得少人咪當自己高級啲
本身真係有錢人咪ok

同d唔識既人講多都無謂，以為日本就係新鮮，新鮮就係好食完全唔知呢廿年高級鮨既技法已經翻咗幾番

我係崇日撚 但都覺得唔值得比咁貴食omakase喎

Share下鋪名？過幾日去

米芝蓮星星唔係淨係睇好唔好食㗎，仲要睇餐廳裝修、服務、酒單、集團或者舖頭同米芝蓮嘅人嘅關係等等。我喺日本食過最好食嘅壽司冇一間係三星（Saito叫做前三星，但係佢哋主動除名），反而食過最伏嗰次割烹係銀座小十，間嘢係東京米芝蓮二星。

星星唔係絕對嘅。

我喺度諗緊要唔要拎返啲咸豐年代之前一時興起喺連登寫嘅文俾佢地望下

我覺得你同連登仔講理論係冇乜用，始終omakase受眾都係小數，你見呢個post有幾多食都冇食過就話食既白痴，到時佢哋走入黎鳩踩鳩彈，咁就好冇癮

香港食太貴
日本 台灣食抵好多
hkd$500食到好好質素

真仲要有啲明顯冇食過又扮食過

小弟就嚟去大阪 想知師兄有咩omakase餐廳推介

食之前做下功課囉，求其鳩入或者見到ig fb廣告同你講9成伏黎。就算香港師傅有啲都唔比日本差，雲隱、海神兩位健師傅，弥泩龍師傅，天鮨kenji，食個lunch都係一千左右，又唔使特登搭飛機

呢間會唔會太高難度，我1月特登較鬧鐘都搶唔到位

草泥馬

如果香港omakase真係講究
要派人一早去日本漁市拎魚再直ship香港
朝魚晚吃，收得貴都無可口非
奈何香港人做生意你明的，用日本雪貨已經有良心

係香港食一定係，d師傅個個無料咁介紹食材，同個日本客去食，個客都笑鳩佢

即係咁，睇得出你係唔識扮識確實有啲魚係要朝殺晚食，最出名嘅莫過於伊佐木（即係香港人同台灣人叫嘅雞魚），但係亦都有好多魚係要擺一陣先至啱食，通常體型越大嘅魚就越需要擺，亦即係我哋所講嘅熟成。

自己去揀魚就其實就好多香港師傅都有做，不過主要係本地魚，原因都好簡單，魚市場朝頭早三四點就開始投標，就算師傅喺度，咁佢又要幾點飛到返香港去準備啲魚同埋處理啲魚？由劏魚去到起骨，呢啲事前準備功夫，加加埋埋都要幾個鐘，你叫佢點樣揀完魚之後即刻飛返香港準備午餐？就算鐵人都要瞓覺啦，係咪啊？

無論日本定係香港，好多舖頭都會有相熟嘅供應商，佢哋會派埋人去影相同幫你手揀魚，之後再空運嚟香港，咁樣先合乎正常人嘅分工、作息同埋生活，唔好睇啲紀錄片睇多兩睇睇到冇晒常識先得㗎，有好多係喺鏡頭前面演嘢㗎咋。

冇意冒犯，不過好似見有巴打話食竹，之後執埋
你記得佢執之前嗰排買一送一咁上下，咁一定係伏

封關嗰排係好多出嚟混水摸魚，我都中過伏

不過香港鮨店真係唔差啦，有啲真係可以同東京top嗰啲去比


都係嗰句，壽司唔係一片魚放上一舊飯
條魚劏完即食未必最好食

又未必冇鋪頭講究嘅
香港有師傅自己去日本研究種米，之後自己香港用