PhD 過來人分享心得(13)+集中討論區

社會學家 · 2023-12-23T22:29:11+08:00

歡迎大家返嚟由小弟社會學家 Host嘅版本學海無涯回頭是岸！！！問嘢前記住睇晒置頂先！！！嚴肅地提醒各位新人絕對唔可以問人哋幾時畢業/出文/寫成點/咩進度/有乜打算如果唔係人哋崩潰狂喊都唔知點搞提示：本Post特色之一為每個回覆皆有專人負皮相信用意在於鞭策勉勵各人精進研究另外想為咗事業而攞博士頭銜嘅朋友請自行去睇DBA/EdD/EngD/學店買頭銜 FAQ: Q1. 呢個系列嘅post大概包括乜嘢？ A1. 成個系列包括所有同Postgrad research相關嘅資訊，例如：MPhil、MRes、MA dissertation、PhD、Post-Doc、TT track、Research group。 Q2. 我想呻吓做research嘅事/講吓見聞可唔可以？ A2. 呢度連登嚟，你想自爆貼學生證都冇問題。 Q3. 我有興趣讀Postgrad應該點做？ A3. 第一件事係學識問問題同自己search相關資料，搞清楚自己想知乜嘢先。如果想讀上去又懶，咁基本上俾你讀到都未必畢到業。 Q4. 咁點樣問嘢最好？最有效率？ A4. 可以的話就提供以下資料，令大家想幫你都易少少：Undergrad讀咩？Research interest? 想讀乜嘢，MA/MPhil/PhD？想喺咩地方讀？ Q5. 讀Postgrad會唔會有利事業發展？ A5. 好多人都入嚟問係唔係讀咗Pg，之後就有光明嘅前途同發展。要澄清嘅係，讀Pg係唔保證有光明嘅未來同事業發展。甚至有唔少人會讀嘅中途Drop out，或者畢唔到業。Pg尤其係research方向嘅，主要係追求知識同knowledge transfer，如果閣下打算讀Pg嚟去追求事業，個事業又同學術冇乜關係，奉勸閣下打消呢個念頭。 Q6. 點解成日都唔建議喺香港讀Pg research，尤其係PhD? A6. (香港嘅Pg research通常我哋會叫做土炮) 香港學術界資源同國際上其他地區相比之下實在太少，而且香港畢業嘅PhD，要喺香港搵返相應嘅大學教席極之困難，所以通常冇人會建議喺香港讀。 Q7. 咁如果出國讀嘅話會建議去邊？ A7. 視科系同research interest而定，但普遍會建議去美帝讀。一嚟係大部份Top school/scholar都喺美帝。二嚟係根據其他巴打經驗，喺美帝畢業去其他國家工作比較容易，但其他國家畢業要去美帝工作比較困難。 Q8. 選擇去邊度讀嘅時候乜嘢因素比較重要？老細(Supervisor) 定係學校排名 ? A8.1 選擇去邊度讀好難一概而論，但基本原則係老細係你會跟住最少三四年嘅人，如果你嘅老細好差你嘅生活會好慘。另外就係你老細嘅人脈同資源，好大程度上會影響你讀嘅體驗，包括多唔多外出交流機會，出嘅文citation多唔多。至於學校排名當然係可以高就高啦，有頭髮邊個想做熾哥。 A8.2 實際操作建議根據想讀嘅Field去搵相應嘅Subject Field ranking，然後報讀Top10/20嘅Program。而唔係單純地用整體嘅學校ranking做標準，道理就係假設MIT世界第一，但你都知讀Law唔會係去MIT。 Q9. 讀Taught Pg可唔可以讀PhD？有冇用？ A9. 其實想讀PhD嘅話係唔需要特別讀Master level嘅，可以直接搵老細apply PhD。讀Master level嘅主要原因多數係想儲多少少Research exp同人脈用嚟讀上去。當然都有學校(主要係歐洲)會要求有Master qualifications。而Taught Pg嚟講，對apply PhD冇直接幫助。不過如果係轉field嘅話，讀TPg就有少少用嘅，因為未必個個都有有足夠信心直接洗濕個頭讀PhD，TPg最少可以幫你打一打底，補返field內嘅嘢。同埋用呢段時間確認吓個決心，加上趁後生讀多啲書就算唔行research 都多個學歷，係要燒時間同錢啫，自己衡量下啦。有決心嘅直接洗濕個頭最好。重要提示：想搵錢嘅話唔好做教育唔好讀Research PhD都唔係「讀」的，唔好用讀書嘅心態做研究生。小西毒巴打寄語： PhD 過來人分享心得 https://lih.kg/2939652 PhD 過來人分享心得(2)+集中討論區 https://lih.kg/2941020 PhD 過來人分享心得(3)+集中討論區 https://lih.kg/3033472 PhD 過來人分享心得(4)+集中討論區 https://lih.kg/3076442 PhD 過來人分享心得(5)+集中討論區 https://lih.kg/3129096 PhD 過來人分享心得(6)+集中討論區 https://lih.kg/3139418 「精選回覆 by HSBC巴打」 #135 https://lih.kg/xRNguKX PhD 過來人分享心得(7)+集中討論區 https://lih.kg/3151933 PhD 過來人分享心得(8)+集中討論區 https://lih.kg/3184191 「精選回覆」 #282 https://lih.kg/ypmvdfX #310 https://lih.kg/ypmvdJX #530 https://lih.kg/ypmvjbX #670 https://lih.kg/ypmvnqX #854 https://lih.kg/ypmvrGX PhD 過來人分享心得(9)+集中討論區 https://lih.kg/3258901 「精選回覆」 #127 https://lih.kg/3258901 #881 日本京大黑歷史 https://lih.kg/3258901 PhD 過來人分享心得(10)+集中討論區 https://lih.kg/bxgkjCU 「精選回覆」 #440 日本PhD Brief guide PhD https://lih.kg/zvECxAX #486 PI巴打談收PhD學生著眼點 https://lih.kg/zvECyEX #512 PI巴打談學術心態 https://lih.kg/zvECzoX #516 PI巴打再談學術心態 https://lih.kg/zvECzsX PhD 過來人分享心得(11)+集中討論區 https://lih.kg/3417707 「精選回覆」 #342 優先坐優先座巴打心靈雞湯 https://lih.kg/AfopJoX #623 時事台神學士巴打論香港研究人才 https://lih.kg/AfopQaX #629 HSBC巴打教路如何問好問題 https://lih.kg/AfopQgX #848 中式集團運作模式 https://lih.kg/AfoqdqX PhD 過來人分享心得(12.1)+集中討論區 https://lih.kg/3520242 「精選回覆」 #158 學術界CV要點 https://lih.kg/AOmoeuX #364 捱過PhD之必要心理準備 https://lih.kg/AOmojqX #430 面對老細要堅持己見(有理據） https://lih.kg/AOmokPX #570 CLS E-mail to Prof分享 https://lih.kg/AOmopmX #609 醉後不知天在水巴打受讀書組震撼教育 https://lih.kg/AOmoqiX #730 ErikErikson巴打報PhD歷程 https://lih.kg/AOmotdX