貓貓走左 你地點過渡？

養過隻 好快忘記

時間沖淡一切

養多啲你就會開始無feel
利申一屋十鳩幾隻爬蟲

我都無咁諗過 應唔應該咁做？

屌, 淨係睇post啲字已經喊緊
真係唔敢再諗落去

養咗3隻兄妹唐貓, 已經12歲
好驚佢哋會走

我無養過貓，但係睇到即刻喊出黎
屌

唐貓係咪會長命啲

我隻貓15歲，每一日都好怕佢走
所以呢幾年都開始睇啲關於生死既書同睇下佛既logic去prepare個心理，不過我知其實無論點都唔會準備到

送比樓豬：


希望你快啲過渡到，加油

事實上你拯救多個生命，係做好事，有能力當然再領養啦，幫得一隻多一隻 同埋動物唔會care咁多，唔似人類咁多野放唔低，佢地走左就會move on，仲諗佢會唔會呷醋就真係諗多左

多謝巴打

我第一隻貓舊年11月尾走左 HCM+肺水腫
由帶佢去睇醫生開始到決定打針比佢走 前後加埋只係4日
獸醫同我地講 keep住食藥最多都係得2年命, 每一次復發都係減少緊去壽命
見住佢見左藥行得返, 會痴住我, 嗰下我寧願賣樓都要醫返好佢
屋企人勸我 唔好比佢咁辛苦, 但佢係我一手一腳湊大
佢5個月黎我屋企到2歲半都只係痴住我一個 我真係唔捨得比佢走
但睇住佢係屋企唔飲唔食 行幾步就要訓低 我地就覺得點解要佢咁辛苦
最後都係決定幫佢打針走

到再覆診同獸醫傾想比佢打針走, 獸醫仲話我地點解唔比多次機會佢
我同老公都話如果佢檢查完情況好左我地賣樓都要繼續醫
當日再照X光再照超聲波 發現情況仲差過第一日急診
獸醫同我地講 可能都係時候比佢走

到佢打針 獸醫同我地講佢死左我都覺得成件事好快
抱住佢條屍feel到佢耳仔肉球開始變凍
我哩一世都唔會忘記嗰種感覺

我到依家都未走得出佢已經離開我嘅事實

貓貓病左好耐上個月終於走左
呢一個月每次見到佢啲相就好難受 出街見到啲寵物用品就諗起已經唔洗再買零食玩具比佢 煲劇見到入面啲貓痴人係到玩就會喊成套劇都唔敢再睇落去
屋企附近重有其他街貓但我好似對所有貓都無晒興趣咁
覺得自己其實唔係鍾意貓 我只係鍾意佢一個 我都想知可以點move on

有可能兩隻都有病，不過一隻先行。 我一月嗰陣，兩個禮拜內兩隻貓先後走咗。第一隻病咗幾個禮拜，第二隻就突然走咗。完全無病既跡象。

On9

就我自己經驗嚟講，寫/打我想同佢講嘅野出嚟係最快令到我走出我嘅sad zone
巴打你都可以試下，每次諗起佢就寫低。如果可以嘅話，每次都寫多一件同佢經歷過開心嘅回憶啦

我隻黑貓cancer走
開頭幾日仲凝住仲係到
夜晚習慣性避開一舊野以為係佢
叫做另外一隻貓女陪住

葬禮，屋企骨灰位，家庭相簿
做晒之後就等時間洗禮
得閒拎佢d相回億下

真係千其唔好，最多剪束毛

你d灰放係屋企，有排都放唔低

火化完之後，灑落善終公司花園，或者放善終公司位

貓貓走左之後要快搵善終公司，咁葬禮仲可以靚靚仔仔走，拖1，2會開始出水同臭

走左就走左，再唔捨得生活都要繼續，要果斷d

唔敢睇 會喊死

佢過一排 就會係其他方式陪番你
比波B放陣假=(

樓主加油(攬緊

傷口隨時間慢慢結成疤
會唔痛但你間唔中見到會諗番起哂啲野

到時喺彩虹橋嗰度，佢咪多個同伴仲開心

我隻貓舊年11月走咗，我到今日都未平復。
係屋企有時會開部吸塵機械人，夜晚有啲聲郁動下無咁寂寞，我都想知可以點排解到嗰種情緒。

我都相信會再見的！

攬實