肺癌化療冇用 + RET 標靶藥 (Selpercatinib) 貴到冇錢食

有冇試過上香港大學深圳醫院度問？
睇吓會唔會平啲

睇嚟你都幾多誤解，食標靶藥係可以好轉返，有啲case真係行得走得唔使點照顧。同埋話你on9係cancer係無乜根治嘅可能，復發先係正常，但唔完全係因為生活習慣，你上面blame樓主老母生活習慣唔好只係話俾人聽你無知。

再者，到你有事先知有冇人肯使五皮一個月幫你醫病，祝你唔需要人哋果五皮啦。

問間公司咪知

誤你老母解
生活習慣差就梗你係香港邊有人係好
Cancer完全唔係無乜可能根治
而係任何時候身體都病變緊差在你回唔回復得到
5皮一個月去醫點解唔係每年拎5皮去食好啲住好啲

醫生mark up 200% 大有人在

啱，你啱，有cancer都係生活習慣唔好，cancer好唔返都係佢哋廢。
你啱

見到有人都各有意見..
我都明有人會話我自私, 延長呀媽既痛。
其實都係果句, 希望盡左力, 標靶個人副作用唔大...食完有用, 就考慮錢點解決...食完冇用，都叫冇令佢點受多左苦....化療就肯定唔會再用嫁啦

我見到中國有人係食, 有贈藥計劃。但係要中國身份証先有...which is受惠唔到...

開呢個POST本來想睇下有冇差唔多既病人都係咁....唔係想引起安樂死之類既罵戰

醫生真係好邪惡

加油

我有親人都食緊肺癌標靶
4萬幾蚊一個月
已經食緊第5年，行得走得，癌細胞指數仲細咗

其實係kind of 買個希望，就算食標靶藥都唔保證控制得到。當然，盡咗力就好，同埋都要關注病人同屋企人嘅情緒，照顧者同病人都會好攰，多啲俾照顧者休息甚至放假。同埋喺有限時間製造多啲美好回憶，就算有一天病人要走都唔會太傷感。

所以咪要做research 睇下邊度同有咩手續

講d題外話
最緊要係你問番啊媽想唔想醫, 想唔想你地洗咁多錢醫
呢d cancer case好多時侯都有一個盲點, 就係身邊既人往往好想付出做好多野, 有d係真心放唔低一個親人, 有d係為左比人睇到我做左好多野盡哂孝道盡哂親情, 但係好多人忽略哂當事人自己既意願, i.e. 買好多藥/補充劑/偏方, 就算當事人唔想都係咁說服當事人食
所以醫定唔醫, 要點醫, 當事人意願同共識係曼緊要
再者, 生老病死係必然, 有人突然就死, 有人病一輪先死
突然就死既人係幸福既
病一輪先死既人, 佢身邊既人都係幸福既, 因為有時間去上好呢課, 大家一齊去準備接受死亡, 可以少好多遺憾
最後過來人會同你講, 盡力而為, 唔好賣樓按樓借錢去做呢件事, 因為現實係殘酷既, 生者都要好好生存, 唔諗自己都要誋下自己仔女, 未結婚既都要諗下自己未來既家庭, 除非你唔打算結婚既又冇人冇物啦
有時做唔到一d野就係做唔到, 只能夠怪冇好好準備, 又唔夠實力, 係要認命既

Cancer 有得醫喎，係睇下有冇錢咋嘛，我屋企人3星期打一次針，一針 40000
而家第6年，體力冇乜影響

以為你講佢移民咗去英國威爾斯

我都估到我既言論一定勁多人屌架啦，啲人未經歷過唔知姐

呢刻未去到最懷情況，我相信你同屋企人都抱有希望去面對。當然係好事啦。你負擔到（講緊係精神同經濟兩方面），而病人仲有心力去打呢場杖，咁博盡緊絕對無壞。

但我意思係，你都要為最壞情況準備定。 假設最尾乜成效都無，你而家做定安樂死呢手準備，起碼佢到時想走可以舒服啲咁走，而唔係日日捱辛咁等。 因為呢啲野係要襯個病人仲行得走得果時準備，好多都要專登飛去外國做interview見醫生，行一輪程序先得。而唔係想死果下即刻去就做到。去到病人真係想死果下先諗其實已經搞唔切。

我唔係隨口講，我老母就係確診cancer末期。起初全家人都仲抱有希望，心諗反正我地有錢醫。但最尾洗左過百搞完一輪落黎，無好轉到仲繼續擴散到周圍都係。做過晒電化免疫食過晒中西醫，中間因為拼發症，連手術都做左兩次。後尾個身體弱到連藥都已經唔適合打。 即係基本上已經宣布死硬。日日辛苦住等死其實無意思，盞個病人同照顧者都辛苦。

你自己唔想啊媽繼續生存，都唔好咒人地啊媽死啦

對唔住，大家
係我錯 ，十分抱歉

對唔住，我唔應該咁講
求原諒

對唔住

佢地一般唔會介紹彷製藥, 醫好最多一聲多謝, 醫唔好就隨時比人投訴

你想搵平藥要靠自己做 research, 好多藥係土耳其定價低好多, 如果都係食唔起就考慮下印度翻版

我有朋友屋企人要增加血小板嘅藥, 香港一個月藥費要36000 (政府醫院已經有補助), 後來佢去買土耳其水貨, 一個月得13000

如果你想賭一鋪，外國翻版幾千蚊有交易

研發成本唔係錢吖

請問印度，孟加拉藥係香港或大陸有機會買到？
定係要上網問間藥廠， 問佢可唔可以直送香港？

唔會有藥廠肯直接賣比你, 佢地國家一樣有法例限制D藥唔可以亂賣

若果你真係有需要, 可以走去問下相熟嘅藥房, 佢地通常會有渠道訂到

不過我會建議有能力就買返香港行貨, 起碼有咩野問題有得投訴。真係買唔起就先搵下外國水貨, 起碼都叫同一間廠出品, 只係賣去唔同國家。印度/孟加拉藥只會排係最後

留個tg，或者幫到你係大陸買到