[推到攞影后]《填詞L》集中討論區(含劇透)

剩係隻歌已經完全俾佢感動左，花光一切努力都唔成功，根本唔知自己有冇呢一個天賦，但都要傾盡所有去做，因為淨係相信自己係做得到，天生就係要做呢樣嘢，冇追過夢，或者真係瞓晒身去做一件事，係唔會有呢一個感覺

有一幕佢特登話我都冇努力過，個下真係心酸

究竟係偏執定係夢想，真係無人知架，但對於當事人根本唔重要因為點樣都一定會繼續去做

終於抽時間睇左
可能本身鍾意小品
我覺得唔錯
鍾雪算演到個角色複雜既個性
不過最催淚既反而係Uber老闆個part
一個肯俾機會你發夢既老闆自己都被個環境收皮
個種無奈真係好sad

依套我覺得可以睇多次，二刷個感受再大啲

佢身邊d 配角全部都對佢好除左9896要做醜人

佢犯大錯
阿倫炒佢個時我以為會就咁發火炒佢
其實都肯同佢傾，袋錢落佢袋
算係咁

揀得拍講廣東歌填詞嘅電影
點都預左觀眾群好窄㗎啦
至少台灣 中國市場都唔會好有興趣先
真係你地填詞圈嘅嘢關我撚事咩
導演揀得自資 應該都明咩事

不過呢種「希望香港電影可以唔駛靠XXXX」嘅論調
就可以收收皮先
鬼唔知阿媽係女人咩
事實就係市場萎縮緊
無足夠資源培育電影新血

唔好同我講咩首部呀 咩電影發展基金
你去隔離臨時劫案post睇下就知
麥啟光當年唔知頭唔知路就入行
跟左幾套戲做副導演
就突然有人畀戲佢拍 叫佢做導演
最後票房仆直 得幾萬定幾千
都照樣有戲搵上門

點撚樣比呀？
麥啟光個年代
你唔想做導演都有人搶住求你做
拍完唔收得 都繼續有戲搵上門
組接組 戲接戲
洗鬼賣慘 lur 票房？
直接開新戲好過啦

而家成個生態唔同曬
一年出得嗰幾套戲 點會搵新人導
啲首部出來嘅新導演
個個拍完第一套就拍烏蠅
好唔容易集資/自資開到第二套戲喇
就有啲獨醒撚 懶係中立清醒咁一句得埋黎
imply你作品唔夠好要靠賣慘R票房盛盛
唔係講笑，真係成個香港電影業都畀你點醒曬

你當然有權唔為「唔值得嘅表演鼓掌」
但點解要學埋曬過年啲姨媽姑姐咁
淨係識對後進冷嘲熱諷呢
鼓勵下唔得嘅？
或著留啲有建設性嘅批評都好吖

不過睇怕都好難

sor 我後段係 re 緊原 cm
唔係鬧你

唔好同我講咩首部呀 咩電影發展基金
你去隔離臨時劫案post睇下就知
麥啟光當年唔知頭唔知路就入行
跟左幾套戲做副導演
就突然有人畀戲佢拍 叫佢做導演
最後票房仆直 得幾萬定幾千
都照樣有戲搵上門

補link：
https://wavezinehk.com/2024/03/03/albertmak/

2000 年前後，忽然有人邀請開戲，成本有限，只有不足十天拍攝，他已在電影圈沉浸十年，心想拍戲其實不難，反正有酬勞，就唯唯諾諾接了工作，快快完事。第一部戲叫《鬼同你玩》，張耀揚、雷宇揚主演的鬼片，票房收 27,585 元（你沒有睇錯）。第二部叫《流氓師表》，有張家輝、蒙嘉慧、杜汶澤，這次票房好一點，收 87 萬。

好佩服麥啟光，佢覺得自己導演功力未夠
退落黎做返副導演 跟杜sir 爾生學師
但而家啲大導演都減產
每年港產片十隻手指數得曬
副導演都要靠首部專業組先有機會升導演
仲邊有咁嘅luxury 去忸怩、去引退、去沉澱

麥啟光自己都借張可頤個角色把口講：
「以往跟的拍檔個個勁，單單大案，可惜我未ready；現在我ready，單單細案，拍檔個個都hea！」
有機會就上啦 仲坐喺鍵盤面前等黎托柒咩

當年鍾雪喺bu 都有上填詞班, 唔知係咪佢教

我又唔覺佢地似樣, 好易分得出

係呀 宣傳有講鍾雪係舊生

https://www.instagram.com/p/C4fZPsCva3t/

一講周耀輝我就會諗起DNA 出錯...

我到而家都唔明點解會覺得似
一個雙眼皮 一個單眼皮
話阿冰似大軍我反而理解到

應該係因為兩個啲五官比例佈局差唔多
好遠睇可能真係分唔到嘅

咩來

本身都唔覺 但長髮真係似似

Leon 舊歌, 佢填嘅

https://youtu.be/7cgH7XZGG7w?si=-hDmxm5ZlCystpSV

唔係係咪關疫情事，好似自從鄭中基果套"遺愛"開始
之後上映既純港產片好多都好似呢套咁拍好多個chapter然後拼埋一齊黎成為一套戲
EVA大導演既新咸蛋超人同幪面超人都係用呢招黎構成

我反而係諗起《世上最爛的人》
通常無好明確故事主線嘅電影都係咁

可能係因為疫情後
好多港產片都係首部劇情嘅作品
啲錢政府資助 唔洗諗回本 個個都拍文藝片
就會想挑戰一啲非傳統商業片嘅敘事結構

流水落花同就黎上嘅但願人長久都係分chapter

上年用呢招拍既流水落花幫sammi囉左影后，唔知今年有無機會歷史重演

sync左

其實阿倫問「你做左咁多年都唔成功，有冇諗過係自己唔適合」
對比Ern9講「唔一定打NBA先可以打籃球」

都係幾好既矛盾位
要認清承認自己係平凡
又要真正不計得失咁去追夢
要食得起個後果

的確好現實

你講得好好

諗起以前睇台灣啲歌唱比賽
啲評審好鬼鍾意問啲參賽者：
你是想當一個好的歌手
還是一個受歡迎的歌手？

姑且將呢個「受歡迎」理解為「成功」先
但阿詩個case更加殘忍
因為黃大爺斷定佢連做「好歌手」嘅資格都無
你咁喜歡一件事
但現實話你知 你唔適合呀
無論你幾努力都好
你呢世都只能夠做一個業餘愛好者
連參賽資格都唔會有
咁你仲應唔應該繼續鍾意呢件事？
但如果你咁就放棄嘅話
其實你鍾意嘅係件事嘅本身
定係自己可以靠佢來成功嘅幻想？

反而覺得鐘雪有啲似余香凝

睇完
追夢好心酸
我自己覺得戲名改得好好
個人解讀撚 =未必真係好勁但痴迷於某樣嘢嘅人