對唔住，食Omakase嘅真係白痴

過千蚊位
成餐飯任佢派發食物畀你
尋日雪櫃有冇賣唔去嘅野先？
日日新鮮空運到？
由機場落貨送到去尖咀
分分鐘已經夠時間來回香港日本兩三次
最緊要係唔好挑戰Omakase嘅師傅
畀屎你食都係日本精神
呢啲擺明劏水魚嘅「日本菜」
係連日本人都唔明白

本身份量都唔係多唔覺意派中啲你唔食嘅食材真係喊三聲

未食過真正omakase既
梗係唔明可以有幾好味

比錢買虛榮感姐

明，未做過水魚，點知做水魚嘅體會

個師傳仲可以用高高在上嘅態度去俾食物你，你唔讚就係你唔識食

師傳識唔識講普通話?

我幫樓主更正
對唔住，係香港食Omakase真係白痴

香港啲食材都唔慌靚
收咁貴真心搵笨

食過，第一次食，有種不知所措既feel，玩手機又好似唔尊重佢，但唔玩又冇野做，望住佢係到出品，但佢背脊對住我多，都唔知睇撚咗啲乜野，野食方面係唔錯，但真係貴，果10幾舊飯收我千5蚊個頭，同埋係我食過最快完既高級餐廳，全程半個鐘都唔知有冇

你針對嘅係所有Omakase定香港嘅Omakase?
咩叫連日本人都睇唔明？你知唔知日本Omakase嘅普遍程度去到一條街都隨時有幾間？
本身Omakase呢個字係日文「信任」咁解，90年代好多餐廳同熟客嘅關係好好，客又信得過廚師，所以就將成餐飯交比廚師發板，慢慢演變成今日嘅Omakase，係日本大把平民Omakase，人均幾百港幣，當然你要貴去到幾貴都有，我認同香港果d真係貴到好離地，個別有幾間搵日本師傅過江龍搞下gimmick收貴d，香港人洗錢係食方面真係世界級
Btw人地食自己嘅關你撚事咩

咪就係，你去日本食中華料理都貴過香港茶記好多
啲孤寒鬼左度右度，食咩都唔好味啦

Omakase我只會去日本食
價錢平一半 食材又新鮮啲

睇到話咩食客同廚師既信任就覺得好尷尬
你都識講要個客同個廚熟啦，依家有幾多人同個廚熟
其實fine dine 咪fine dine, 洗乜講到好高深咁

你係咪搞錯左啲野

除左價錢外，重點係果份信任既精神
人地都講左日本係信個師父會揀當日最新鮮既野食俾佢
呢度呢？ 邊樣食材剩最多咪俾邊樣你囉

俾錢幫人清尾貨仲要俾人話孤寒，世一

支持 Omakase 既人，唔需要說服人去認同自己。
只要描述下自己個經驗係點就夠。

譬如好味成點。
嗰種好味有無對食完之後既生活有咩變化。

點解對香港師傅要有偏見？
同聲同氣，係都呃拖喼客啦
呃本地人一次，就唔會有回頭客，佢會唔會咁蠢？

人地個字本身咁解你都覺得尷尬？咁你個人本身都應該好撚尷尬 唔係高深唔高深，字面意思就係咁，即係fine dine就係fine dine，唔可以再分類定點？

唔覺得食omakase係白痴
不過自己唔會去食
我寧願食自己想食嘅野 多過你推介我食啲咩

我覺得香港果d收得2-3千一個人頭，應該點都會比新鮮靚食材d客掛，但同等水平嘅餐單係日本可能只需要一半，甚至3份1價錢

利申無係香港食過，但覺得如果真係比咁貴仲要食屎，香港人咁撚難服侍，d鋪頭應該執柒晒

幾千蚊去高級扒房鋸塊royal級牛扒仲好

相同價錢我會食中菜或Fine Dinning
不過食得起又鍾意食有咩問題

D人一樣會同你講，係歐美食平幾多幾多or係出面買塊同級牛扒自己煎先要幾錢幾錢

食爭鮮最撚抵啦