貓貓走左 你地點過渡？

我都好明白
我隻貓一月走 係我養嘅第一隻貓
深夜收到電話個一刻個腦一片空白
即使依家諗返起都好似惡夢咁
覺得無一隻貓可以取替到佢

我覺得盡量救到底定係啪針冇岩定錯
不過我都怕好似你咁一世放唔低
雖然我養既唔係貓狗而係鸚鵡
見到佢仆仆下係籠入面行左一圈再斷氣
好似知道自己係時候做最後道別
我就覺得佢地係知道自己幾時要走
自此之後我決定無論點我都唔會由我決定送走佢地

我總共養左三隻狗，一隻幾年前走左，另外兩隻上兩個月前後腳走左，都陪左我地10幾年，最老果隻18歲。而加成日忽然間諗起佢地，好掛住佢地

時間都應該沖淡唔到

時間可以治癒一切

命裏有時終需有

最後會養多2隻

真正有用嘅方法就係幻想佢哋喺天堂好開心

唔信基督都有用

好奇怪

冇乜嘢，都係咁過。

Btw 之前好似見到日本研發咗可以醫到貓腎病嘅藥
貓最大敵人

每日起身同放工返黎，無貓同我做碰頭禮

走左年幾，仲好掛住佢
搵唔返果個觸感，重量

操下野踩下機 時間沖淡
唔好再諗以前
珍惜現在

睇完post 好驚
有朋友屋企人走左，太傷心
領養左隻貓
如果隻貓將來走左，又再傷心一次

唉 好怕面對呢啲野
睇親呢啲同寵物生離死別就諗起總有一日要同我屋企隻妹妹分別

養咁多隻…去旅行點算？

好可愛都叫做仲有一隻陪住你呀
Take care

睇人地啲貓

貓咪咁靚咁可愛都要流浪，好慘
你真係好人，希望你好人有好報

寵物離世，主人真係好傷心
唔係講笑，我老母養隻小狗十幾年，狗狗走嗰刻，佢爆喊，仲傷心過佢啲親人離世。
主人同寵物嘅感情，同人好唔同
人會害你、出賣你，寵物只會一生一世愛你

貓咪會繼續愛你，希望你盡快走出陰霾

養隻新嘅

好得意

stay strong bro

上兩個月，屋企養咗6年差唔多7年既貓貓走咗
朝早屋企人話佢唔食嘢，攰啲都未有咩事
去到獸醫度就已經差到透唔到氣
然後過多陣就要決定急唔急救，最後我決定由佢走，唔想佢再受多啲痛楚
屋企另一隻貓（又係兩隻好fd）都係傷心咗半個月
我可以講你知，你慢慢就會適應冇咗佢，但係你會永遠記住曾經有隻貓貓等你門扭你摸嗲你，佢做過既事同你經歷過既野，全部都會留喺你腦海入面
行過見到街貓又好貓店長又好，所有野都好，你都會掛住佢
但係你要知道，佢既貓生可以遇到你，佢已經好幸福，你想佢過得好，佢都想你過得好，所以你可以好好咁掛住佢，但係唔好傷心得太耐
佢同姐姐都唔會想你唔開心

就係你呢D仆街買貓先令到奸商繁殖D動物做生財工具
D貓狗好多都有問題
隻媽媽又被逼生
咁多毛孩等緊一個家
領養啦好心
不過你呢D咁冇愛心既人唔好害咗D動物

養過兩隻狗畢左業
一隻就係佢走左一星期，果時我仲細
有傷心但無今次咁深，咁果陣深夜打打下機突然聽到隻狗撞櫈既聲
我意識果下即時叫"no"(因為佢有時鍾意用櫈嚟R背)
但諗真啲...佢原來已經走左一星期

今次依隻除左感應燈，我老豆就話feel到佢訓係佢床邊頂到床既聲同震動

老實講，我個人係理智到不得了既人
就算老婆我都會同佢講道理講證據果隻
靈異野我見唔到，但我信
因為我曾經經歷過解釋唔到既野（但同今次無關就唔講啦）

不過我認為，人對好多知識上既野好多都未知
唔係叫你迷信，但如果有啲野，做左佢，唔會害到人，自己同身邊人都覺得舒服既，咪做囉
例如我果次見到感應燈着就即時衝出去睇下
結果當然無人係出面啦
我咪對住空氣講，我OK啦，你想留就留，想去投胎就投啦，你開心就得
認真我自己講完都覺得自己有少少on9，但諗深d講左個人會舒服啲既，咪照講囉
之後，一個月後多啲已經無再着過燈啦（睇過d文講佢投胎係49日，都中中到）


再講，寵物離世我覺得有時真係比唔熟既親友/朋友更難忘記
佢陪住我高低起伏，見證住我拍拖到結婚
我處理今次既做法，就係由我自己喊，喊完就企返起身，得閒咪睇返相喊下
唔洗怕咩大男人，結果我比自己想像中快走出依個傷痛
我有見過朋友一年都未走得出個傷痛

亦都想分享返網上睇到走出傷痛既另一做法幾好
就係如果覺得自己會係一個好既主人
咁可以等自己心情準備好之後去"領養"寵物
將愛延續又可以當為之前隻寵物積福

打咁多字希望幫到你心情上舒服返d加油巴打

你唔係殺死佢,係幫左佢,佢幸運有你幫佢解脫,唔需要受重病折磨到死
傷心痛苦係過程,係證明你同佢經歷過美好時光,呢D先係最珍貴既野

唔好放低一世都唔好忘記 佢會喺你心入面存在喺你嘅回憶 因為佢嘅一生就係成就咗呢一刻嘅你