我老豆老母要離婚，但我老豆要我老母比贍養費

如果案情唔難，其實好似係要收fixed既錢

唔好柒
知唔知咩叫求情，咩情況先要求情
即係叫樓主承認老母有足夠既錢，只係想求個官唔要分咁多比人？

多謝你咁詳細解釋呀，我呀媽一開始有申請過法緩，但佢唔識交啲文件野所以最後唔批。唔知再申請多次得唔得？

求情信可能可以證明佢地婚姻有幾差所以先要離婚？如果係純粹睇資產洗費咁睇黎係冇咩用

我老豆都係搵法緩，我老母話申請完法緩唔批因為唔可以政府對政府，我唔知係咪真，定係佢搵藉口

法援處係評估你嘅資產，判你要唔要俾、俾幾多分擔費。同時都會審視案情決定批唔批，一般有爭拗都會批。

可以再申請，法援要求文件一定要足，問題一定要答，仲要係書面fax回答，幾麻煩。

婚姻有幾差，喺離婚呈請申請表上面寫就得，其他嘢法官唔會睇，除非佢覺得好有必要，例如你媽媽話佢導致你有傷害，法官會搵社工家訪介入，都唔會睇你封信。

法援律師對法援律師係完全無問題，你老母水你。不過你老豆搵法援，判咗有贍養費，都係要找數俾法援，佢唔係唔知阿？

案情好唔簡單喎樓主

法緩係要比錢？
唔簡單係咩意思...我老豆係有心想攬埋一齊死？

法援係睇申請人資產去收「分擔費」，而且會喺服務完結前不斷叫申請人update資產狀況，超出某個數就要俾，詳情可以上法援個網睇。

你老豆申請法援，之後判你老母要俾錢佢，即係佢資產多咗，法援會收佢錢找律師費，咁你話神唔神奇？

法援係搵外面律師俾你，律師開單俾法援埋單，所以法援要收最大限度嘅分擔費，就係咁嘅關係。

點都好啦，如果真係有心離婚，你老豆又搵到律師，即係入晒紙申請，你老母點都要搵律師搞㗎喇，過程係好麻煩，一係就唔搞打回原形，你哋自己諗喇。

明白...真係好多謝好多謝你覆我，釐清咗好多疑慮，冇咁擔心了...好人一生平安

加油

咁係你覺得寫封咁嘅信啫

唔係話要認罪求情，但係可以寫封信，寫返佢老豆咁多年嚟，點樣冇盡家庭責任冇盡老豆責任冇盡老公責任，加啲同情分好過冇

不過講到尾都係搵律師法援區議員先有用，話到對家都請咗律師，仲問連登仔有鬼用，直接問法律意見，差極都可以去搵區議員幫啦

一個唔好彩搞幾年 你老豆條律師費都幾飽。
我係回你呢句

應該一早資產轉移

如果老豆同老母雙方對你撫養權有爭拗，法官可能會命令社署福利官去做評估，會有家訪了解佢哋同你嘅關係。法庭嘅決定會考慮以下因素：

1）子女提出的意願，可以明確咁同福利官講你好想跟返邊位生活？講多少少你背後嘅原因啦。

2）家長知品格行為是否合適撫養孩子？

3）家長照顧子女能力，居住環境

4）子女的年齡

5）法院通常不會將子女分散判給父母

6）已盡量維持子女生活現況為原則

6）離婚申請前及離婚申請期間子女之居住生活狀況

現時法院會傾向一同共同管養命令（但照顧管養約束龜一方而另外一方有探視權。

如果Daddy會爭你嘅撫養權嘅話，你可以考慮同法庭嘅福利官詳細講返爹哋平時嘅性格啦，你本身想跟邊一個嘅生活啦？同埋平時同爹哋媽咪嘅關係。如果真係見到福利官，不妨講多少少你平時生活當中嘅小事，因為呢啲小事係入邊都會評估緊你哋之間嘅關係㗎。

如果你媽咪真係想有免費法律諮詢，坊間都有唔少法律諮詢嘅服務，包括在香港婦女中心協會有免費律師面見諮詢服務，電話2386-6255。

相信爸爸媽媽成日嗌交，對自己嘅情緒都有唔少嘅影響喎。睇得出你都好關心爸爸媽媽嘅離婚手續，好擔心唔知之後會判咗俾邊個。無論結果係點樣，對於自己嚟講都係新嘅開始，之後可以同老母好好地生活。

試下等多幾年先離婚?

你老母養你咁你老豆更加無可能有贍養費啦

另外都俾多啲資料俾你，如果萬一父母發生一啲大型嘅嗌交，甚至影響到自己嘅安全，呢啲都係社區嘅家庭緊急支援中心。如果有咩特別，可以搵佢哋幫手。

向晴軒 18288
和諧之家 25220434
保良局婦女庇護中心 81001155（24 小時）

法援

我覺得你搵個律師資詢下呢D情況應該點做先

一千幾百值得比, 至少唔會行錯第一步

無用
申請legal aid啦

想同佢玩就入 FormA, claim 番佢轉頭

ching 你講真？

建議樓主唔好咁做

樓主同阿媽一齊交交件啦
你由佢自己一個 咩都唔識 交唔齊仲麻煩

屌 你老豆真係男人之恥 0羞恥心
支持你幫老母