幫你手劇本創作 你問我答

如題

發問前

首先要搞清楚自己作品想表達啲乜

主題係乜

讀者/觀衆群係乜

其他譬如人設 時地 都可以幫手

但搞唔清楚以上三個問題 就會kick

記住

劇情只係過程

角色先最重要

以上

有需要 請出招

究竟咩野係劇本殺？

可唔可以幫袁狗度下劇本
睇到佢畫功已經想跳樓
仲要睇埋佢d匡智劇情
完全係浪費緊地球資源

叫佢自己入嚟問啦

唔知腐皮啲乜
Murder mystery game

偵探推理咯
西人鍾意去人地屋企cosplay玩添

同朋友玩過一次 好大訊息量

最近見到有生意做 上樓玩

咩劇情只係過程，劇本最核心個地方就係劇情，角色創建既詳細度係會加強到戲劇張力同真實度，但一套戲好唔好睇就要睇你點樣設計／編排劇情主線，支節同戲劇轉折,角色係同劇情同樣重要。係香港d戲先會特別只重視角色

錯曬

劇本最重要係角色

劇情扭來扭去千百年都係嗰幾套

重點係人物設定 咩推動佢嘅行爲

佢同社會嘅關係 佢相信啲乜 價值觀 身份 等等

所有嘢設定好 佢自然就有生命 自己識行識走

唔曬時間教育 無興趣問創作請過主

唔需要你教育，我本身就係編劇，只不過見到你識少少就係度話教育人覺得好好笑。
劇情當然形式上黎黎去去都係咁，但只要將任何可以創作既地方例如世界觀，背景，社會形態，文化思想等等加上一d變化，本身公式一樣既劇情就會帶比人新既感覺。呢個世界所有既創意寫作都係源自於新既環境，新既文化導致入面既人物出現唔同既追求，掙扎，咁觀眾先會有興趣睇落去。如果唔係每套劇本都只由人物出發既話，睇多一兩套觀眾就會開始覺得悶，所以有好多港劇/戲而家都少人睇就係咁解。我唔係話角色唔重要，而係話兩者一樣重要，你講既人物推動個d都只係好基本既野。不過我唔怪你，身處係香港呢個環境就一定唔多唔少有比港劇／電影熏陶，而好多香港電影既弊點就係只重視角色／演員，你唔想理我可以唔理，繼續用你有限既見解去教人is ok

要舉例既話有好多個故事都係側重劇情多過角色，例如三體，哈利波特，天能，ready player one，統夢呢d，反而角色係呢d故事都只係套用左經典模形，學你話齋呢d角色模形我都可以話玩左幾百年都係個幾套，但我唔會話劇情先係最重要，因為同時都會有好多故事係著重角色多d而係劇情上係變化不大，所以兩者我會話係一樣重要。

我嘅小小心得分享:

我通常要有一個畫面想實現到，呢個畫面係通常要放係整個故事嘅大約三份之二嘅位置，即是如果故事有120分鍾，我想要嘅呢個畫面我會要佢係80分鐘附近出現，之前嘅時間係為咗鋪路去到呢個畫面，之後就係解釋呢個畫面之後發生咩野

喜劇有咩重點？
驚得自己覺得好笑

唔係派別唔同既問題，你話無角色性格就冇劇情。係，冇人邊有劇情，但我講緊既係好多戲都係會由劇情推動人物去行動，而唔係先諗完個角色等個角色去推動劇情，而最極端既例子就係天能，三體，其實仲有好多其他，舉呢兩套因為呢兩套最出名，角色係呢d戲入面會比較似係一個工具人角色，佢地既行動只係為左連結劇情而存在，當然佢地都會有完整既背景故事，行動原因個d,呢個係寫每一個劇本既時候都係第一件要做既事，但唔代表人物就係最重要，而只係因為佢必須存在，劇情推動人物定人物推動劇情先係決定重要性既因素

我冇講過劇情重要過角色，我一路都係話一樣重要，我留言既原因係因為樓主話劇情唔重要，角色先最重要。我當然知有d戲係劇情推動人物，有d戲係比較平衡，互相推動，有d戲係角色推動劇情，所以我一路強調只既係冇所謂角色最重要呢回事。

我嘅小小心得分享：

我想有個畫面係一個黑絲淫腳平底鞋嘅OL 一路shoeplay 一路玩緊英雄聯盟


咁我就用前面80分鐘鋪排點解會去到呢個畫面，再加之後40分鐘講跟住發生咩事

例如我覺得李白坐船遊長江係一件好型嘅事


咁我會用前嘅80分鐘去鋪排點解呢條友咁L得閒，究竟佢經費從何而來，之後嘅40分鐘時間就講佢知道自己有寫詩天才跟住搞咩出黎

你自己覺得好笑係首先好重要

通常笑料嘅方程式係

1. 無聊咁去做應該認真嘅野
2. 認真咁去做應該無聊嘅野

例如用真錢玩大富翁

扭來扭去都係嗰幾套
有幾無知先可以講得出呢啲野
角色係好重要冇錯 但去到咁唯我獨尊嘅程度？
仲講到唔想哂時間教育 你邊位？唔知咩興趣班嘅導師？
人地有自己睇法 ，你冇回應不特止就話人冇興趣問創作
點解假定一定係人地同你請教？
你都幾自大

文人相輕，剩係識互插

只有我係創作緊，唔怪得我咁屎都有得撈

sorrysorry 走先

就算係最想探討／塑造人物既戲其實都需要係劇情上下好多功夫先會有戲劇張力，令觀眾覺得有共鳴／好睇。用天能呢d例子太極端，用一套香港好紅既戲，無間道會比較好解釋。劉德華同梁朝偉，一個想洗白一個想做番警察，如果話設定好人物自己就會識行識走其實佢兩個行既可以係兩條平行線，唔會遇到對方，咁就冇戲劇可言。但就因為有編劇度橋，諗劇情令佢兩個對立，例如掉黃sir落街，梁朝偉跟蹤劉德華，係警局攞身份見到寫錯字個份文件。呢d橋段係可以突出兩個人物之間既衝突，最大化角色內心既掙扎同矛盾，咁樣個戲劇張力先會出黎。

不過講太多好似有d騎劫左個post
大家應該都只係想輕鬆作下古。樓主應該都係一個熱愛創作既人黎既，所以應該都會想創作更好睇既故事。我覺得如果係創作既時候都注重下劇情既話你既創作就會更加有戲劇張力，觀眾都會覺得更加好睇。都係唔認同既話就算啦，我都唔想繼續再拗黎拗去。

你預設人地識少少都好好笑

你所講嘅：
劇情當然形式上黎黎去去都係咁，但只要將任何可以創作既地方例如世界觀，背景，社會形態，文化思想等等加上一d變化，本身公式一樣既劇情就會帶比人新既感覺。

呢句你只係用好多字重複我嘅意思

我唔認同劇情比角色重要 已經講得好清楚

最重要係主題 命題 主旨 之後係角色 所有設定 最最後先係劇情

我完全無被港劇熏陶 九二年睇完大時代 一個大台劇都無再睇
港產片就隨便啦 你咩都唔知就自以爲是 先真係好笑

唔該你放大對眼睇清楚 我嘅主題係幫手 重來無話過教

係你自己不斷對號入座 不斷自言自語喺度回覆 係要逼我自辯
你咁巴閉阿編劇 自己開po討論啦

我嘅出心係幫手 只係想幫有需要嘅人
連登仔連有人伸出援手都要屌屌共 串柒柒
真係煩撚到仆街 再鳩講就 block dllm

有趣 你似係導演 視像思維

有好多導演 / 攝影師 用夢境去發掘題材 場口 或者故事風格

我都分享下啦：

凡商業美劇/電影 我俾10分鐘佢入主題 正題 或者 set 好個節奏

我會刻意睇錶

通常10-12鐘入到題 先令我意識到望時間 呢部戲唔會差 相反 導演有自覺

12-15分鐘入題 通常已經知道遲左少少 如果順利入題都可以 救得返

15-20分鐘 好勉强 如果不知不覺去到20分望錶都接受 如果唔係呢部多數係交代故事 多於講故事 換言之 導演功力不足

20分以上 大機會救唔返 歸咎節奏鬆散 多餘場口 後面需要好大劇力挽救

喜劇固然要好笑

但笑有好多種

目的有呢啲 笑中有淚 捧腹大笑 會心微笑 苦中作樂 笑駡由人 我自橫刀向天笑 如此類推

角度有呢啲 滑稽 自嘲 諷刺 反諷 譏笑 竊笑 警世 不可勝數

好多人都講過 喜劇係最高境界 最高難度 令人發笑係挑戰

點解咁講？

因爲創作者需要徹底拆解 人性 事態 世態 先可以創作 刻畫出呢啲吸引到觀衆嘅人和事

要識得企喺大衆立場 而判斷大衆要有一定政治觸覺 呢個觸覺就大鑊啦
好似股市咁 極多變數 今日你覺得好笑 到部戲出街已經一年後 你覺得仲好唔好笑？半年又如何？世態瞬息萬變 資訊更迭越來越快 你今日以爲係人都識嘅人事 約定俗成嘅現象 甚至社會共識 過一排可以影都無

言歸正傳 喜劇的確唔簡單 令人笑只係結果 又可以話係手段

無一定嘅觀察 洞察 分析 預測能力 個故仔都有機會收皮

唔好忘記我講過嘅基礎 就係主題

你想表達啲咩？

其次 你想吸引咩觀衆？ 呢個直接影響 時地人設 格調

有呢條路綫確立 你就會知道 自己個喜劇劇本嘅定位 / 側重