【經典重製】活屍香江 一二三四

阿誠出現了
btw
新一篇黎明

阿誠出現了
btw
新一篇黎明

眼利

係得一篇，純屬止癮

阿誠出現了
btw
新一篇黎明

眼利

係得一篇，純屬止癮

幾時有下一篇

(二十八)

我落埋條天橋，不斷響條街度狂跑。

我：嗦...咿咽....Money...Money呀！

我完全冇留意條街，有幾多爛車阻住我，有幾多喪屍想吔我。

依家我個腦就只有Money，不斷回想返同佢一齊過既所有片段。

block佢whatsapp，用分手黎嚇佢，響診所dum低佢，響萬寧唔聽佢講，響七仔鬧走佢。

我真係好後悔好後悔...做過呢D野，如果所有野都可以重頭黎過的話...

我：嗦...嗄...唔咽...Money...我對你唔住！！嗚咿唔...

我冇好好關心過佢，佢唔舒服果陣，我只係關心緊入唔入到馬鞍山，仲多過關心佢。

我完全冇諗過佢俾喪屍咬到，仲白痴到...以為佢真係D普通婦女病。

嘉偉、阿彤、Money，響我人生中最重要既人，全部冚嘭冷離開晒。

我企響間花舖出面，呆左咁望住個地下，見到一張張粉紅色既紙。

我是但執左張。

『尋，灌滿綠色液體試管一支，如有拾獲，請火速送往警察遊樂會。拾獲者，可獲專機接送至香港島黃竹坑保護區。』

我：屌！都唔知乜春黎！吔茄啦！

我一手渣皺張紙，再黎手掉向前面。

『嗚呀呀！』

點知掟中左前面隻喪屍。

我：哼...你好彩喇，你今日有好野吔...黎！過黎啦！你條死賤剷！

我乜都冇晒，仲留條命黎有鬼用咩。

『噫呀！』

隻野一見到我，就起勢咁衝埋黎。

『喢嘶！』

但係隻野跑跑下，就俾把刀由後腦插穿左前額。

我：點...點解連死都唔俾我死呀！

倫：咦？比比鳥？乜係你呀？你唔係入馬鞍山咩？去左呢頭既？

我冇出聲。

淫倫響花舖度拎左紮花。

倫：不如跟我去前面先再講。

我仍然企左響度，冇郁過。

淫倫擰返轉頭，見我唔行，就兜去我後面，猛咁推我背脊。

我：得喇得喇，我自己識行！

倫：快啦~~~

跟住我同佢就去左體育館前面塊空地度。

見到有六舊石仔，分別寫左基哥、Freeman、嘉偉、阿彤、阿熒同強哥一家人。

之後淫倫將紮花放響呢D石仔既前面。

我心諗，估唔到條賤剷都咁有心，將嘉偉阿彤佢地寫左上去。

倫：我...唯一可以做既就係呢D無謂野，救佢地唔到，又收唔返佢地條屍...

我行埋去搭住淫倫個膊頭。

我：喂，一齊去...啤返啤啦~~~

呢個時候，只有酒，只有一醉，先可以將悲傷放低。

倫：嗦...好...

我地過左對面馬路，正想入呢間七仔之際，發覺個門口有好多死左既喪屍。

我：呢度咁毑多既，真係臭到冤...

再入到去，見到櫃檯上面有幾百蚊。

我心諗，o岩勒，幫我地俾埋啦。

今次我又拎左成排喜力。

『咔吱！』

我：屌！都唔凍既...

不過我當然照飲啦。

我：淫倫~~~黎！你都飲！

倫：哦...好...

我一邊飲，一邊望住我掌心塊爛布。

我仲記得，佢隻纖細既手仔掂實我個手背，再慢慢咁幫我包紮好個傷口。

我：Money...我...我好掛住你...你...你知唔知呀...

飲左唔知幾多罐，見暈暈地，冇耐仲訓著埋。

待續

搞埋淫倫

搞埋淫倫

新讀者表示好混亂
d 支線

一口氣追哂

印象中以前係爛尾爛得好緊要

估唔到作者會重製⋯

無記錯好似以前後期係超能力大戰？

新讀者用十六個鐘追晒一二三同七仔籃球終於可以訓
本身就好鐘意睇喪屍片 故都睇過好多 但大部分都虎頭蛇尾 活屍香江真係作得好好 可以解晒所有線之外再將一二加外傳合埋做三
應該因為一次過睇完一再睇七仔再睇埋二三 雖然七仔外傳係仿照左第二d作品 但係一路睇二三 個腦一路諗返外傳既情節 好多位都好虐心 尤其每個角色臨死之前既走馬燈
明明打緊杯賽果時仲一班佬好熱血 點知轉下眼過左一排就 阿輝 七仔 文仔 仲有好鐘意阿頭同表哥好彩佢地都唔係香港應該無事既
711巴打加油阿 我會一直追落去