一早起身覺得元氣十足，決定按照之前的計劃爆踩100km到彰化。7點起身吃酒店提供嘅早餐，吃完後便執整好行李出發! 特別要讚新竹住宿職員，好友善解答我嘅問題又幫我開門出單車。
休息咗一日後果然精神好好多，傷口亦比琴日好多了。今日嘅路程會穿過風景優美的濕地路段，懷著期待嘅心情出發!
因為今日嘅路程很長，所以我前一晚先做定功課: 將沿途嘅補給站隔10km list out出嚟，每個補給站當成一個check point，逐個攻破。
出咗新竹市區就係沿海行，沿住竹南自行車道睇香山濕地，加上有風，好c服。唯一係方圓唔知幾多哩都無人，淨係得我同我部戰車
今日路程會有兩次可以轉行嘅分叉路，會比較輕鬆同埋多D景色睇。我見今日進度唔錯，就打算係第一個分叉路轉出再近海邊D嘅一條單車路，可以近距離見到風車場。但踩無耐就覺得唔妥，因為原來做緊工程，成條路都係沙，根本行唔到，於是只好行原路。呢個時候我感受到夏天嘅太陽無情地燃燒著我嘅皮膚，紫外光亦曬到我有D暈
。慶幸有打夠兩枝水同一枝寶礦力，同埋太陽眼鏡應付台灣嘅夏天。初時我仲怕太陽眼鏡會睇唔到路，但戴上後發現剛剛好，眼睛又舒服好多。
踩左一陣，就到達新竹苗栗交界處，今日行程唔會到苗栗市，但會到苗粟縣沿海嘅市鎮，都算係解鎖左一個台灣未去過嘅縣吧。
之後要轉入崎頂車站打卡，係苗栗縣的一個無人車站，有個偽你的名字嘅打卡點，有人特登搭到呢個站打卡，除此之外崎頂就只係一個鎮仔。之後轉出台61繼續踩，提醒自己要轉入竹南ok便利店，因為呢間便利店係最後嘅補給站，之後就是20幾km嘅公路。係竹南ok同姐姐吹水，原來竹南係一個大鎮，而且琴日先有環島客經過，係竹南鎮中心過夜，下次有機會要拜訪一下。之後，就係今日嘅地獄路段，沿住台61踩，曬到pk，經過嘅全部係爛地，莫講話補給點(官方有一處鐵馬休息站，本身都半信半疑，去到果然係假嘅
)，連民房都少之有少。好彩，有時會有機慢車禁行嘅陸橋，陸橋下會有小路俾兩邊車輛可以過到，我就可以在呢啲小路下乘涼。呢20幾k嘅路，就係咁邊抖邊行，仲要記住過左兩條橋後要轉右，如果唔係就會行左一條辛苦又無景睇嘅路。好彩俾我搵到呢條分叉路，但呢個分叉口實在太隱敝，望過去會以為係工地不能進入。
(分叉路口，望真D先見到有路)
之後嘅路相對好踩，只係水就剩低一枝，我面臨一個選擇: 過左西湖溪自行車鐵橋會有兩條路線: 1. 近海線，沿住海邊踩景色更上一層樓 2. 中間線，會經過廟可以補給。心野嘅我揀左1. 近海線，但我轉出去無耐就想番轉頭，陽光好猛，熱到有D暈，眼晴都瞇不開。又有幾條分叉路去，又四野無人，唯一有見到一間小廟，當下覺得有D怕
，電話又竟然因過熱而用不到，所以我就選擇再次折返行中線。中線係沿著鐵路走，路可以行車所以較闊，係另一種體驗。
無耐就到達後龍清海宮，呢間宮廟先見媽祖像後見廟，有全台灣最大媽祖像，廟都相對地好大。我去個陣唔係重要時節，廟宇相對冷清，但見燈火通明，應該有廟祝，就入去探問打水。詢問後就去職員休息室內打水，但見只有熱滾水，當下覺得奇怪，但仍斟了。熱水注入，只見個膠樽立即變軟。再查問後原來凍滾水係出面。開樽個陣我發現，原來一直踩車時最攰嘅唔係腳，係手，我將支點放左太多係手上，搞到我踩一陣手就會麻痺。所以當我想開樽斟水時，我發現我雙手都無力，用盡全身力先開到。
之後，我就四圍逛逛順便休息，發現係廁所隔離間涼亭有攤販賣生果。其實之前我已經係路邊幫襯過台灣小販，沿路踩會有D鋪頭仔或者貨車仔賣生果，路途上買過一間蜜桃，royal級好食又平，食完又無事所以今次我都決定去買。
大叔小販好健談，從我嘅口音已得知我係香港人，佢話賣美濃瓜，而我完全唔知是甚麼水果
。大叔好好地幫我批皮，我又邊食邊同佢吹水，原來佢個女嫁左黎香港，女婿係香港消防員，又同我分享佢對香港睇法
。坐左一陣，就決定動身了。
無耐就踩到下個補給點: 白沙屯。呢到係一個小鎮，人口唔多。行到7-11打算食飯，見到門口泊了四架單車，細心睇行裝應該都係環島客，心諗第四日終於見到有同道中人
。一入門口就聽到廣東話，原來環島客係香港人。我先買左食物，然後坐係附近等候時機搭嘴，聽到佢地討論我架單車，我就忍唔住同佢地相認了。原來佢地打算大環島，下站會去高美濕地。今次應該係我到台灣後第一次同人面對面交談，真唔知係我唔好彩定好彩，去到第四天先遇到都係環島嘅人，仲要係香港人可以傾下計。今餐食嘅係星宇航空出品嘅便當，好食
食飽飽後就出發，過左白沙屯路好踩D，補給點又會多D，出發時間大概兩點，有信心今日可以到彰化!
一路沿著台1踩，踩踩下就到左台中，沿路經過兩個小鎮: 通霄同苑里，然後到台中大甲。大甲係環島一號線必經的城市，要到大甲鎮瀾宮，呢個宮係台中非常有名，廟宇金碧輝煌，樓頂有很多形形式式的雕刻，同之前到過嘅後龍青海宮有住截然不同嘅感覺。
時間來到5點，太陽大概7點下山，即係我只有兩個鐘由大甲踩到彰化。本身我都有D爭札係台中悟棲區定係彰化下塌，但最後都係決定今日應該可以到彰化就即訂左彰化嘅房。之後我就一路爆踩，成個悟棲區都係爆過
。望住個天愈黎愈暗，心入面講緊粗口，但唯一可以做嘅都只係能夠踩快D，因為我為自己嘅環島之旅設下一個規則: 唔可以夜晚踩公路，台灣嘅路本身就唔太安全，晚上嘅馬路就更加危險。
到達大肚區時，天色已全黑，但呢到有一個景點一定要到，就係正環島路線嘅追分車站。呢到可以買一張「追分」到「成功」嘅紀念車飛，雖然無婚要追但都順個便買張
，打個卡就立即上車奔馳。睇地圖大肚區離彰化市好近，但呢一段路晚上行走有D驚險: 前段路可以行機慢車道，但呢段路同大路分離，非常少車，兩旁係高身雜草，彷彿轉瞬又黎到左鄉郊，然後會合台1主幹道後就係過橋。呢條橋D車好似趕住投胎咁，連機車都開得超快，仲要咇我，我已經貼住最外線踩，你大可以爬我頭，點解要咇呢?學D台灣人講：真是無語
。過完投胎路，就正式進入彰化市區，好快就搵到今晚嘅旅館。佢地9點關門，好彩我8點半到，不過旅館應該知我係遊客客，預訂時叫我俾埋id搞埋入住，如果過左9點可以用密碼自助入住。房間幾企理，每間房都用一個城市做主題，咁岩我個間係巴黎，真係對應今次旅程我一個人浪漫嘅主題
。
梳洗完都9點幾，去左附近夜市，但全都關門…..咁早收乜野夜市黎架!
好彩用google map搵到一間爌肉飯未關門，而原來呢間係彰化幾出名的。排左一陣隊，個老闆聽唔明我D口音好似有D燥，不過後來佢同我嗲左兩句，又問我係咪黎讀書。
可惜佢爌肉飯賣哂，食左排骨飯，油菜，湯，果然踩左成日車胃口特別好，而且覺得特別好食，食完仲買左杯手搖飲品飲
。夜晚嘅彰化靜中帶旺，我食晚飯果條街應該係宵夜街，幾多小食鋪同飲品鋪開，但行多兩個街口，就無乜人。番旅店前特地搵下有無生果，可惜無，但就買左杯雪糕，全家嘅軟雪糕幾好食
睇app發現原來今日踩左110km，大概是香港去惠洲的距離，275圈標準運動場的距離。。 (總之好撚遠)。估唔到我竟然可以踩到咁遠，臨訓前仲想plan一下明天的行程，但結果攰到一撻落床就訓著了。
新竹市—>彰化
距離: 113.7 km
騎行時間: 8h 6m
住宿: 心旅地圖青年旅館
早餐: 酒店提供
午餐: 白沙屯7-11
晚餐: 林小胖爌肉飯，TEA’s原味
上西螺大橋前已經3點9。記得沿路都有路標寫住西螺大橋，但又有路牌寫前往西螺要兜路，有點混亂。在西螺橋口停下拍照，見到有一班人在等車過，見無車便衝出馬路拍照
拉埋banner，原來係附近的車房拍照宣傳。那時天開始多雲，其實今天出發前已有點擔心會下雨，因昨天就有下毛毛雨，睇天氣又話呢幾日都會下雨。
。房間在二樓，格局幾寬敞，幾好住。之後問老闆娘附近有無景點，她說西螺是一個小鎮，最出名就是我來時剛剛經過的西螺大橋
) 點了一個原味作今晚甜品，我等緊個陣有其他人想買，點知原來佢地收工唔做了，我係最後一個，lucky! 之後google了附近一家鵝肉飯店評價幾好，去到後果然在排隊，睇黎搵到在地美食。排前面嘅人個個都叫海鮮麵，我仲諗緊點解鵝肉飯店D人會買海鮮麵，但整出黎又幾靚有d想試，但食唔到咁多都係嗌鵝肉飯算了。之後到咗附近手搖飲品店買埋野飲便回去了 (回去前收埋衫)。飽足一餐後才8點就躺在床上看電視，啊對了在這之前有個小插曲，電視開唔到，但我唔開電視唔心息，於是便打左俾房東。過左一陣，房東便帶著一個年輕人出現，應該是她兒子，點知原來要長按開關制先開到……發現自己開始同科技脫節。
。有另外幾個人就好奇我一個人嘅計劃同埋租車費，傾一陣得知佢地嘅目的地都係嘉義，明天更會上阿里山。我就諗我都未未上過阿里山，就萌生即興留多日嘅念頭。
。仲有展出不同時期嘅阿里山火車，因為初時係林業鐵路，列車主要用來運木材到城市，所以大多都是工業列車，沒有載客功能。在這裡影左幾張相就走了。
。
。諗起香港嘅公園呢樣又唔做得，個樣又唔做得，淨係可以去坐
。終於搵到一間火雞肉飯未關門，叫咗一份同蒜泥白肉(用wasabi做，又幾棧鬼
，有點懷疑同香港的是否同一間。
。睇到半場就落街拎乾衣，順便買咗水果。再翻房後一路食水果一路睇戲，暢快! 睇完便睡了。
。
)。果不其然，行左十分鐘聽見了瀑布聲，係神木瀑布！就知道神木車站就在不遠處。好快看見車站，此時竟然有人向我這個方向上山，不過見他們裝備精良，應該是有經驗的行山友
坐左兩小時終於回到嘉義。再一次感謝自己選旅店的眼光，我可以先在附近食完野再行番旅店都仲有時間剩。
，上橋時大腿不斷發力，上斜如履平地，上到橋面風大又雨大，雨水不斷打入眼內，感覺成個人好像浸左係水入面。同時大風到好似要將我吹落橋，因為視線模糊，我只好憑感覺一路保持直線踩
，然後感覺到下斜，就慢慢減速平衡單車。差不多下完斜時見到有條橋可以避雨，馬上踩過去。停車我記得我嘆了一口氣
，又有D覺得自己拎黎賤。成個人無一個部份不是濕透，太陽鏡入面全都是水，稍微用紙巾抹走面上的水，這才看清雨勢像香港黃雨般，雨點打落身上係痛的。想像不到如果在橋上炒車會有甚麼後果。
幸好有單車泊位，泊好單車後便去買票。然後我入錯左行政大樓
，同呢位志工傾偈立即對台灣歷史多左理解。都不知傾左多久，睇一睇錶只餘30分鐘便閉館，我與這位好客的志工道別。之後快快地逛了國民黨時期，就走上3樓。3樓係特設展，有兩個展區，一個當時為鐵道展，展出台灣鐵道歷史，原來鐵道旅行都是2000左右才開始出現在台灣。另一個是科技展，以AR技術展出古董，但整個場地設計整到好似disco咁…..background music用edm, 又好多閃光，唔知做咩事
。行到閉館，本來想行下禮品店，但可惜關了，只好留待下次再來，呢個館都值得來多次，因為他們有免費導賞但今次聽唔到。
。
。
上到房，沖完涼實在太攰了所以抖左一陣。之後放衫入洗衣機後便去搵食，台南市其實之前和屋企人來過，記憶猶新，最記得係我個次次去到台南後連晚餐都無食，一路訓到第二朝。
（便利店竟然有生啤飲
)。但就係我摷完野後便慢慢細雨，之後就停雨了。
，技師按一下就話我「怎麼那麼緊? 
摸左佢個頭一陣，又打佢PP，佢又自動gut個PP上黎!
好乖又唔怕人的貓，同佢玩左陣。雖然食左野無耐，我都決定買一碗和一枝冷泡茶。坐係海邊，望住海慢慢食，尤其在淋雨後吃熱麵，真係好正，好似剛才的淋雨就係為左呢一刻。而台仔兩兄弟都買左全家野食望住海食。chill完後，台仔已走，我便施施然地再次踏上旅途。
