養貓係咪真係可以減壓？

我都發覺黃色貓仔係真係痴人啲

主要睇吓有無責任感，養咗寵物比較難去旅行，短途3日2夜，有人幫手餵貓執屎都好，隻貓會驚。

唔俾掂果d咪棄養，話俾佢知人畜之別，我先係master

你有錢就得，冇病嗰時咪減壓囉，有病幾千幾萬咁洗睇你仲減唔減到壓

真係會 屋企本身有陌生貓
或者間屋環境差
都會搞到啲貓大壓力 心情差 臭脾氣
屋企人之前由劏房搬正常屋
隻狸花貓即刻乖左好多

但有時都睇彩數
屋企人新養個隻都會無啦啦咬人

據我個人經驗
男仔貓真係親人啲
同埋唔同毛色有唔同性格我都覺得係真
養過 黃白、純黃貓、三色、黑白、狸花貓、灰白
狸花貓係最細膽，會好惡咁咬人保護自己

但你同隻貓相處耐左
慢慢就會試到有啲咩會每佢放鬆開心
就會親人啲

最好屋企人幫手
麻煩朋友日日上去都勁唔好意思

正正就係狸花！
我自己屋企個隻就好d，由細養到大又男仔
都算親人，不過細膽都係幾明顯
有多d人黎屋企就會消失

黑白貓就痴線佬

貓有機會養唔熟

咩叫痴線佬

所以睇親天下貓貓一樣貓個page就覺得啲貓撚好好笑
隻貓整爛部電視又幫隻貓設計晒對白 話咩部電視唔啱又話呢啲行為好可愛 成班被虐狂

認真答你
一切睇運, 你養到隻性格好既, 你乜都唔洗理, 每日定時剷屎尿, 餵時同佢就玩就夠;
養到隻性格西既, 就...

y ar

上面好多養貓既巴絲都講過

健健康康冇病冇痛當然開心

但你衡量一下自己係咪真係可以養
如果佢病咗，佢食藥係早午晚 你可唔可以Work from Home先



去長旅行時候 你要諗吓你朋友都要返工
屋企人可唔可以上嚟陪佢玩 照顧佢三餐先
除左食其實佢都要你陪

養寵物其實同養一個永遠長唔大既BB 係差唔多
貓貓本身大部份都係比較易驚嘅動物
唔係話你成隻貓掉去屋企人朋友屋企可以解決到


最差嘅情況，如果隻貓係有分離焦慮
唔見你1，2日 就唔食野唔飲水

自問要你來冇得去旅行你得唔得先？

自己都有養開
好多苦都係自己知
錢同時間真係好重要



但冇後悔過

要考慮自己鍾唔鍾意留係屋企，雖然話貓貓比較獨立，其實佢哋都鍾意有人陪，同鍾意有規律既生活。
每日基本照顧（例如餵食、清貓砂、梳毛、清潔、玩）佔既時間唔係好多。
密啲吸塵同清潔，買清潔用品/植栽要考慮會唔會對貓有害，啲嘢唔可以亂擺（驚誤食/整爛）。
窗網/蚊窗都係一次性，仲可以防蚊。
唐貓身體通常好啲，隔幾年做下身體檢查，儲筆錢做儲備。
我覺得有一定心理準備，唔好幻想同隻貓一見面就會相親相愛，比時間同心機去照顧，你會獲益良多。

黑白貓大部分都聰明但癲癲地

我有一隻淨係訓緊個時先摸到
平時一伸手就走
不過最近進步左趁佢食嘢個時摸都摸到一陣
但暫時冇可能抱到

依家入屋大概半年
希望一年個時抱到

你時間已經少，重養乜鬼

養貓好神奇
好似我老豆一開頭堅決反對
但拎番嚟養養下
貓糧 沙 睇醫生 全部洗費佢出哂
甚至走個時都係佢親手拎去葬

你有問題就食藥咪撚養啦屌你

利申 2隻
我一路都好鐘意貓 所以準備咗幾年終於領養到
一開始都幾大壓力 要同啲貓磨合
仲每日突然多咗好多routine野做
去旅行有人湊都會心掛掛
睡眠質素差咗 因為啲貓一係就晨早流流跑online 同你訓就6點幾喵你起身開門比佢去廁所 一係就死都要訓大髀中間 咁你又唔想整醒佢 成晚都郁唔到好似比鬼宅咁
我個人覺得壓力大咗 但條路自己簡 仆街唔好喊 都係要養佢地到百年歸老