今日租左層貴樓 有好深感受

再仆街d 嘅係覺得你租得起貴屋，除咗單單打打話你咁有本事呀？& 覺得你有今日都係因全靠佢哋，跟手叫你加家用，加到at least 同你租金咁貴

唔係丫，2公婆幾夾

唔係同一類既人點會結到婚

我同你嘅童年都好似，不過我感恩父母好盡力咁愛我

係就快啲del account
一睇你啲po 加移民入硬勾結外國勢力
到時搞到屋企人

我自己覺得如果父母子女關係好好嘅話 有時好難用賺定蝕去衡量嘅

唔係我養到你牛高馬大，你會賺到錢？都係我嘅功勞

你咁樣比實有排比，如果你父母有錢啲係咪問點解你父母唔係李嘉誠？

做窮人個仔女，真係好撚辛苦。。。

你老婆心地差
希望佢唔好將呢種價值觀教俾下一代

至於樓主
會羨慕人哋好正常
邊個唔想廿歲有層900尺九龍塘樓？

但羨慕下好喇
唔需要諗自己家庭點點點
嗰啲都係過去
依家父母又老 你又就嚟有小朋友
珍惜仲可以相處嘅時間
咪同佢哋多啲行街睇戲旅行
佢哋以前提供唔到俾你嘅
你有能力咪你提供返囉
你同你仔女有多啲同爺爺嫲嫲相處嘅回憶
都係難能可貴嘅

經常埋怨自己父母
甚至喺小朋友面前對父母態度都唔好
久而久之到仔女大咗
佢哋都係咁樣對返長輩㗎咋
呢啲情況我哋都見唔少啦

你個仔第日會感謝你
唯有咁諗有動力d

我又無叫佢地生我，佢地自己揀㗎嘛

咁你做精蟲果時游咁快做乜

咁係咪還完就可以脫離關係
成日拎生你養你做借口玩情緒勒索拎錢
而唔係實際需要先拎家用
點睇個關係都唔健康

理解樓主
其實唔關「好仔不論爺田地」，係你見到人地做父母，會為左仔女努力奮鬥，身先士卒去為仔女爭取更好前景；但你的父母就安於公屋，無上進心，但求養兒防老，等仔女幫佢地脫貧。一種是積極上進求變，另一種佛系等運到，心態上真係好大差別。
香港80年代，只要你肯做多份工，真係唔難買到樓，做製衣做地盤做工業都搵到錢。樓主羨慕的，唔係人地父母買樓送仔女，而是有遠見，會為仔女籌劃未來的父母

唔係日鬧夜鬧嘅公屋父母已經要感恩啦

家家有本難諗的經，你覺得好正，其實正路講係好既，但亦有唔好既地方。

你唔係窮，迫唔到你潛能。

識有個幾十億身家既朋友，基本係一隻寵物狗，父母用金錢控制，無得揀拍拖結婚對象，迫分手，無得做自己想做既野，無得揀住邊，一定要同父母住，服侍父母放第一位，除非你選擇挨窮斷絕關係。雖然好多窮父母都係控制狂，但你起碼可以自己走，幾十億身家真係好難做到，你有私人司機變坐巴士都要計錢，去日本變左去長洲，頭等總統套房乜都無哂。

宜家起碼你係自己控制自己思想，生活，人生。

你得到物質之後，要注意你心靈，唔使同人比較，做你自己想做既野，第一關物質重要因為要生存，物質夠之後心靈得到既野較重要，暫時見到你鐘意比較，會令你好痛苦。

你自己咪一樣
你都一樣係未買夠幾層900尺九龍塘就生左仔

己所不欲勿施於人，負責任既，點解你唔買夠幾層供斷先準備生仔

樓豬唔係買btc發左達咩

珍

上一代有啲人真係好捱得，做低下階層工，奴性重，一星期七日返足七日，唔煙唔酒唔賭唔嫖，慳自己搵第一桶金，拎去買樓投資，到老年財自唔洗靠仔女。呢啲仔女有眼見，見到父母係一個刻苦耐勞、為家庭付出一生，點都唔會對父母好差。

有啲就不思進取，拎份糧去吃喝玩樂、又賭又嫖，但又怪責仔女係學校讀咁多書都成績差，但佢哋又唔會反思人哋父母會幫仔女plan好下一步點做，小朋友有嘢唔識會指導佢。寬己嚴人永遠都唔會得到人嘅尊重。

咁都要租屋仲要3-4萬

我自己有層租比人補dd 錢ok

你都有個好父母 請珍惜

師兄
我同你情況差唔多
自小窮撚家庭長大
大學學費係我自己賺番嚟，一蚊都冇問父母攞
曾經好羡慕人哋父母好有米
後來再諗番，以我性格如果係富二代，今日我應該係一個廢柴二世祖
人生在世各有命運
老套一句，好好珍惜眼前所有
唔好將啲唔好嘅情緒感受帶俾下一代啦