現實係香港不在快樂,或者可能係我哋大個咗無咁易再體會到純粹嘅快樂好似係中學嘅快樂、大學嘅自由。
呢個地方由18年開始已經有巨變,唯一可以做嘅可能只有苦中作樂,搵一個屬於自己嘅快樂空間。快樂呢件事看似容易但往往愈容易嘅事我哋愈難去做到。
人大咗要負擔嘅嘢都多咗,身邊充斥着不公不快樂好易影響到我哋嘅初心,我嘅睇法係少啲同人比較,放多啲時間係自己身上,盡量做好自己做到問心無愧,對身邊嘅人好啲多啲伸出援手。
未必一定能夠即時感化到其他人,但長遠我仲相信身為香港人嘅我哋仲有一絲希望,呢個世界已經好荒誕,唔好比自己跟隨社會一同赤化。堅信自己比多啲信心自己。有煩惱就搵人傾,起碼我仲見到連登有好嘅一面,唔好嘅咪自己盡量避開,唔一定要跟隨。
睇到呢一段文字嘅你,我想同你哋講加油 你今日已經做得好好,生活未必過得好但你已經好叻仔好叻女,我希望有煩惱有唔開心嘅你哋可以多啲讚下自己,那怕係一件小事。
講多講爛gag比大家 20同22係一樣因為twenty and twenty two(too)
笑多啲啦大家,我會一定支持大家。