好即慶架喎
我想講根本唔係要搵話題
你個人本身自己去發掘下新興趣,新嘅認知
唔使一唔一齊發掘,自己upgrade自己就得
自自然然就會有話題同埋新嘅野去互相分享啦
你話大家好平淡,就係因為對自己生活冇團火,冇熱誠,日復日做一樣嘅野,就算做一樣野,每日其實都會有變化
人都係咁,但你地相方就係俾固有框架框住,「佢就係咁嘅人,我就係咁」,冇係自己嘅生活作改變(大/小事),所以咪會覺得大家距離越嚟越遠囉。
諗諗下我條女真係講得啱,生命真係要嚟享受,你果下想做咩咪做咩,同搵對方咪搵,諗下你日日搏盡努力返工賺錢為乜先?你想享受咋嘛,定還是夠用夠洗攞時間去發掘其他野。首先係要令自己開心咗先啦,你個人對自己嘅生活都唔滿意,成個人嘅氣場同感覺就只有一路頹落去,你問心果句,你滿意?定係營營役役咁過日子。 有d野唔係講到咁死,為做而做就失去咗個本意架喇
總結,我覺得你絞盡腦汁諗野講係冇乜用,一係同對方搵次坐低單刀直入傾下,拍咗咁耐,我覺得你地係需要一個新嘅章節,你打機打七年唔撚會都係打頭幾話下嘛,同對方分享人生一個plan又好,大家一齊create 下新plan又好,總之人會成長,關係都需要昇華喇,仲係puppy love淨係講日常唔太得,要deep talk time
Good luck!