我老豆老母要離婚，但我老豆要我老母比贍養費

本身我同佢地關係都唔好，但同我老豆關係仲差，佢係標準以前年代大男人主義係屋企日日又鬧又喝，搞到我抑鬱自殺，我冇理佢地好多年

我老豆老母不和分居咗好多年，最近我老母終於申請離婚，但我老豆要我老母比返贍養費，我老母乜都唔識又冇申請法律緩助，純粹覺得我老母廿鳩幾年受我老豆氣，依家仲要比返十幾皮佢好不公

想問如果我手寫求情信/做證供比法官，有冇用，可以點樣比？

贍養費睇雙方經濟情況，唔係佢話要就要俾
假如你老母好好景而你老豆好窮個官就有可能判你老母要俾

你諗寫求情信之前，幫你老母搵個律師好過啦

分居咁多年我老母一直有返工儲落啲錢，都係佢養我多，反而我老豆十幾年黎一直都好懶，捱老綜唔肯去返工，咁睇落真係我老母輸嘅機會好大，仲要我老母都只係返濕鳩保安賺唔多，咁多年黎佢真係賺得好辛苦日日12個鐘

資產轉移
叫老母過晒d錢比你先

如果搵到都唔會諗寫求情信呢啲屎橋...

唔係咁講既
只要你老母列曬平時支出洗曬落養你到無咩錢剩就無事
而且照咁睇，係你老母負責養你，個官點會判你老豆有錢拎

點會搵唔到
葉謝鄧呢d都夠啦

如果得果少少錢又養埋你 睇唔到原因要俾贍養費
你老豆又無為個家付出所以佢應得有你呀媽份糧？ 好似無

如果分居多年
證明到啲收入全部都係你阿媽返工賺嘅話
你阿爸要分其實冇咩道理
因為贍養費嘅意思係要維持對方嘅生活水準
但你哋已經分居多年
財產亦都分開咁多年
所以似乎要比贍養費係更加唔合理

有寫好過冇寫，不過搵律師都係最好，冇錢仲有法援，去問多啲人啦，區議員社工乜都問下，你呢啲case總會有人幫

唔係話佢要求就一定要俾
分居多年，如果你阿媽係一直無經濟援助過你阿爸既話
你阿爸係無合理證明佢因為離婚而改變佢生活狀況去要求你阿妳俾贍養費
去申請legal aid先啦
而家唔係criminal，唔需要寫求情信

啲垃圾笑死人 做大男人但又廢又懶 仲想要女人錢

好麻煩嘅係我老母自己怯好早就㩒晒啲錢出黎，依家對方律師問啲錢去咗邊懷疑資產轉移，我老母又鳩作話借錢，供養我地，但係又比唔到證據...

搵個律師先啦，呢d 專業野

男女平等
要女人比錢有乜問題﹖

兩年內唔可以轉架。

吓﹖點解唔合理
女失業分男打工就得﹖

搵區議員, 有D有免費法律諮詢

有無睇分居多年呢點？

你老母當人啲律師係on9㗎咩
有無試過法援？
唔批就點都要自己搵個
對方有律師你無輸9成

我覺得唔揾法律援助你老豆只會更得吋進呎

第一，離婚原因係咩？雙方申請定係不合理行為導致無可挽回？前者的話雙方都要列明資產、洗費，其次就係而家雙方有無工作？平時邊個負責養家？如果有一方一直無做嘢，係靠對方俾家用，係可以當成失去工作能力而要對方俾錢。

第二，有無18歲以下子女？雙方結婚幾耐？我假設你18+，佢哋結咗好多年，咁你媽媽就唔可以以照顧你為由扣起資產。

第三，搵律師搞，無錢就搵法援，對方律師去信問你媽媽點解啲錢轉走，或者用咗去邊，其實係無需要答，除非條數好大，法官叫到一定要答，一兩萬呢啲數個官屌返佢轉頭。

第四，唔好覺得煩，解決一段無謂關係對未來先最有益，好過下次個炸彈幾時又爆都唔知！如果雙方都好難搞，法官會叫社工跟進，佢最後睇社工嘅報告，亦都會叫你哋搵調解員，呢啲都會係法援cover到，唔使擔心。

當然，申請法援你要睇下合唔合資格，一般都係睇你媽媽銀行、入息，解到話就得，還錢俾朋友，朋友有無寫借據？有咪得囉，唔好講大話就得。

至於求情信？我唔明白，無犯法求咩情？

有乜關係

補充多少少，家事法庭法官開庭一般十幾分鐘就完，唔好以為好似電視咁會唇槍舌劍，開庭前所有文件要先交俾法庭書記存檔，會check會唔會少咗咩文件，之後法官睇文件做嘢，唔齊就即場補俾書記，或者擇日再開庭，一次等幾個月。

假設你老豆搵私人律師，你媽媽搵法援，一個唔好彩搞幾年 你老豆條律師費都幾飽。