話說11-17/03個衝單任務，小弟就正常咁做單啦，平時就放工做，星期六日就做全日，因為星期六做左全日先得17單，本身都諗住做唔到65單拎唔到510，點知星期日多單，做到狗咁最後當然博到星期日做25單，咁啱啱夠曬65單就開開心心等拎$510啦，點知佢就話我total得64單喎，咁我當然去客服申訴啦。
圖2：
咁果日就一直做，做埋17：52果單就off左，因為知道任務要18：00-20：59先計，咪諗住抖一陣等到18：00任務時間先上線啦，咁我18：00上線真係即刻有單。
圖3：
查左1星期，客服終於比到答覆我，就話我18：00果單（圖2）出左問題啦，咁原因係咩呢？
客服：「系統」派單時間係“17：59：58/59”，（咩意思呢？就係「系統」派單時間係下午5點59分58或59秒派呢單）
我：但我6點先上線接單喎
客服：個活動係跟「「系統」」既派單時間，所以18：00上線果單唔計
（姐係keeta知我18：00先上線呀，但「「系統」」派單係下午5點59分58或59秒派呢單而我接左，所以呢單唔計我任務，吹咩）
圖4：
又係有一日，明明有收入，但單數又會係0，點解呢？（圖5解釋）
圖5：
因為我又係任務時間過左12點先上線啦（00：02先上線），咁過左12點又係新一日要影相上線，咁今次諗住一定無死啦，過曬12點又影曬相，點知個「「系統」」派單又係咁喎，又當係上一日既單
特別加送圖6：
所以美團財報有幾好？一單當30，比少150咪5倍，咪就係明明同比增長22.6%，但經「「系統」」 調整淨利漲4倍。🫢
客服打電話比我傾左差唔多一個鐘，比我d建議同改善方法重搞笑，佢地話會email講件事同寫返電話講過既建議比我，但到依家都未有，我諗佢地都覺得唔合理唔敢打出黎，等後續。
大把大學生送