一年前既我岩岩呢個時候仲係河津睇緊滿開既河津櫻花隧道
今年同樣時候既河津已經開始謝了
好似我個陣咁樣 都係以一個搏既心態 希望搏得中滿開期
中就當然開心 但唔中既話去到發覺得返地下有粉紅色都幾ＳＡＤ下
所以咁樣計其實去日本睇花既成本黎講都幾高
——————————————————————————————————
2023年世界開返關之前
雖然一直無辦法去其他國家行下
但係外地讀書其間發現其實台灣都好多地方有種櫻花
或者好多個種純粹係FOR觀光既花場
加上時間差唔多既台灣中華民國代表花--梅花
就開始發覺其實年初既台灣都好多花可以影下
———————————————————————————————
今次就試下分享一D唔同係台北比較近而我自己都去過既地方
都會順便分享埋每年睇既時間 有機會都可以比大家參考下
可能無咁多假去日本 去台灣都可以睇下
主要包括既地方有
台北市 中正紀念堂 (可達度: 最易 地鐵站上面)
台北市 陽明山區 (可達度: 算易 士林地鐵站轉巴士上山)
新北市 淡水山區 (可達度: 仲算易 淡水地鐵站轉巴士/的士上山)
新北市 三峽山區 (可達度: 有D難 比較適合包車去台灣既朋友)
桃園市 唔知點介紹 到時直接講GOOGLE MAP GPS
(可達度: 比較難 的士可到 比較適合包車去台灣既朋友)新竹縣 尖石鄉 司馬庫斯部落 (可達度: 最難去 BOSS級 要包車都要搵識熟個頭山路既先好 因為超難揸
) ———————————————————————————————
一如以往慣例 由於樓豬次次都係去親睇花都係為左相影相
所以都會有好多相
主要都係菲林相多 數碼比較少
比住D相大家睇住先
留言話我知想睇邊度先 仲要去搵返唔同地方既相哈哈哈哈
