台灣環島單車慢遊

我踩和仁到南澳。大清水到和仁嗰段應該踩唔到，我搭火車經過都仲見到好多嗰啲獨臂嘅鏟車係度清啲落石。大清水休閑站嗰個位之前被泥石流淹沒咗，到依家仲清緊，加上聽好多人講啲路爛晒，所以我冇踩。

和仁到南澳冇事，啲路冇受影響，可以舒服踩，景又靚。之後南澳到東澳因為係新舊蘇花嘅共騎段，太危險所以skip咗，直接係南澳坐到新蘇澳，再踩去宜蘭。

Btw 我踩完蘇花之後嗰一日睇新聞，咁啱嗰日花蓮有5.5級地震。好彩我踩嗰日冇事，如果唔係嘅話我應該唔會踩。和仁到南澳就算冇爛路我都擔心落石問題，地震嘅話我一定直接全段skip

Day 14 (1)

父親節，而我在台灣環島，感恩家人包容我做這瘋狂的事。

7點半起身了，因為今日時間要預足一點，旅館也在昨晚預訂好，今日不成功便成仁!

過了隔離7-11 買早餐食，食了一個三文治及一盒牛奶，而同時出面正下著雨…..看來今日都係兇多吉少，唯有等多陣睇下會唔會停，點知又真係停左! 馬上出發!



入番車城作最後補給，轉了入車城的福安宮，原來這邊的車城挺熱鬧的，又可能早上關係，有一個市集仔擺攤賣菜。




然後便轉上四重溪，一路直往山奔去。而四重溪前的一段路封了，要繞路，過了後便開始上山….無幾耐便見到一個大門牌，側邊有兩尊像是原住民形象的。原來這裡便是石門古戰場，是原住民牡丹社抗擊日本人的戰場，現在已經發展成一個旅遊區，仲有一條步道。
但今日我無閑觀賞了，還有很多路要走。下一間7-11在牡丹鎮，沿路又係上斜的路，有一段路真的爬不了要停低抖抖，邊喝水心裡想: 陣間仲要爬壽峠，點搞呀….


踩多陣就到7-11，此時大腿已經攰到虛脫，而我仲有27k上坡路要爬….所以呢到就抖陣啦! 留意到這裡的人都不像華人，應該真的是走進了原住民部落了 (真的一個華人面孔也沒有…..) 。之前的路段已經踩到死下死下，黎緊仲要27k無補給，即刻要沿途plan下有無其他補給站，然後買多條energy bar, 就繼續爬坡喇!



岩岩出村便見到牡丹水庫，仲有時間就入去睇睇。入面有一個觀景台遠眺水庫，而旁邊有一個故事館，門口有一個告示牌，原來平日只作旅遊團，只有週末開放! 諗番轉頭如果我無係高雄抖一日，今日便來不到這個館參觀了，真幸運!



入面唔大，但作為一間原住民故事館便算是十分豐富，故事以原住民角度出發，詳細描述原住民第一次出現在國際舞台的事件: 羅妹號事件，詳細紀錄了各方的意見及史實，另外設有展區介紹原住民的習俗eg食物，動物等等。而更加有趣的是館方有一個app，可以用app開鏡頭睇AR，例如有一些展版講原住民的物事，便可以用AR睇那樣物品的圖片。最有趣係佢有打卡function，當你睇哂咁多個展區，就會送張post card。

樓主，想問下你嗰時係giant book車，除咗auto reply個email之外會唔會有其他confirmation email，唔該曬

留名想玩 但冇咁多假

我睇番email, 有封confimation email話訂單成立，有哂還車日期個D資料的。如果怕可以email佢地問

又好耐無更新！樓主其實打得7788， 但up相實在太煩所以有D懶
Day 14(2)

離開博物館，重新上路。又係不斷上斜，踩到咁上下，到了牡丹村，上壽卡前的最後一個居住地，之後真的沒有退路了。所以，我決定食個飯。



編排路線時已經見到這間蛋包飯，不過台灣鋪頭開門時間信唔過，所以黎到都係半信半疑，問聲有開就放心了。本身諗住去到落左山到達仁先吃飯，但一諗到之後要瘋狂上山，都係食左先好D。聽著原住民講原住民話，份外有風味。但我食唔哂，本身我唔係好肚餓，碟飯又大碟。


食完後太飽，坐上車決定慢慢踩回一回氣。但係踩一陣就胃痛，可能實在太飽。出村後便是無限的上斜，將架車較到最輕都覺得有點吃力，但我話俾自己聽，我可以的! 上斜時斜道不一，有些路段較斜需要我使用數數大法 ; 又不斷呃自己無咁斜的路段是平路可以抖下。上到哭泣湖感覺還可以便沒有停下繼續踩!

之後的路段令我有點懷疑是否行錯路，因為有些路段是平路，更有些路段是小下坡。但睇路牌又無行錯路。而其實整段路都無車咁滯，上網睇這條路其實不乏行車，更有d blogger踩這條路時遇到塞車。但今次彷彿只有我一人在這坐山緩緩踩上。


一個人身體的感官都被放大，尤其對森林裡的聲音，但我將注意力放在腳上，嘗試ignore其他聲音，慢慢地，見到一處涼亭寫著觀海繹站。呀!!! 差不多到了，其實我的體力是可以容許我繼續的，但我又想睇一睇風景。望後去，原來我已經踩了不少路，途中睇咪錶我其實係維持到8-10km/h，都算合格啦。

抖完又再踩，很快到了內文部落，係一個分叉口，向上是壽卡，向下係內文部落，路口有一隻獅子雕像。發現單車後輛癡住一隻黃鋒，死了。但我有聽過黃鋒可以憑氣味找同伴，咁萬一佢d朋友黎搵我，咪大獲! 所以即刻拎張紙巾包起佢，先袋埋入袋先。



再出發! 上呀!!!!!!!一路踩一路同自己講我得既!!!! 然後見到路牌就知道: 到了！
來到壽卡，我感動到抱一抱我架單車，buddy, we did it! 碰巧有一班人影相，我便叫住其中一人幫我影相。壽卡驛站原本是原住民保留區管制站，但自從原住民地區開放後，便轉了做驛站供遊人休息。


初頭見到關了門以為無開，但嘗試開門又開到便進了去，入面有職員。我問他可否買post card，他說: 不用買呀! 你facebook like我們便可! post card get!

因為上到這裡實在太不容易，我在壽卡逗留了一個小時，感受一下環島遊最高峰，又可以休息下。之後便依依不捨地下山了。

落斜很爽，但其實我心驚膽顫，雙手緊握brake，就算麻痺了也死死地按住，將速度限制在20km/h內我不想又炒車呀! 在我和brake博鬥之際，突然聽到後面一班加油加油，原來是一班auntie坐住van仔，開左車窗同我打氣，台灣人真好!




之後見到了一座廟，停車看看廟內沒有人，但有一個觀景台可以看到山下兩山夾住一條高速公路的景色。離開前見到有隻貓，好嘆咁躺在石博上，今次這隻不太理我，就離開了。之後又是不斷下滑，而且更有急灣，看來這邊上山比起我那邊上更難更辛苦!

總有機會

Day 14 (3)

下山後先到達仁7-11補給



之後輕鬆踩，一路沿住太平洋既海岸踩，真係好舒服

好快就到大武，大武是一個小漁村，本身無乜特色。但可能近年太興單車環島運動，這裡是離壽卡最近的小鎮(除左達仁)，便蓬勃起來。更有一間新建的商場，內裡有food court及台灣手信。



遙望海邊，有一個藝術品轟立在太平洋海邊，我便和其他遊客一起走近。原來是一個藝術計劃，將不同的藝術品放在台東海岸。我糾結了一陣，才決定叫途人幫我影相，誰知他竟然幫我搵埋影相位置，又教我擺post。閒談兩句得知他是退休船員，行船時來過香港幾次。我們更交換了line及自拍了好幾張，便道別了，公路旅程就係咁，每遇到一個人都要當他不會再見地交談，然後輕輕地道別，雖然口裡說再見，但我們都知道其實很大機會不會再見了。


大武鎮真的很細，踩過對面馬路便到達民宿，此時的我已熟練得可以直接踩雙白線橫跨馬路。今天預訂了一間shared room, 本身想訂單人房但無哂了，始終星期六比較難訂房。民宿主人就住在民宿旁邊，簡單介紹過後便帶我上房，一入房一大陣up味撲鼻而來，但心想只是住一晚，第二朝早點離開便是了。而原來只有兩日一間房，正當我FF緊同房的會是甚麼人時，一個光頭留鬚的男士走了進來。簡單打了招呼我便去了沖涼。回房後簡單交談了一下，原來他是途步環島(真厲害!) 仲要紮營!，難怪這間房咁up….。然後我便行番去商場食飯~



food court內有幾間揀，我繞了好幾圈才決定食原住民料理。點了一個大獵人套餐，其實就是燻肥肉配沙律，又有一些類似粽的東西，大滿足! 慢慢享受完後，回民宿取衫乾衣，民宿很好，洗衣乾衣也不用錢，但乾衣就只有脫水機。等待期間走了過去7-11看看，又竟然撞到昨日果兩個環島台仔!

原來他們也是今天到大武，他們住第二間民宿，仲推介我吃我民宿前面的烤餅，又這樣別過了。在7-11閑逛了一陣，便回民宿，又撞到那兩個台仔，原來他們是在買烤餅，這時終於可以好好的聊一聊。原來他們是高中同學，一個正在讀研究院社會學，一個讀final year 物理治療，今次環島係他們的畢業旅行。我也告訴了他們的這個環島之旅是在補償我大學畢業時的心願。聊了一陣，又這樣別過了。那間烤餅的確幾好味，可能係用左太多力仲係肚餓，又叫左一杯綠茶。當我準備吃的時候，同房的那個男人走了過來坐下一起吃。我們邊吃邊聊，原來他只有22歲…..(睇落30)，是一個自由工作者，大學本科念酒店，後來覺得沒興趣便不讀了，現在跟了一個繪畫老師學習繪畫，又會教班。和他聊了很多關於個人目標，感覺他好像對自己的前路還未很清晰。食完後便番房繼續傾，我們談了很多關於中港台的話題，由2019年的社會運動，台灣與中國的關係 ; 由台灣的退步講到香港也在退步; 之後又發現其實在某些地方兩地其實也在進步; 再到台灣人不喜歡走路; 再到談書談電影。我慶幸是在今天入住大武民宿，才認識到這位人兄可以聊得盡興。一路聊到11點，交換了ig，我們才各自入睡。

車城 —> 大武(經壽卡)
距離: 55.2 km (google map)
騎行時間: ????
住宿: 大武民宿
早餐: 7-11 三文治, 牛奶
午餐: 牡丹村蛋包飯
晚餐: 大武之心「阿粨」粨發粨粽