老竇今日鬧自殺點算？

話說佢喺上一年患咗自身免疫性腦炎，好返之後個性格就出現改變。以前佢份人係一個比較內斂嘅人，說話文靜，講道理，乾淨企理。但有咗依個病，醫院出返嚟之後，成個人就好粗魯，做人好魯莽，又大聲夾惡。之後佢又成日唔見嘢，跌親，仲要喺街度忽然會六神無主，唔識返屋企，要山長水遠去搵佢。之前佢有逼我要我幫佢做嘢，我唔肯，爭啲搞到打交。

佢依幾個月又好鍾意做一啲天馬行空嘅嘢。例如要寫信各大報館，講世界要和平，世界打仗好on9等等。早幾日有見到一個美國作家得獎者，佢覺得佢講啲嘢好好，理念同佢好相同，就想搵佢幫自己出自傳。

到到今日，佢就食晒起碼三至四日腦同心臟嘅藥。跟住阿媽沖出嚟問點解要咁做，佢話想死，覺得生活冇意義。又覺得冇人幫佢出本自傳就唔知生命為咗做乜。

講真，我而家都唔知點樣面對佢。佢同我以前識嘅老竇好似兩個人咁樣。依家嘅佢對我嚟講好陌生，坦白講唔想同佢咁多接觸。佢依一年嚟都搞到我同阿媽精神好大壓力，身心疲憊。對於之後點樣同佢行落去，我都唔知點算。唔知係咪要送佢去老人院。

其實我喺度想問連登嘅醫生同神經科學家，自身免疫性腦炎係咪會導致性格轉變？如果係嘅話，唔可以通過治療令佢個性格可以變返好似之前咁？

腦病變會引致性格改變，中風/腦退化都有類似情況

如果想自殺有兩個方法
- call 急診入精神科病房，入面加藥同埋看下腦炎有無惡化（有時急性炎症可能會令問題加劇，要控制好）

- 複診慢慢改藥+CBT

- 你可以call照顧者熱線看下幫唔幫到

麻煩你找醫生同社工幫手，連登只供參考

踢佢去番工啦

疾病名稱: 譫妄症
英文名稱: Delirium
別名:急性意識模糊症狀、日落症候群、加護病房症候群

譫妄症是什麼？
譫妄症是一種突發性的大腦認知障礙，好發於六十五歲以上的高齡住院病患身上，不分內外科，尤有藥物、酒精重度使用者，或有腦傷、腦疾病如失智症患者更易發生。但這並非老年人的專利，有些癌症病患、重症臨終病患、接受大型手術及住加護病房者，也容易出現譫妄。臨床表徵為短時間內（數小時至數天內）出現急性意識混亂狀態，並伴隨諸多精神異常的現象，例如突然對人時地產生混亂，失憶、注意力不集中，無法與他人正常交談，白天昏睡不起，日夜不分，甚至出現幻覺及妄想等，情緒極度不穩定，像變了一個人似的，病情常到了晚間益發嚴重，所以又稱「日落症候群」。

譫妄通常是短暫的現象，治療上會先判定其生理的致病因子，譬如泌尿道感染只要對症下藥，藥物濫用只要停藥，症狀就會解除，唯有少數生理病況無法徹底解決的病患，譫妄可能反覆發作。

特別要與老人常見的另一種疾病失智症做區分，失智症的意識與注意力都是正常的，精神狀態屬漸進性的退化，而譫妄症的意識反覆波動，注意力持續缺損，病程起伏變化大，精神狀態時好時壞。

你講呢個症狀都幾似。多謝。

呢啲無辦法，唯有送佢入青山，因為佢而家呢個狀態，會對社會安全有風險

。咁佢又冇話傷害他人嘅。但係送唔送去青山都唔係我決定，睇吓醫生點講。

無解，個腦出左事。
要睇下遲d會唔會自己修復

可能因為腦病變，令到可能有輕微精神病
或者可以搵 精神健康綜合社區中心 既社工 再之後搵轉介

幫佢本自傳出住喺連登po先有冇得搞
可以叫你豆錄音講，再轉做文字貼出黎（用chatgpt乜都好）
起碼有個寄托做住先
要寫晒成本都有排寫，寫晒先搵下個目標

巴打保重

唔似會，應該要長期治療

佢而家唔係要自己寫，係要搵啲大作家幫佢寫。覺得佢係思維有問題，之前搞事去各大報館已經係咁。我覺得佢就係賭徒心態，死都唔服輸。之前搞嗰啲嘢冇人理佢，佢就搵過另外一啲嘢嚟搞。我覺得佢最終想要嘅係有人承認佢。

同精神病一樣
基本上係冇得醫
食藥都只係食到個人冇乜emotion咁

鬧佢囉, 後生仔唔捱得

睇落似腦炎導致腦退化(dementia with bpsd), 引致性格轉變、認知功能退化、情緒問題。建議搵精神科醫生同社工幫手，或者有藥食，同埋接受認知行為治療、認知刺激治療、職業治療等等，希望可以改善番情緒同埋恢復認知功能。屋企人係會辛苦啲，可以睇下耆智園、社會福利署等機構提供嘅日間看護服務幫唔幫到，入面都會提供訓練，喺屋企就注意家居安全，例如唔好畀佢做廚房野、自己一個出左去等等。

另外，除左你提及嘅症狀，動作有無無以前咁靈活、順暢？

呢種情況好多老人院都唔收

睇精神科啦，鳩估冇意思。
有時唔係食唔食藥，係有各種服務可以用同有人guide住你行成條路，而唔係上連登問醫學問題