今日租左層貴樓 有好深感受

自己都有層樓 不過黎緊bb 出世想住大d
加上呢幾年開始搵到錢

所以打算租層九龍塘900尺左右既樓 3，4萬希望住得舒服d

臨簽約果陣 對方係一個50歲左右既女人 不過要等埋佢個女
因為佢話唔係業主 佢話佢個女先係

AA 同我同埋個女人言談間 知道佢有幾個物業
跟手佢講左句說話我好深感受

佢話：因為我有幾個小朋友 所以我有需要
講完之後 佢個女入左黎 我望一望 佢睇上去只有20歲左右

果一刻我感覺到做一個父母 基本要盡既責任係咩
我好羨慕佢有呢個媽媽 仲要幾個仔女都幫佢地安排晒

由細到大 父母只係我既重擔 窮不特止 仲要比其他人老10年以上
細細個人地 有既野 我都冇
細個要係窗口到 望住格離屋打機 玩電腦
冇試過同父母出街睇戲去旅行

到大左 終於靠自己同運氣 加埋9牛2虎之力創出到一片天
有車有樓有公司 父母除左中學補習幫我比過錢之後
一樣野都冇幫過我

結果 今晚返到去同佢地食飯 知我黎緊有細路 又 租左知貴地方

佢地只係拋低左句 ：黎緊可以比少d 家用（其實我比緊過皮）
我聽到果刻 諗返起頭先果對母女 內心感受好複雜

你唔係少年窮 就未必咁上進自己打到個江山出來



相反可能安穩地做敗家仔

起碼都肯講句可以比小啲家用，再仆街啲理9你

但換黎既過程好痛苦 有左錢都唔識享受生活

同埋到我而家有左小朋友 我好怕將我細過唔開心既童年 帶埋落去

唔係叫你比多啲咪算

能夠安穩地做敗家仔仲洗咩咁辛苦搞咁多野

好仔不論爺田地，由BB養到你中學都要好多錢架

我完全明白 自己有能力 洗咩要父母d 咩


但當你咁近見到人地父母咁做時 果種羨慕係講唔出

你哩啲真係不食人間煙火先講得出

咁你估佢哋有多啲唔想比你咩
佢哋係咪收埋啲錢自己享樂？定會爛賭家暴你？
唔係嘅話你咁諗真係好仆街

有時連我老婆都會問


究竟你父母咁多年 為你提供過d咩

真實感受 但現實當然唔會同人講

連老婆都唔會

遲啲小朋友認識自己係中國人，會唱國歌，家長就自然會好安慰

真心 佢起碼有畀錢你補習
又主動話畀少啲家用
唔係話好幫到你手 但起碼唔係負
你仲要怨呢樣怨嗰樣係好仆街
講到尾你只係嬲你父母唔係有錢人

完全明白你，
你可以試吓咁諗可能會舒服啲，

比你揀做而家嘅白手興家嘅自己，定係有父母安排好晒嘅仔女

我嘅話依然會揀而家嘅自己，

再講多個角度，你嘅父母可能係你嘅「逆境菩薩」，有興趣可以Google一下。

希望呢兩個諗法可以幫到你舒緩一下

生完唔洗負責任咩

個業主正唔正 想識

你咁樣諗，你bb第時一樣會咁諗你，人比人，比死人

樓主呢啲窮撚生仔正仆街

咪臭係，講到生完掉低唔養先合理

你都戇撚鳩 人地租得起三四皮屋仲叫窮撚？

隨口講下 你敢比少啲家用就知死

如果我係你父母知道你咁諗我會好傷心, 我未生仔但我睇見D朋友生左絕對FEEL到做父母嘅偉大,而唔係單單用錢黎衡量佢地付出左幾多

先唔好講錢, 生左個細路你諗下做老母嘅肥左柒左身體差左呢D表面野都唔好再講住, 你老豆可能本來日撚日除左陪老婆陪老母之外未生仔輕輕鬆鬆同D FD happy hour完就篤下波得閒買下玩具. 生左仔之後無撚晒D時間仲要比左D budget去養仔. 本來一年去邊度旅行但生左仔頭果幾年都無得話想去邊就去邊. 呢D黃金時間本來可以去玩去盛但用左你身上可以用錢衡量咩?
我有時都覺得我老豆如果佢有我一半咁醒以佢個年代都可以比而家生活好好多, 但諗返轉頭. 佢人生成就我做仔嘅其實無咩資格comment, o係我角色我只係知道佢係盡左力 o係時間同佢能力上面點樣對我同養我都已經足夠.

對母女比你睇到表面可能好好, 家家有本難念的經你咪又係只係睇到表面.

窮有窮養

樓主已經好叻又咁講 如果唔係有呢個背景 今日既你都未必係咁 所以唔好諗咁多 邊個唔想含住金鎖匙出世