養貓係咪真係可以減壓？

仲有養b 有樣好
由細培養口味
我會罐加水，佢食慣唔挑食
大概一日最少250ml intake (跟返獸醫建議嘅體重飲水建議）

同有研究下貓鮮食，煮下西蘭花/蘿蔔撈雞胸/三文魚料理比佢地（之後加水再攪拌）有新鮮蔬菜肉泥食
食譜可以上網搵，睇下有咩貓食譜（有埋佢地嘅飲食禁忌須知）

仲有室內貓嘅運動量都好重要 得閒就上網買下玩具俾佢地


每日忙呢啲，即刻充實咗，會少好多胡思亂想架
（當然maintain自己生活有其他重心）
重點係，兩隻貓有個伴，離家耐小小都可以唔太擔心
可以有自己興趣同生活

準備埋自動貓糧機、水機

咁岩今日睇到 可以參考下
智利監獄養上百隻貓 受刑人都成貓奴 動物飼養計畫如何助受刑人重返社會？【TODAY 看世界】
https://youtu.be/gspAGula0yU?si=TJjidY9c5p2lDgOY&t=239

聽過有d 成個貓生都唔俾奴才摸同抱

你真係好有心

有啲人對BB嘅定義好嚴格，只係要一兩個月
黐孖筋，奶都未戒點會出領養俾你

我其中一隻走咗嘅貓貓
我女朋友真係從來都摸唔到佢
直至喺診所先可以抱佢攬佢錫佢

我都好慶幸自己養咗兩隻
一廂情願覺得 如果養一隻 又大部份時間唔喺屋企佢會悶 （返工出街）好慘咁

養中隻唔痴人、唔鍾意俾你摸、夜晚嘈著你訓覺既你就仆街（夜晚嘈真係最慘，你控制唔到佢把口，你困籠又冇用，屋細你關房門都冇用，而你第日仲要返工）

你要本身真係好鍾意貓，俾佢咁對待都覺得佢好可愛好治癒先得（即係m 底）。你見人地d 貓好可愛好治癒可能因為佢個隻真係痴人又乖，或者人地辛苦唔同你講姐，到時真係養中個隻性格唔係人地個d 咁乖，你又冇得彈鐘，又冇屋企人幫你分擔照顧下你就慘。

識人領養個隻可能有心理創傷，養左幾年都唔俾摸，行近d 都兇你，係近年先俾摸下但都唔抱得，但人地真係愛貓有耐性想幫佢所以ok

你要有呢d 心理準備同覺悟先得，因為貓唔似狗咁隻隻都咁熱情，而衰貓可以話佔多數

千其唔好

我覺得養貓就係
你返去見到佢聞下佢摸下佢抱下佢
就會覺得個人平靜
就算只係靜靜地喺度望住佢瞓覺
聽下佢鼻寒聲
望住肚仔一呼一吸
都覺得好美好

現實既落差
除咗屎屎尿尿
有病睇醫生之外
可能你咁岩嗰隻唔俾抱唔俾埋身
你要用更多時間令佢親近你
又可能佢好曳週圍攪到啲野亂哂你好炆

但無論係點
你真係有時間先好養
因為你就係佢既唯一
貓其實都需要陪伴

同埋
請領養代替購買
最後祝樓主有個開心幸福的貓奴生活

但你自己摸唔摸到佢

唔好 台灣有個人出差放長糧
隻貓冇節制不停食
跟住好似本身又有便秘問題
最後死咗

要有心理準備會整爛嘢囉，仲要無乜得教
唔想爛嘅嘢自己收好

啱啱轉食乾糧嘅比較好啊
要考慮貓媽媽情緒同bb 嘅健康
但好多人漠視呢個問題，覺得bb 得意

咁啱我嗰隻係人哋救咗貓媽媽，點知道原來是懷孕

生下來之後，斷奶轉糧穩定小小先帶走
貓媽媽都搵咗主好人家

去揀嘅時候未開眼
之後密啲探佢，相處下先
有感情，相處OK，先帶走
緣份呢家嘢唔好勉強

會架，佢而家世界我唔係唯一
仲有佢嘅兄弟
見到佢地互相舔毛就會覺得開心

有部分浪浪其實好嗲好信人，嗰啲都係新手可以入手嘅。

如果係防備心重嘅，就真係要做好功課，要有耐性同心機去同浪浪建立信心，尤其係成貓，時間幾長係要睇隻浪浪有幾唔信人，情況好嘅可能1/2個月，耐嘅係可以以年計

養動物好多學問，坊間好多書同片有講解分析，所以最緊要多睇多學

一隻貓係一條命，一個最長10幾年20年嘅Commitment，樓主可以慢慢諗清楚

最驚由細打到大都仲打緊
原本我都想養多隻陪呢家個隻，見朋友養多隻，打交打左成年都仲打緊，一唔係屋企就要將其中一隻困籠

摸到，但係攬錫印象中都好少
但我自己係覺得唔係最重要
最重要係佢安心開心舒服
我唔係求佢哋每個都愛我鍾意我
只係希望佢哋健健康康快樂成長

年三十晚有朋友上嚟接走出領養嘅小朋友
佢本身都有養開，佢都有問我點解可以做到啲咁辛苦嘅事（佢覺得要同貓貓分離好痛苦）
我答佢
因為想盡我能力救到一啲小朋友
最緊要佢哋健康成長快快樂樂
陪伴佢嗰個係唔係我一啲都唔重要
所以我見到會救會暫託會出領養會祝福佢哋幸福快樂
咁樣就夠

同埋真係要有心理準備
屋企要改造一下 minor嘢
沙發加防抓布
細碎嘅嘢全部收起
玻璃杯收好
tissue放好

打掃密小小
要禁絕貓嘅有害物質（香薰之類）

不過又唔好有壓力
屋企即刻整齊咗

真，新手仲要一個人千其千其千其唔好貪得意養貓b，真係寧願揀隻兩三歲都唔好揀兩三個月，同人類一樣大定左冇咁多行為問題，而且大定左你睇到性格，揀埋性格對新手黎講好重要

我都係同啲領養人咁樣講
叫佢哋唔好因為毛色所以決定想領養邊個
我都係叫佢哋上嚟同小朋友玩下先
覺得有緣嘅先至再決定都未遲

好有愛
自問做唔到接一隻唔俾先摸既貓
Respect!
好人一生平安

世界上絕大部份人都會鍾意貓

I

尾二全灰嗰隻，上個月走咗啦.