[推到攞影后]《填詞L》集中討論區(含劇透)

追夢本來就自私，我對套戲個價值觀無咩反感，人生朝露，藝術千秋係大部份藝術家既價值觀，成套戲最大問題係技術性失誤。

話主角仆街所以共情唔到我係唔讚同既，問題係佢每一次都人物本身既代價完全係零，（金都其實都係，只係金都朱康真係太討厭先無咁明顯）

係套戲入面，鐘雪其實係無取捨，就連唯一有代價既場口，都「碰巧」老闆想要人填詞，係成個故事裡面，鐘雪係係無需要擺夢想上天秤，自然難以共情

共情既前提係代價既重量，那一天我們會飛用死亡做代價，lala land用真愛做代價，先顯得出夢想果份重量，套戲明明都有呢d，但就因為夢想擺到太大反而顯得毫無重量，因為我地都清楚，根本無選擇既必要性，而最後失敗的毫無代價（甚至嚴格來講，佢成功左），更難令人感到婉惜。

香港有懲罰追夢的人嗎？事實上在這電影裡，係完全感受唔到，我直頭覺得電影入面既香港鼓勵緊追夢，衰左一樣有家庭，有朋友，無愛情不過本身都唔係好愛，可以衰左去working holiday

係咁既情況，你點共情佢？

我覺得佢係比較想講"追求夢想"呢件事本身既enjoyment
多過
追求夢想會帶到比你既收獲
所以佢無行一般既 "你要付出呢堆代價 到最後就會點點成功" 呢個套路。

事實上佢結局都無實質得到d 乜
佢只係小小地做到佢想做既野而開心

我自己就好鍾意佢學左0243之後發癲周圍玩個段
好共情到個種係自己喜愛既領域入面學到新技術然後兩眼發光忍唔住不停玩既感覺

宅聰做得幾好 第一次睇呢位演員 唔記得名sor

戴玉麒
電視劇做過那年盛夏
電影做過年少日記
MV拍過青春告別式 再見有時

白卡勇！

睇第二次先get到阿詩衝入阿哥房個陣，佢唔係打緊飛機
係同麗英icq緊所以先熄mon

阿哥拎返本中學physic書都係因為想教麗英

睇完都眼濕濕
一次又一次 有希望 然後失望 最後慢慢發現 填詞根本唔可以做正職 決定都係打份工算
又黑仔到間公司都要接埋

一開始問阿妹miss Cheng 嘢
同埋之後麗英啲詞好咗
都係有關連

但有講過去台灣最初邊個提出咩？
可以係佢要去台灣同唱片公司會面，班frd知道後join埋一齊去都得

現在進行式嘛
佢人生都未有結局

唔怪得ern9 話戲假情真

其實真心鍾意一樣野實會咁
正如D人鍾意電影，日常生活中可能會模仿、不時講電影對白，遊電影場景，著電影T之類

人地係拍佢青春回憶
阿哥阿爸阿媽係對故事無幫助
但呢三個人係實實在在咁陪伴佢成長，又點可以無？

那一天可能只係一個故事，虛構的，自然可以隨意隨劇情去調節

原來幫麗英改詞都係阿哥
其實都好多hints滲俾觀眾

麗英慘被中出

其實唔係好明點解咁抗拒條仔陪佢去

麗英可能重係處黎

宅聰話陪埋佢去唱片公司, 佢reject 咗

明顯條仔亦無在乎過佢填詞的興趣
陪佢去嚟做乜？齋坐係到？
傾合作坐多個人係到咪仲尷尬，點介紹？

陪佢去做有咩用先？
係門口等？定坐入去呆坐？佢印張卡片都仲可以話自己係發展經理，條仔點介紹好？

條仔算唔話得啦 就算無興趣都陪你一齊去追夢
就算唔入會議室 叫佢喺樓下等 得唔得都即刻通知佢即時分享憂傷或者喜悅都好
好明顯導演都想講自己後生嗰陣無在乎身邊人感受

一嚟本身約左見面的時間被改（3：30>1：30）
應該係諗住同班朋友食野玩陣，3點左右就上去
臨時要甩朋友底又要急住去，心已經夠煩，多個人唔會幫到件事，咁點解男友唔同朋友玩就算？

前面D flashback都見係男友依戀佢多D，明顯男鍾意女多過女鍾意男

有冇試過見工？果種緊張的心情其實唔太想同人分享，有熟人係身邊反而會添加壓力，佢地實會叫伓放鬆，但通常越叫放鬆就越難放鬆

諗落填詞L同金都ending 方式都有啲似

填詞L 累積票房(HK$) 1,548,423

最後埋單應該350-400