我係東正教徒，你問我答

我係住喺倫敦嘅希臘正教徒，上個月正式受浸，我個名係Leo Chrysostom，聖教宗里奧、卡塔里亞的聖里奧同聖金口若望係我嘅三位主保聖人。我係under君士坦丁堡普世牧首英國教區嘅，未去過俄羅斯正教會或者其他正教會喺倫敦嘅分堂，唔熟、你問我都答唔到。

簡單介紹下東正教

東正教會係主耶穌基督親自設立，由各使徒喺各地建立而成，經各教會教父、聖人、牧首、主教、司祭、修士修女同平信徒承傳至今，我哋認為自己係"唯一、神聖、大公、傳自使徒嘅教會"

我哋信仰基於聖經新舊約、神聖傳統、尼西亞信經、七次大公會議、神聖禮儀、各禱文、眾聖人同教會教父嘅教導

我哋有聖像、會禁食(逢週三五同指定日子，有唔同規定)，會向至聖誕神女同聖人、聖天使請求代禱

暫時係咁多，我仲係新人，請多多關照

咁西正教係咪係你對面,南正.北正同中正教呢？

幾好笑

香港好似唔多東正教徒

留名先，非常有興趣了解東正教多啲
我係隔離post嘅基督新教傳道人

工作、事奉完，再過嚟搵你傾偈，多多指教

1. 劃十字聖號係咪真係右邊先再左邊？
2.有無/有幾多件聖事？
3.英國好明顯係新教/聖公會地盤啦，點解會信咗東正教？
4. 聖體嘅睇法係點？跟天主教定跟新教？
5. 你哋彌撒用咩文㗎？拉丁？俄文？英文？中文？
問住咁多先，謝謝。

想了解下東正教同天主教/新教有咩最重要的嘅分別？

lm
之前睇過本書叫《街坊眾神》
入面有訪問到香港嘅正教徒
有啲興趣

點解無端端信東正教？係咪好少華人信徒？

好似係，英國可能計埋我都唔知有冇10個香港人係正教徒

歡迎

Hi

你有冇聽過福音派東正教堂？
傳統東正教會點理解呢個派別？

https://en.m.wikipedia.org/wiki/Evangelical_Orthodox_Church

好想去希索斯山呀

1. 劃十字聖號係咪真係右邊先再左邊？
係

2.有無/有幾多件聖事？
7

3.英國好明顯係新教/聖公會地盤啦，點解會信咗東正教？
主要係睇咗好多相關嘅片，佢啲神學觀點同西方基督教好唔同，試下親自感受，然後試落唔同朋友再慢慢學習下都決定受浸喇

4. 聖體嘅睇法係點？跟天主教定跟新教？
同天主教一樣信聖體就真係變成基督嘅身體同血，我哋會一次過由司祭用匙羹餵，至於解釋就唔同意天主教嘅講法但冇畀一個特定答案，因為認為唔係重點

5. 你哋彌撒用咩文㗎？拉丁？俄文？英文？中文？
我係希臘正教會嘅，我去開嗰間教堂係主要用希臘文同部份英文噉，唔同正教會會用返當地語言。BTW我哋唔叫彌撒叫神聖禮儀

https://www.youtube.com/watch?v=AgDSD9ztB4g
可以參考下

問住咁多先，謝謝。

點解有聖像既？唔係唔俾拜偶像咩？犯十戒喎你

對和子句嘅睇法

由細到大都係新教徒，成年就開始厭倦變成無神論者，上年睇咗唔少正教英文嘅片開始有興趣就踩場睇下咩料，過咗幾個月慢慢學習下就決定做正教徒了

新教徒嚟，同我哋無關

我同兩位教會識嘅希臘朋友計劃3月尾去朝聖

咁你小心啲唔好自爆太多個人資訊會定位到你

想知你睇過邊啲東正教嘅英文片產生興趣

都係為左上天堂姐 上到就得架啦

舊約時期唔畀係因為聖子仲取成肉身，點畫都唔會啱，但耶穌出世後就唔同講法，我哋可以畫佢肉身嘅形象，可以話係畫出嚟嘅聖經同聖傳，所以有各樣嚴格要求唔會好似天主教噉變到純藝術用途。再者上帝命令摩西造約櫃時整兩個天使基路伯喺上面唔通又違反聖經？按照正教傳統，第一幅聖像畫係使徒聖路加畫嘅聖母聖子像，仲畀誕神女本人讚。

btw照你噉講所以耶穌啲電影同emoji都係拜偶像，更何況我哋又唔係當佢神噉拜

正教徒唔止係為咗上天堂，依樣係基本一定要爭取做到嘅，我哋仲要"神化"，變返做上帝嘅樣式，得以分享上帝嘅神能，從而成聖，享受上帝嘅愛同榮耀