幫你手劇本創作 你問我答

算啦 編劇本質好多時係獨行俠 單打獨鬥

思想好容易偏執 無可厚非

唔好閉門造車就可以

我只係想你地寫到自己心目中嘅好劇本

幫得就幫 咁就可以

辯論基礎係浪費時間 無意思

再有人入嚟搞事 浪費時間 即ban

你有創作瓶頸 不妨攞出嚟分享 未必幫到你 有時間盡幫

想問下 呢個時間分配係點樣摸索出黎

80分鐘 呢個係高潮位？

電影故事
主題：性別不應平等，男權應更受重視
讀者/觀衆群係乜：任何年齡男人，鍾意男人嘅女人
故事：
男主角Spaceman有一日睇新聞，見到有條女係M巾上面做刺繡（用意提倡女性M到並不可恥），Spaceman覺得而家社會乜鳩都講女權，太撚離譜，佢有心一改社會歪風，於是嬲嬲地為自己嘅精液做掃描，標題為《射精並不淫褻》，並展開一場為男性平權，更甚係主將男權至上嘅大冒險。
類型：黑色幽默

樓主，第一場要點開？
（睇死樓主係半桶水電影學生）

最後一句 block

bye

因為要有番咁上下時間去蘊饟到我想要果個畫面，可能未必係高潮

呢個畫面對於我黎講係，但對於其他人黎講未必係，所以要有另外40分鐘滿足吓其他人

其實都係character driven 定plot driven既分別？
我估兩條路冇話邊個啱
只不過多數商業片就係plot driven
王家衛嗰啲就多數character driven

「一個平凡人，面對難如登天的難關，苦苦掙扎，雖然缺乏許多獲勝所需的技能或工具，卻從不會放棄希望」
一句概括左九成以上嘅喜劇
之前睇一本書講

好悲哀，而家香港d創作人就係咁。
自己講完唔哂時間教育又鬼拍後尾枕話冇話過教，只係幫手。
我分析左一堆你就只quote最前面我定義個堆字話只係用好多字重複意思，根本就冇理解過人講咩，只係純粹為駁而駁，表達睇法就話串佢屌佢。
我係預設你識少少，因為你講既野比我感覺就係咁。
仲話創作，創作最基本就係視野要開闊，唔同人既觀點，想法都要了解你先可以係創造角色既時候夠多元化，人地一講野你都唔去理解，只係覺得人地屌你再搵keyword反駁，諗野去證明自己岩咁你講條毛創作咩。
去返討論緊既野，講再簡單D，人既記憶就係最分到咩重要咩唔重要，重要既就會留底。你睇ready player one既時候係記得D game既設計定記得個人，你睇天能既時候係記得時間逆轉d情節定個角色啊？
不過睇你都係唔會理解，你只會直接搵d可以駁既地方駁。
比埋下台楷你都唔識落，放大D字講野係咪就大聲D，搞笑。
唔怪得香港既創作環境係咁樣，你唔明我先嘗試解釋就話人屌你插你，講多兩句就話要block人，所以我發現係講黎都哂氣。

有個人估你係半桶水編劇學生你咪係幫佢創作既過程證明自己有料囉。你係block就快d block埋我，比人睇到你一個話創作既人對其他人講野既做法就係北韓統治咁。

我就係話就算係character driven既戲都會需要編劇度橋去增強角色既外在衝突同內在矛盾。只不過當然呢d戲最重要既係設計角色，但唔代表係呢d戲個度橋過程就唔重要，都未講仲有好多plot driven 既戲，所以你可以話係character driven既戲角色最重要，劇情相對冇咁重要，但呢樣野係唔可以一概而論。

其實重要性好難比較
但係我大概都明白點解唔同人會覺得唔同嘅嘢重要
可能對有啲人講，創作完個角色啲衝突已經出晒嚟
有啲人就諗得比較仔細，結果用多啲時間（可能出嚟嘅嘢更加精緻）
有時寫角色，除咗寫「佢係點樣」
更加係寫緊「佢點解係咁樣」
「諗劇情」係諗緊螢幕上面嘅劇情
「諗角色」就係諗緊螢幕以外嘅劇情，冇拍出嚟嘅劇情，故事開始之前嘅劇情

編劇本質係唔應該要做sales

同導演一樣 都係創作範疇

一個扭曲嘅商業環境就會令到一切形象模糊 發行商獨大

唔討論呢啲創作以外嘅市場問題 離題

歷史上成功嘅故事 無論咩媒介

都係角色為本

佢地喺觀衆/ 讀者心目中留下印象 揾到自己 成就自我

劇情係手段

唔打算揾海量例子 因爲必然會落入個別作品討論 爭論

亦唔會再討論呢個話題 係咁

成個Post都係到空談
等我仲咁有心寫段嘢嚟同你實質傾
你鍾意Block就Block啦
要是你唔Block，要度嘅話，就一秒睇得出你係咪行內人添

都唔知你哋拗乜唔同題材類型嘅戲，人物/劇情比重要求唔同。觀眾要嘅嘢唔同，作品呈現面貌又有唔同。

如果係劇情向，教父咁，個戲集中喺人物，觀眾係睇佢成長、角色之間角力，就要好著重每個角色出發點，之後用劇情深化佢哋嘅轉變與衝突，唔同人物立得住，劇情就容易寫，因為佢哋各自背景與欲望可以推動劇情。但當然突發事件出現，每個人嘅react又會將件事互相深化。

但有啲戲係橋行先嘅，觀眾要睇強烈又峰迴路轉劇情，於是乎就係先有橋再設計人物，令件事講通佢，先唔係為做戲而做戲為扭而扭。

所以度嘢果時冇話度人物先定度劇情先，要睇係乜project。

但乜project都係，編劇個腦會兩邊走嚟走去，因為二者從來唔係二選一，而係互相深化。

當然唔同編劇有唔同風格，各自修行，所以同一條題唔同人可以有唔同切入點及進路，變成好唔同嘅嘢，創作有趣之處就喺度，思想碰撞互相了解不同人嘅世界觀。從來冇話邊個啱邊個錯，但最後執行出嚟就睇邊個套功夫成熟啲。亦唔係票房奬項成敗論英雄：好嘅商業片同好嘅藝術片一樣難。

有個說法幾好，寫故仔就好似做一個人出嚟：
人物係骨骼、情節係肌肉、主題係腦袋、感情係個心、好睇畫面gimmick sit 係皮膚。到底邊個先邊個後？邊個重要邊個可以唔要？冇架，互相牽動互為影響互相支持呢！

所以其實大家嘅理論都冇錯，不過著眼點同比重唔同而已。難得呢度聚到啲編劇出招，不如心平氣和地討論啦寫劇本真係博大精深，而行內一齊深度討論嘅機會真係唔多，多啲人聚埋一齊研究下呢個topic都幾好吖！

呢個諗法幾有趣，開心share，聽聞杜sir係想拍一個一shot落slow motion之後先出現《三人行》。美劇《Heros》S2係諗咗要有個紐約大爆炸做act 3，先開始諗之前唔同人物有咩戲。呢個「揭尾故」度法都係個方法嚟架，確保個戲有個引人入勝大plot。

不過難度就係個plot（or畫面）要夠大、夠奇、夠吸引，先可以為咗佢而值得做一個戲。同埋佢要有足夠多question mark，先可以引發思考同有嘢延展，建立之前果80分鐘。因為觀眾係順住睇嘛，前面80分鐘唔吸引，佢都等唔到個大plot就棄了

呢個問題真係難到不得了，首先要諗真係做喜劇吖，定係有喜劇元素嘅劇情片。

如果係純純正正嘅喜劇，個故事set up最好有個好大嘅矛盾所在。例如一個最怕鬼嘅人要去做驅魔人，有仇恨嘅兩家子女相愛呀咁。係呀，呢啲矛盾近看是悲劇、遠看就係喜劇。有咗個有趣設定、人物矛盾，D戲就會自己湧出嚟。如果唔係會好易落入本來無一物，但要為搞笑而搞笑嘅尷尬處境。

之後到落情節，又有分係玩sit gag吖、對白gag咁。但又真係永遠面對會唔會只係自己覺得好笑，但觀眾睇到好尷尬嘅擔心。個人會寧可唔好硬搞笑（即係演員刻意浮誇演出），而偏向做有喜感嘅劇情片又其實易啲。

個人幾鐘意《飛沙風中轉》，佢係我心中覺得好笑但又唔低能嘅喜劇。其實《嚦咕嚦咕新年財》呀《我左眼見到鬼》呀都好好。最後利伸：其實我唔係好識寫喜劇，以上純粹拋磚引玉

其實又可以咁講，到底大家想做編劇，定職業/行業編劇？

做編劇可以係件好個人嘅事，寫個劇本出嚟，唔一定為拍，佢可以係個文學作品，好似小說咁出書印出嚟賣到得的，有人睇中買去拍係後話。佢可以好純粹好作者向可以乜都唔諗。

不過我哋又知，一個劇本不被拍出，佢嘅生命總係不完整。

於是又分拍想佢可以被拍出嚟，到底走商業向定非商業向，就算商業向都有程度分別。

非商業向，就要pitch比賽拎funding啦，咁就可能要考慮每個目標會要啲咩。例如首部劇情，政府俾錢就實唔係想要大路商業片，而呢個budget想要個大cast肯拍，就要用攞獎角色吸引佢，於是近幾年出現好多社會性小本製作不無前因。

而如果走入商業向，市場需求就係一個好大考慮問題。唔好覺得考慮市場係銅臭，電影要可持續發展必須係一個工業。就如魏德聖點解拍《海角七號》，係佢睇到台灣當年只有好多國制攞獎藝術片，但當地人根本唔睇，佢想打破。好嘅商業片，係應該有娛樂性吸引到觀眾，同時又有msg。又例如《毒舌大狀》，編劇在各方面平衡下都依然可以係好戲。

而商業向嘅合作模式，以前甲方乙方主副分界好明顯，但好似《填詞L》咁玩又如何？我好想呢套戲好，因為當事人好勇敢，可能會為行業打開一個新局面。

所以做編劇真係唔易架葉師傅，兄弟爬山，大家努力啦

應該係有劇情嘅喜劇 不過其實唔係電影，而係處境喜劇

就算比朋友睇，佢哋都一定話好笑