唐狗bb有分離焦慮症點算好

買啲狗狗益智玩具，例如塞啲狗狗食既花生醬入去Kong漏食球，或者塞啲零食入嗅聞墊，等佢專注搵野食。

啲屎會排出體外的

食返啲屎榨盡佢嘅精華

但我隻得5個月要至6歲先唔不安？

唔好同佢一齊瞓

冇啊 夜晚分開訓佢都冇事
唔知點解就係屋企冇人就唔得

去獸醫到配d 令佢冷靜既藥，你同個獸醫講有隻新狗 暫時未適應新屋企，但屋企有時會冇人隻狗會有好大反應，叫佢可唔可以開d 藥俾佢冷靜下。

當然唔係叫你長用，你要一路同佢做放鬆既練習，一路有需要出街就食藥（等隻狗慢慢適應），建議頭一個星期每日食，之後第二個星期開始慢慢減量，我隻狗新養個時都係咁，佢岩岩黎個時又狼叫，又搵野咬，又抓門，加油

我個時仲有配合埋上面個幾個方法，至於放鬆訓練你自己上網search 下點做，總之都係正向訓練既一種。

多謝分享可唔可以知道當時你狗狗食咗幾耐先可以適應到自己一個？

我個時請左一星期假係屋企陪佢，由一開始出門5分鐘，練到一兩粒鐘（唔使食藥），第二個星期我已經直接返工（食一粒藥）, 講漏左出門口前要準備佢鐘意既玩具（要平時冇得玩，你走先有得玩eg.木，毛公仔whatever)，同聞嗅遊戲俾佢玩，聞嗅遊戲詳情自己search

有集Eric Kon教用個籠/ 圍欄圍住佢 等佢有返啲安全感
不過隻隻狗唔同性格 都係試

而家出去都係圍住咗佢但佢都係放鬆唔到咁

唔好太溺愛啦 好大機會係咁

係果陣係佢6~7歲我地屋企裝修，租左間唔比養狗既屋暫住，對佢黎講新環境冇安全感，每次返工出街，都嘈勁耐幾驚比人投訴，出個街食一個鐘頭飯返到黎重慘叫緊
好彩有個屋企人唔洗返工，可以經常陪佢

你要珍惜佢咁有活力既時候，其實一隻狗咁需要你都係值得開心既事，只要你唔怕佢煩你同佢都會慢慢平衡到

買聞嗅墊或者一啲益智遊戲，臨出門口比佢玩下
同埋比kong佢玩

我隻狗而加係我地去街佢會瞓覺
反而係屋企關門唔可以太耐
唯有要關門時就比啲有食物嘅遊戲佢玩

而家狗狗兩個月大 仲要浸濕啲乾糧比佢
入落 Kong 度係唔係應該都漏到出嚟呢 幾間寵物店都無 for puppy 嘅 Kong 咁

收好貴咩

如果喺屋企入面入房閂門佢唔會不安 咁就試下準備平時真係出街嘅狀態 換衫換出街鞋(著對新鞋做訓練) 但入房做自己嘢 閂門幾個鐘出面淨返佢一個 + 入廁所閂門 屙下屎又好 撳下電話都好 總之著到同真正出門口一樣 但係就留喺屋企 所有門都試下入去幾個鐘唔出嚟 如果佢喺屋企房門外都會不安嘅話呢就喺屋企自己啲門度試下時間短啲先啦 出出入入咁樣啦 每個門都試下唔係淨係用大門口

如果你係想你真正出門口嘅時候佢要留喺圍欄入面嘅話 就要平時你喺屋企入面佢都要喺入面 習慣見到你又好見唔到你都好佢都要留喺圍欄 唔好等佢覺得一入圍欄你就消失

做訓練嘅時候就係佢喺欄入面閂住佢 你換衫換鞋拎袋喺自己屋企所有房度出入(時間自行控制呀五分鐘到幾個鐘) 如果佢冇反應嘅話就留喺房多幾個鐘都冇問題總之同佢減少接觸 各自有me time

你唔好喺佢有要求想你摸想你理佢嘅時候你滿足佢 你要喺佢唔留意你嘅情況之下 你做主導權 你想 先至叫佢/摸佢

如果想喺屋企玩嗰陣就放佢出嚟同佢每次玩半個鐘又好之後就入返圍欄

你同佢出嚟玩嗰陣呢就可以係咁讚佢呀同佢心情一齊興奮呀
出街玩嗰陣又係同佢一齊心情好高漲呀 但係佢喺圍欄入面呢就大家都保持平靜 圍欄就係休息地方 等佢習慣同你真係互動玩嗰陣先至興奮

正常齊曬針 每日出兩三次街 你朝早出門口之前放佢廿分鐘就可以 最好就夜晚嗰轉放一至兩個鐘或更多 如果佢肯散步嘅話就一日散步一日去下狗公園等佢樣樣都接觸下 總之就每日都出街啦 要做到個狀態係佢返屋企就會想自己休息 佢休息幾耐唔緊要但係唔可以返到屋企仲即刻紮紮跳 佢可以好快叉完電但係佢一返到屋要係想抖嘅 要夠活動量 喺屋企玩永遠唔夠出街跑攰 肌肉要係喺街度先可以建立到 除非你屋企有花園呀好大啦 你又有長時間同佢玩啦

改善行為係用 習慣法 所以時間一定係長 你要每日都比佢更加有耐性

純粹分享下
我嗰隻見到我地準備出門口（著褸著鞋揹袋）就會開始吠，邊跑圈邊吠
試過出門口前俾漏食玩具佢玩分散注意力
但佢玩到中途都會俾佢發現到有人要出門口然後繼續吠
不過有到好嘅係一聽到閂門閂鐵閘聲就會唔吠 成隻狗Calm晒（我地覺得佢覺得人都走左吠黎都晒9氣）
去街幾個鐘返到黎見到佢訓到死豬咁有人入屋都唔吠唔叫
利申: 6個月哥基