我估尋晚London 演唱音量應該同你差唔多,每首歌聽完好似有層膜係耳仔度聽野無咁清楚,過咗十幾分鐘就回復返正常,不過啲音響夠大聲唯一好處係唔驚聽到隔離條友把聲(如果佢唱足全場)。
我都係坐balcony 上面。
啲射燈真係好似幻彩詠香江,台上天花十幾支,台下地上又廿幾支,成場係咁閃/上下左右掃射/變色,我對眼真係接受唔到
尋晚ado 有兩三首歌一開頭只要唔係嗌上既時候個音有少少走,不過好多歌因為佢一唔大聲就聽唔到,我都唔知個啲位有無走音
尋晚隊band 係咁跳個頭又係咁fing ,好投入,但係我就大部分時間好冷靜咁合埋眼坐係度
係到某啲快歌(例如one piece red某啲, 唱,ado, 千本櫻)先可以合埋眼跟住唱/嗌。
題外話,有個觀眾唔知點解支螢光棒特別光,當個場一黑就會好“殘”眼