陳輝陽最近接受廿四味的《24/7TALK》訪問，他透露當年有唱片公司叫他為一個「唔係好唱得」的女歌手監製歌曲，直指與該女歌手由開始錄音到錄完的過程因為太難忘，所以記得好清楚，陳輝陽表示該女歌手一入錄音室就說：「X！喺香港錄廣東歌都冇X用，我去咗台灣就唔會再返嚟錄廣東歌。」
「棟」起隻腳食飯
之後陳輝陽繼續錄音，但該女歌手竟然唱歌唔睇歌詞，陳輝陽說：「佢鍾意作啲字落去，我話『唔啱㗎喎』，音同意思都唔啱。」陳輝陽指該女歌手並無停下來，而是繼續唱，唱到中午對方最初稱不吃飯，所以他着錄音工程師先去食飯，陳輝陽為她繼續錄音。不過唱到一半對方又說要吃飯，陳輝陽為她叫外賣，陳輝陽說：「佢真係犀利，唔好講係咪歌手，我好少見香港女仔『棟』起隻腳食飯。呢件事真係好神奇，豪邁同豪爽都好少見到。」
無禮貌歌手疑在內地幾紅
陳輝陽笑說：「錄咗好耐，我知道錄唔到，因為份詞唱極都唔啱。」陳輝陽更直言：「同埋佢非常無禮貌，呢個係最難忘⋯⋯」此時其中一位廿四味成員提到：「而家喺大陸都幾紅㗎嘛？」陳輝陽笑而不語，然後繼續表示後來在一次活動上再見到該名女歌手，對方竟然當作完全不相識，連打招呼也沒有。
網民紛紛競猜陳輝陽所提到的女歌手到底是誰，有人認為G.E.M.鄧紫棋，不過因為唱功而被其他網民否定；而楊千嬅與梁詠琪則因與陳輝陽多次合作，而被認為並非當事人，其他網民提出的嫌疑人物還有張柏芝、薛凱琪等。
