老婆同我屋企人關係好差，點算…

同老婆結左婚差唔多年半，唔知點解老婆好似一直都好唔鍾意佢地。見到佢地會黑面唔出聲，食飯嗰陣低頭玩電話，我父母同佢講野，都係答單字，或者hea答。對我個妹仲衰，平時唔會講野，食飯仲用背脊對住佢。

返到屋企，老婆又會成日偷睇我同屋企人既WhatsApp。仲會冒認用我WhatsApp話佢地。

我本身同屋企人關係都十分好，而家聚左老婆之後就覺得因為咁生梳左，成日覺得對佢地唔住，好不孝咁。同老婆傾過，佢話唔鍾意我父母長氣，唔鍾意我細妹搵我…唔知係咪老婆背景有d特別，自小媽咪死左，無同屋企住，唔識屋企人呢個concept…

我都唔知可以點，返工已經忙同煩，放工放假仲要煩呢d無謂野，有時覺得煩到真係想跳樓乜都唔駛煩…

大家，我應該點做好？

食屎啦 碧咸

離婚

結埋右婚可能會好轉呢？

唔洗跳樓嘅，同老婆deal 吓
例如：開開心心一家人有講有笑嘅話，可以換一個LV袋

唔中意父母長氣都明，點解個妹搵你都唔得

只可以話個格衰我都有遇過呢d人無搵佢佢都要主動去sd msg去話人

佢平日唔使返工？
扮你覆message，人格都好似有D問題wor

不過老婆係係嘅，你直接屌醒佢好過啦

哩D極品記得strong hold呀，唔好放返出黎害人

d格衰撚過港女
極度自我中心

換唔到屋企人就換老婆囉
睇你點揀

無仔女盡早離婚

拎d錢叫雞好過啦

老婆可以換，同血緣親人冇得換

有冇曾經有咩衝突？除咗話佢哋長氣 有冇具體啲嘅抱怨？

我老婆都係, 食飯成日黑面, 十問九唔應, 抱下個孫都EEOO, 佢自己屋企就乜都得,你唔係第一個, 唔駛JUMP

一定有原因
你自己都唔會鍾意俾老豆老母煩
有代溝好平常
叫佢哋講少兩句兩邊平衡返

你老婆細細個老豆開架rolls royce去車佢返學, 點會無家庭溫暖, 全世界都知

點解當初要結婚？
結婚前應該已經要確保嚟點先有得結

唔鍾意我細妹搵我
你條幸福賓周個細妹一定好正

咁多樣 樣樣都有得慢慢改善，唯獨扮你覆whatsapp, 呢樣你真係要認真同佢傾。

人與人相處講緣分，迫唔黎。佢肯唔肯放你出去單獨，同屋企人食飯。肯咪一支公番去囉，最多十次食飯，你自己單拖7次，3次先叫埋佢

之後同佢再慢慢deal. 唔吹水唔緊要，但最低限度要放低電話，俾番基本尊重。但另一方面，你都要提下2老唔好太長氣，有時幫下你老婆駁下咀。舉個例，2老叫佢唔好咁大洗，要儲錢。你就主動做反駁隊：佢已經好慳架啦，無乜點洗錢。

正常老婆見到你有幫住佢，會俾番幾分薄面你

結左婚仲同屋企人一齊住真係會有好多問題，喺你立場你梗係無問題，因為佢地係你家人，相反對你老婆嚟講佢地只係掛名家人，但其實係外人。大家相處到都仲還好，相處唔到嘅關係只會越來越差。不如考慮下兩個人搬出去住啦。

簡單，如果你真係愛你老婆就不要帶佢見你父母妹，否則，離婚吧！

奶好大，又成日著好少布

我地無同我父母一齊住吖，其實佢地已經好少接觸，唔明點解會咁，有時我真係覺得好辛苦…