想知點樣可以保持長期外向？

邊到可以搵到bg grp
我都想玩下

冇記錯既話,都係係連登揾到,你自己揾下

啱 我就係想訓練到咁 自己成日怕呢樣嗰樣 其實大部分情況都冇想像咁差

真 但係自己點都要變 有時成日諗如果嗰陣可以主動啲會點 長期係咁自己心理健康都有影響

我覺得依種行為轉變可能係因為有個trigger
我係內向人 但本身唔驚同陌生人交流
只係我好少會做第一下hi 人嗰個

之前試過發生咗啲事情緒好波動 好想脫離嗰個狀態就去參加新活動識新朋友
然後我都唔知點解變到好主動hi 人 甚至覺得成個feel 好唔自己
不過我仲未喺嗰個狀態跌返落嚟

lm

社交能量冇得學
但社交技巧有得學
社交技巧好，自然就社交暢順，
亦會搵到社交樂趣，會增加社交

通常社交技巧差，
都係心地善良，但又唔識用咩方法善代人及關心人
唔識善代人，其實係因為唔識善代自己

社交技巧可以睇書學，
亦都可以諗下喺日常情況之下，你希望其他人點樣善代你
諗下如果人哋同你講咩說話，你會覺得好中或者釋懷
咁你就知社交個陣應該講咩

讀書可以睇下啲亞氏保加症嘅書
唔等於你有，但可以參考，
知道社交有咩死位，會好有得著

同埋，世界仔又唔等於社交好
世界仔喺職場可能受歡迎，
但你多數唔想同佢做朋友

係咪本身情緒已經焦慮不安又唔知道？
好多人唔知自己有焦慮問題，因為由細到大已經習慣咗
只要改善咗本身情緒，社交個陣就冇咁易咁樣

情緒差就咩都諗最差嘅可能性
特別面對社交壓力就更嚴重
會搞到有社交困難

我知咩係社交技巧 多數係喺溝通嘅時候會識照顧人感受 人哋會覺得舒服啲 但係我唔太鐘意 成日要就住就住講嘢 人地又唔見得會照顧番你

我知自己有焦慮問題 我諗差唔多個個香港人都有
不過知又可以點 生存左咁多年 好多野已經深入到骨髓 咪變咗做性格囉

知道己經好過好多人
好多人完全唔知
知道咗就可以做好多野去舒緩
等自己生活得好啲

香港的確係一個巨型精神病院
香港人都係集體躁狂、抑鬱同焦慮

我識人社交技巧好好，但講野唔會就住就住
甚至講嘢可以好直好串，唯獨係唔會串身邊嘅人
大家唔會照顧返佢，因為佢唔需要人照顧
反而大家會好尊敬佢
大家都可以喺佢身上建立互惠互利嘅關係
同佢一齊可以好多野玩好多野學

放鬆下

咁真係第一次聽 佢個技巧會唔會建立喺佢本身識既野比其他人多 咁其他人同佢溝通咪好似學咗野咁

點解一定要咁外向？

識人 交際 前途 入圈子 男女關係 機會 好多都關事 當然你可以話內向都可以 但係冇咁多

個人取向，適當既外向就可以，無必要過火，或者做到同自己性格距離太遠

你可以先進一步了解自己！
你可以多點和時間對話，以說和寫故事的形式去整理和建構連貫的個人故事，將過去、現在和未來的經驗連結起來。比例不要失衡。

好多男對社交既渴望都係為咗性交

冇錯

依家先知 原來咁先係正常

你要知道自己想點先，唔係淨係想要某種結果而過程係你完全唔想既。

而家咪開post問過程囉

你要確定自己想點先，
再計劃屬於你自己既過程。