唐狗bb有分離焦慮症點算好

狗籠，為隻狗好，請學用狗籠

睇錯唐氏BB

日本人打狗.gif

唔好癲，叫到你頂唔蒲。唔係吠嗰種，係嗚嗚嗚咁叫

你都出左街 鬼聽到咩

你拎你d 衫呀 襪呀（未洗）公仔
總之有你浸除ge 放喺佢嗰籠/床仔度
同埋唔好次次佢搵你你都要理佢

你試過就知，放入去就嗚，以為佢有事嗰種，點出街啊

嗚多幾次冇野

籠內訓練，將個飛機籠打造成佢食野同訓覺休息既地方
一開始扔零食入去，比佢出出入入習慣左，可以試扔野食入去關門一陣，如果佢感覺舒服，可以逐漸增加時間。

遲下你出門唔多過3個鐘就可以放佢係入面，佢會有安全感好多。如果要出去太長時間，就唔好關住佢喇，照開放個籠比佢休息。有個有安全感既地方休息，會令佢有安全感好多。

另外可以放d你著過既衫褲比佢，都會令佢安心d,減少分離焦慮。

唔好比佢覺得籠係困住佢既地方
同埋train 狗唔係一日兩日就會成功
少側兩個星期，多側幾個月都有，
但比d耐性，最後都會成功既

想睇狗BB圖

每次出入大門唔吠唔喊之後有冇獎勵佢

請佢幾錢？

你有無殊！佢啊

有啊 但只要見到人出門口佢連野都唔食
即刻勁緊張 零食都唔理啊

而家第二個禮拜
夜晚訓覺會入圍欄 日頭有人就會放佢周圍走
佢好乖第一日就識痾啱位

每個家庭都唔同，同你分享下我自己狗狗嘅個案：

首先，分離焦慮係常見嘅，特別係武肺之後領養嘅狗狗（以前家長wfh日日可以喺屋企照顧，到而家要翻工同狗狗冇咁多見面機會），你唔好太擔心住，因為可以訓練改到嘅。

1）出街前半個鐘放狗
我狗狗一開頭都係，我哋屋企嘅人一落街，佢就會搵野搞搵野咬，主要原因係佢仲未眼訓，仲有好多精力。所以你可以喺你出街之前帶佢出去行次街，唔使長，15至20分鐘就可以，畀佢聞下，用下腦。呢個方法9成可以減少佢喺屋企搞亂當。

2）出街前餵飯
另外，人同狗一樣，食完飯就會飯氣攻心，需要休息。所以，你又set佢食飯時間喺你出街之前，食完飯，屙完poopoo，佢就會乖乖哋瞓。

3）出街前後唔say hi/bye
做完以上嘅steps之後，出門口前唔好同佢有咩特別摸摸定say bye bye。

4）裝cam觀察
屋企觀察住做完以上嘅野之後佢係咪好咗同埋靜到幾耐，再自己調整。以前我狗狗係3-4個鐘之後就可能會浮躁，大咗之後(而家2歲), 而家可以6-7個鐘自己喺屋企都唔會搞亂檔～
**用cam要注意，我狗狗聽到我把聲反而會confused，就可能會開始吠，所以自己要留意用唔用呢個功能

希望幫到你!!
狗bb係要畀多啲時間去適應，唔好太擔心! 俾多啲愛，同佢做多啲訓練啦～

唐仔

真極端情況仲會自殘

試緊平時對佢冷淡啲 等佢唔好咁依賴人

On9 ， 你都識講5個月大的bb , 佢要安全感有幾出奇

你要做一個有儀式感既動作俾隻狗知道你出去一陣會返
我隻就係餵佢食一粒零食 再講拜拜
慢慢增長離開個時間
唔可以佢一叫就入屋

其實越嚟越大就會適應 反而應該唔好俾佢太依賴你 大部分狗都係瞓下又過一日 或者買啲收埋嘢食嘅玩具俾佢分心下
最緊要收埋啲緊要嘢 佢哋悶起嚟又要磨牙 乜都可以咬爛
利申養唐狗3年 BB養起

多謝你啊 好詳細嘅分享
除咗第1點之外其他都有做緊 會繼續訓練