老婆同我屋企人關係好差，點算…

其實無比人哦，如果哦，我有幫口既，不過佢淨係會黑面，唔出聲低頭玩電話，人地同佢講野唔應，我見佢老豆、其他親人、朋友，就算唔鍾意，都做唔出黑面唔出聲

咁可能你屋企都有啲問題..係咪嫁左入黎覺得啲嘢老奉，冇尊重人？要問下老婆有咩心結令佢變咗咁多

你覺得冇畀人哦，咁佢又覺得點？
個重點唔係你覺得有冇㗎，係佢覺得有冇

群腳仔都係咪學人結婚啦仲未戒奶咁

其實長氣既野，我有幫口，之後都無長氣了。其實我父母、甚至乎阿妹都對佢好好，不時買野比佢，關心佢，我唔係要老婆接受佢地，只係想佢有基本既禮貌、待人接物

有問，佢咪話唔鍾意長氣，同唔鍾意阿妹搵我。而事實我已經同父母講左，佢地都無長氣。但佢好似咩都睇唔順眼咁

咁我應該點？

有邊個中意長氣﹐何況喺你老婆心目中同你原生家庭嘅屋企人根本唔熟﹐時代唔同咗﹐唔再係以為TVB劇嗰啲外父外母家翁家婆政策

解決方法叫你屋企人見好就收﹐唔好咁長氣﹐同唔好逼你老婆同你屋企人相處﹐食要飯就出街食一個鐘起兩個鐘止食完快啲走﹐唔好喺老豆老母屋企食﹐因為會磨爛席磨足幾個鐘令你老婆唔自在

見少啲囉
你鍾意見咪自己返去見，一定要一齊㗎咩？
都幾肯定佢自己出街食飯好過同你哋一齊。
都係嗰句啦，你覺得你父母冇問題唔代表佢哋真係冇問題㗎，你由細到大對住佢哋緊係易接受啲，佢哋對你都寬容好多。你撳電話，佢哋會覺得你有事做先撳；你老婆撳，佢哋就覺得係唔尊月重。冇得改，唔夾就唔好見咁多，一年一兩次咪算。

如果屋企人對你好過你老婆對你，咁就同佢講，改唔到就離婚

你講嗰啲所謂基本禮貌就係已經要你老婆接受佢哋啦

做咁耐人都唔明？你眼中嘅關心同送禮物，有冇問過佢想唔想要？如果你畀人逼你要啲唔想要嘅嘢，逼多幾逼，仲要另一半叫你唔想要都笑笑口

都係嗰句，我睇到你係一個好體諒你自己屋企人嘅兒子，但完全見唔到你有體諒你老婆。佢話你父母長氣，你就話改咗，一味否定你老婆嘅感受，仲喺度問點解

你試諗下你返工上司好長氣
你已經唔鐘意佢
就算之後你上司對你好返小小、氹下你
你都已經主觀地睇佢唔順眼
個第一印象or累積下嘅印象係幾難改變

不如試下你自己返去食飯
同老婆講叫佢係屋企休息下
或者講咩唔想你過去食飯又比人哦
今次等我一個人過去幫你頂啦
係老婆面前就企佢個邊
係屋企人面前咪話老婆唔舒服點點點
但又唔好踩老婆 一踩老婆咁兩老就會更憎你老婆
又會有其他問題

其實已經好少見，問題係佢少見都要咁既態度對人…

有幾少？ 你講嘢成日都係咁有保留完全feel到你老婆同你講嘢你係點答佢。

你話3年1次就話啫

我明呀，但係我唔鍾意上司都唔會黑佢面同走去鬧佢，點解呢d咁基本既野都做唔到，一諗到呢d我真係想死

咁L鍾意用自己做標準咁你做乜要開post
所有同你做法睇法唔同嘅都係有問題

定你其實剩係想我哋屌你老婆？

我奶奶都好鍾意拎啲唔要嘅嘢嚟話送畀我
佢送過畀我嘅嘢基本上9成都係我唔鍾意+完全唔會用嘅
例如啲勁花碌碌嘅頸巾同飾物
通常我都係轉頭拎去掉/捐

我老公都唔會話我啲咩，更加唔會因為呢樣嘢而覺得佢咁做係對我“好”

只係覺得老婆成日咁樣走去拎我電話check我同屋人WhatsApp，又走去用我電話鬧人，我好無奈，唔知點算好

做咩要逼佢去？

你兩個相處明顯有問題
佢有嘢唔滿意，你無視，所以佢冇安全感，要自己嚟
唔係話咁係啱，但你真係要諗下點先係尊重返你老婆睇法
你諗下有冇邊次你聽佢講嘢嗰陣，個腦唔係成日著燈想去話“其實唔係咁”
你接受佢啲感受，先再同佢傾返用電話呢個問題咪易啲

搞唔掂最簡單就係去見輔導，搵人同你哋拆掂佢

Btw你都仲係好鍾意講嘢有保留
佢check whatsapp唔係最重點，重點係佢睇啲乜，睇完啲乜會嬲會鬧

至於一齊食飯就真係一年一兩次算
我都唔明點解你係都要堅持一齊食
因為怕你父母哦你？！

點解要驚
我日日煮飯畀佢個仔食，令佢個仔開開心心，又係咪要覺得佢差我人情
佢鍾意咁表達係佢嘅事，我講完多謝，之後掉咗去係我嘅事。

因為佢覺得成件事最大問題係佢老婆黑面，只要佢老婆肯改就一天都光晒