救左隻狗但最後要罰我錢？

是咁的，事源係我呀哥幫佢一個朋友暫養住一隻唐狗嚟，咁就帶左返屋企養。雖然我哋本身係反對嘅，因為知佢唔係負責任嘅人。但冇啦佢都係拎左返嚟。一直都唔知佢主人幾時拎返佢走就咁就過咗半年多啲嘅時候，突然就話個原主人唔要，但係本身屋企人都唔係好鍾意狗（雖然唔知點解我呀哥應承接返嚟）所以好快就決定送養出去啦。送養果日我就返日冇一齊去，我老豆就負責送佢走。狗狗都大隻同好驚青，咁我老豆就諗住放佢係個籠度直接車走佢。點知佢冇睇清楚門冇鎖實，隻狗狗就衝左出去，走失左搵左幾日。最後發現俾送左去漁濃處，然後就有義工團體就屬左佢走啦。check 過隻狗發現冇晶片，咁個義工就用佢名義入咗個晶片幫佢打針之類，之後就帶走左佢。

但係問題嚟啦，佢話因為隻狗冇晶片，佢用佢名義入咗個晶片，但係義工聲稱因為佢當左個主人角色，隻狗冇晶片而走失左會俾法庭罰佢錢。咁如果有流浪狗又冇晶片又俾漁濃處捉左咁啲義工救親出嚟都要俾人罰錢咪好金？

然後我搵到個義工佢就想我俾返錢佢，但我又驚會唔會係呃錢，就想問下有冇啲類似嘅案件？法庭咁就要罰個義工錢其實合唔合理？就好似我救左隻狗但最後要罰我錢？

Btw 搵唔返前主人 希望各位巴絲可以俾啲建議 我真係為左呢件事好唔開心 唔該曬咁多位

幾多錢
牌照費都係原價80蚊就建議比左佢

或者私人獸醫診所打晶片嘅都係150至300

佢話計罰款可以有4000

好人一生平安。。，

呃錢吓嘛？

就係怕佢呢啲義工係呃錢 所以我都而家都未俾錢

咪比隻狗佢囉，橫掂隻狗又唔係你既，你都諗住送養

80蚊就係牌照費

係俾咗佢架啦 只係佢想收返我錢

係囉，我都唔明，本身唔鍾意隻狗又唔想keep又準備送養
當然唔係話唔負責任係啱，但依家隻狗喺啲義工到又安全又付合樓主心意，有咩問題
除非係佢賣畀人或者隻狗根本就係佢，想拎返又唔想畀錢

咁你咪話你唔係主人囉，叫佢搵返個主人，搵唔到唔關你事

你都戇鳩 又唔係想要番隻狗 比乜撚野錢

建議樓主留狗主同埋自己阿哥資料比個義工，追數

其實你知唔知個義工係用個人名義贖佢出嚟？佢而家要俾人罰錢之餘，亦都要俾人告，隻狗養到咁瘦仲話養咗半年喎。你而家想拎返隻狗，你都係俾啲唔知咩人領養，唔見咗四日，有冇出過post啊？你屋企人唔見咗四日先至話你聽，有幾緊張呀？

當日狗狗係長沙灣差啲俾車撞死，請問你係邊？
幾個熱心市民救狗，好彩又有車房幫手收留，請問你係邊？
佢地再行幾條街幫狗狗搵返主人，請問你係邊？
狗狗最後入咗愛協再轉送去漁農處，個個義工擔心佢會被人道毁滅，請問你又喺邊？
義工自發印海報幫手搵主人，由深水埗貼到去美孚，你又喺邊？
最後義工唔忍心狗狗可能要死，唯有入漁農處扮係主人係自己錯失走狗狗去贖佢出嚟
根據漁護署嘅條例，係會告疏忽嘅主人㗎
你唔清楚可以上網搵資料，唔好話人呃你

疏忽嗰個其實係你呀，承擔責任嗰個都應該係你呀
喺街走失隻狗完全唔覺得你哋緊張囉

真係完全睇唔過眼！！

唔該你同你家人唔好再養狗，累人累物

好心你啦，以為漁護署個牌淨係$80呀？第一，佢而家要孭住兩條罪，自己上網睇啦唔知就，遲啲亦都有機會要上庭，講緊嘅係可能要罰兩千蚊，你係咁緊張嘅不如俾返兩千蚊人哋啦！我真係唔知道唔見咗隻狗四日，長沙灣街坊係咁響Facebook出po搵主人都無人出聲，究竟有幾緊張，而家就走上嚟諗住公審人🙄

但人地明明無諗住要隻狗
本身就係主人走失左佢代養
本身樓主唔執佢 隻狗可能一早就死左
要追係唔係應該追隻狗最原先嘅主人

其實冇義工expect 會收到錢！ 純粹希望有人盡返應有嘅責任！

https://www.pets.gov.hk/tc_chi/proper_care_of_pets/dogs/dog_licence.html#tab_04-collapse

自己睇！

咁係咪應該搵個原主人負責會好啲
同埋真係要拎錢唔係等個官判左
真係要比 比完之後先claim返㗎咩
一黎就問人拎錢先好難怪人覺得你地係咪呃錢㗎喎

留名睇啲柒頭衝出黎話義工收一蚊都係大生意

咁我都好想知樓主點解覺得係俾人呃錢？

我覺得合理做法就係事前傾掂數可以
但而唔係未審就拎定錢先
首先義工真係上到庭都可以辯解唔係狗原主人
到時睇個官覺得要唔要罰錢同埋罰幾多
到真係塵埃已定拎住張傳票claim樓主會唔會合理啲
而家拎定預計會罰既錢先
如果最後無罰咁點？退返比樓主？

當然樓主需唔需要負責比呢筆錢就睇你點睇
如果我係樓主會比嘅 始終隻狗就算唔屬於樓主 但唔見左係樓主疏忽
但真係良心問題 如果要以「主人就要負責任」去睇 咁應該係追原主人

如果佢肯承諾會負責任，我相信義工們可以之後實報實銷！
但而家佢係想公審人在先囉！！