第九章：無間地獄 (2) 註解
#1：喺原時空，ARBEIT MACHT FREI 呢行字被鑄喺奧斯威辛營門口嘅鐵閘上面；出於劇情需要，本時空嘅白堅盧營門前同樣有呢行字
#2：樓豬唔想浪費更多時間研究二戰英軍軍事術語，所以求其搵啲原時空現代美軍嘅頂住先，最緊要表達到個意思啫
#3：本段出場人物之所以全部用中文名，係因為啲名全部都係彩蛋；佢哋當中有虛構人物，亦都有被蝴蝶效應改變命運嘅歷史人物。除咗上一章開咗估嘅許德禮之外，估中邊個打邊個嘅話會有獎
[平行時空] 伴遊正傳 (暫名) 第一季 - 跟我去開展驚世故事 (重開)
人盡崔可夫
82 回覆
9 Like
0 Dislike
Trigger Warning：以下內容，涉及有關種族滅絕嘅描述，敬請連登仔留意。
第九章：無間地獄 (3)
(Tonya 視角)
2012 年 8 月
波蘭第三共和國，小波蘭省，奧斯威辛鎮
奧斯威辛-白堅盧國立博物館
「“Arbeit macht frei”，勞動帶來自由。喺我哋面前嘅呢塊牌應該係最出名嘅，但其實喺大部份集中營嘅門口你都會見到...」同我一樣都係歷史系出身嘅導遊 Bob 哥非常用心地介紹。
我後來從 Noosa 口中得知 Bob 哥大我哋兩年，啱啱喺華沙大學讀完碩士，嚟緊開學就會去牛津讀博士，趁暑假冇嘢做過嚟博物館做導遊賺下外快。
至於佢點知的...
😉
Anyway，Bob 哥係個好好嘅導遊，各種資料同埋大小人物故事都可以深入淺出地講到普通遊客都明。
「我哋而家身處嘅呢塊空地，就係囚友日日做 roll call 嘅地方...」
當然啦，小妹唔係普通遊客，無論係聽阿爺講故定係睇歷史書都叫做對集中營有少少認識，所以今日嘅計劃主要係影下相同埋親身感受下呢個遺臭萬年嘅地方。
Bob 哥嘅解說... 留返俾 Noosa 呢挺迷妹慢慢細心欣賞啦。
Teehee。
Ahem，返返嚟先。
奧斯威辛集中營其實係有成個體系，只不過導賞團時間有限，今日只會參觀到相隔幾公里嘅第一同第二期。一期以前係波蘭陸軍軍營，第二共和國戰敗後被改為戰俘營；之後納粹德國啟動「終極方案」，呢度就成為初代嘅集中/勞動營。由於營區本身嘅設施唔足以應付大量湧入嘅低端人口 - sor，「低等民族」(Untermenschen) 至真 - 黨衛軍後來起咗佔地較大、設施亦比較齊全嘅二期，亦即係阿爺、(後來嘅) Sir Ian 同埋 Fox Team 首先發現嗰度。
「入到室內之後係可以影相同埋拍片嘅，但麻煩請保持肅靜...」
一期四座同埋五座本身係營房，而家改建成為展覽館。四座入面嘅展品比較著重資料性，例如地圖以及統計數字等，仲有就係集中營特遣隊 (Sonderkommando) 偷偷影低嘅相、大型焚化爐同埋 Zyklon B 毒粉嘅模型，加上一堆用完嘅毒粉罐。
(地圖)
(統計數字)
(特遣隊偷拍)
(焚化爐模型)
(Zyklon B 毒粉)
(毒粉罐)
第九章：無間地獄 (3)
(Tonya 視角)
2012 年 8 月
波蘭第三共和國，小波蘭省，奧斯威辛鎮
奧斯威辛-白堅盧國立博物館
「“Arbeit macht frei”，勞動帶來自由。喺我哋面前嘅呢塊牌應該係最出名嘅，但其實喺大部份集中營嘅門口你都會見到...」同我一樣都係歷史系出身嘅導遊 Bob 哥非常用心地介紹。
我後來從 Noosa 口中得知 Bob 哥大我哋兩年，啱啱喺華沙大學讀完碩士，嚟緊開學就會去牛津讀博士，趁暑假冇嘢做過嚟博物館做導遊賺下外快。
至於佢點知的...
😉
Anyway，Bob 哥係個好好嘅導遊，各種資料同埋大小人物故事都可以深入淺出地講到普通遊客都明。
「我哋而家身處嘅呢塊空地，就係囚友日日做 roll call 嘅地方...」
當然啦，小妹唔係普通遊客，無論係聽阿爺講故定係睇歷史書都叫做對集中營有少少認識，所以今日嘅計劃主要係影下相同埋親身感受下呢個遺臭萬年嘅地方。
Bob 哥嘅解說... 留返俾 Noosa 呢挺迷妹慢慢細心欣賞啦。
Teehee。
Ahem，返返嚟先。
奧斯威辛集中營其實係有成個體系，只不過導賞團時間有限，今日只會參觀到相隔幾公里嘅第一同第二期。一期以前係波蘭陸軍軍營，第二共和國戰敗後被改為戰俘營；之後納粹德國啟動「終極方案」，呢度就成為初代嘅集中/勞動營。由於營區本身嘅設施唔足以應付大量湧入嘅低端人口 - sor，「低等民族」(Untermenschen) 至真 - 黨衛軍後來起咗佔地較大、設施亦比較齊全嘅二期，亦即係阿爺、(後來嘅) Sir Ian 同埋 Fox Team 首先發現嗰度。
「入到室內之後係可以影相同埋拍片嘅，但麻煩請保持肅靜...」
一期四座同埋五座本身係營房，而家改建成為展覽館。四座入面嘅展品比較著重資料性，例如地圖以及統計數字等，仲有就係集中營特遣隊 (Sonderkommando) 偷偷影低嘅相、大型焚化爐同埋 Zyklon B 毒粉嘅模型，加上一堆用完嘅毒粉罐。
(地圖)
(統計數字)
(特遣隊偷拍)
(焚化爐模型)
(Zyklon B 毒粉)
(毒粉罐)
喺Yad Vashem睇過呢d之後，完全唔想再睇一次，尤其是呢幾年越嚟越多跡象顯示，香港人好快會踏上德國猶太人嘅後塵
喺Yad Vashem睇過呢d之後，完全唔想再睇一次，尤其是呢幾年越嚟越多跡象顯示，香港人好快會踏上德國猶太人嘅後塵
幸運嘅係，本時空嘅香港絕對冇可能走上呢條路；同樣幸運嘅係，本時空猶太人嘅處境比原時空好好多；淨係奧斯威辛早幾個月被解放已經死少好多人，其他嘅... 留返嚟做搵到彩蛋嘅獎品
第九章：無間地獄 (完)
(Artie 視角)
1944 年 11 月 22 日，上晝
德佔波蘭，卡確夫大區，奧斯威辛鎮
Artie 自細已經被家人、朋友、老師、教官、上司以及下屬形容為一個擁有鐵石心腸嘅冷血動物。呢種喺任何狀況下都能夠處變不驚嘅特質令佢成為一個優秀嘅美國海軍軍官；亦因為咁，流亡英國後佢好快就被招攬加入 MI-6 特勤處 (Special Operations Executive)，長期喺敵後執行各種情報蒐集任務。
但即使行動前已經反覆研究過所有同集中/滅絕營相關嘅情報，做足晒心理準備，再加埋佢本身嘅性格特質，嚟到現場嘅 Artie 依然倒抽一大口涼氣。
喺 Fox Team 沿住火車軌向營區內部推進嘅同時，陸陸續續有人步履蹣跚地喺殘破嘅營房入面行出嚟。無一例外，行出嚟嘅人全部骨瘦如柴，身上晾住薄到不堪嘅長袖囚衣，眼神空洞而渙散。
「多謝~ 多謝你哋~」有啲攬到 Fox Team 士兵實一實然後嚎啕大哭。
「救下佢吖，求下你哋救救佢吖~」有啲就扶住或者抱住行唔到路嘅囚友過嚟，嘗試搵辦法幫佢哋。
面對呢個地獄般嘅景象，Fox Team 能夠做嘅非常有限；佢哋身上能夠除落嚟嘅嘅冬天衫已經分晒俾最虛弱嘅囚友，有限嘅乾糧同埋飲用水亦好快派晒。
唯一可以做嘅就係樹窿。
「... 年前俾德國佬捉咗入嚟，之後就冇再見過屋企人...」羅兆德中士同埋 Ian 兩個透過波蘭翻譯華 Dee 聽緊一個原籍利霍夫嘅囚友講自己嘅故事。
「... 好彩艘船仲有位，送得切老婆同兩個女上船去以色列...」原籍法蘭克福 (蔓茵河畔) (Frankfurt am Main)、後來為咗逃避納粹統治而舉家搬到阿姆斯特丹嘅囚友 Otto 同 Artie 加埋潘上尉講。
另一邊廂，英文唔太好嘅甘文諾同埋霍朗恩兩位下士就將被隨處擺放嘅屍體逐件整齊地放喺路旁，準備等 on the way 嚟緊嘅隨軍牧師做埋聖禮先至再處理。
一陣強風吹過，Artie 同 Otto 兩人同時打咗個冷震。
「Sir！」呢個時候，伯苓同埋文少佢哋幾個 rejoin 返大隊。「QRF 到，入緊嚟！」
話音未落，Artie 已經見到一大隊戴住紫紅貝雷帽嘅英軍傘兵由閘口走入營區。同頭先嘅 Fox Team 一樣，佢哋面上嘅表情都係錯愕、震驚同埋憤怒嘅 combo。
「唐以達，C/2/OBLI。」帶隊嘅軍官 - 牛津郡及白金漢郡輕步兵團第二營 C 連連長 - 自報家門。
「潘偉誠。」「許德禮。」「費倫銘。」Fox Team 最高 ranking 嘅三個輪流同唐上尉握手。
「愛爾蘭衛隊仲有 40 分鐘先到，有咩需要幫手？」雖然大家都係同 rank，但唐以達知道 SAS 嘅含金量點都高過步兵軍團 (即使 OBLI 已經轉咗做機降兵)，再加上 Fox Team 對現場環境比較熟悉，所以選擇 offer 幫手而唔係一嚟就撻軍階嘗試接管現場。
「營區 office 喺小鎮另一邊，我哋轉頭就過去搜查。呢邊冇晒守衛架喇，可以開始救助囚友。禦寒衣物、水、食物，總之你諗得到嘅物資佢哋都需要。」
「Okay 冇問題，咁我哋 take over 呢邊先。Jack！帶你班手足...」唐上尉接管現場指揮權後就開始分派任務。
「Fox Team，on me！」潘上尉召集返佢嘅人馬。
Artie 同 Otto 互望一眼，然後莊重地握握手。
「Danke schön，Herr Heydrich。有緣再見啦。」
「嗯，有緣再見。Auf wiedersehen，mein herr。」
講完之後，Otto 慢慢趷返本來住緊嘅營房。
Artie 望住佢嘅背影，長嘆一口氣，然後靜靜地跟住 Fox Team 離開白堅盧營。
--------
(上帝視角)
1944 年 11 月尾 / 2012 年 8 月頭
喺唔同時空經歷完奧斯威辛-白堅盧集中營嘅兩位許家人以及佢哋嘅朋友都不約而同地選擇搵酒飲。
圓滿完成任務嘅 Fox Team 獲得三日嘅 leave pass。全隊人第一時間將一間維也納酒吧飲到乾塘，然後先一邊 hangover 一邊遊山玩水。
當晚，被酒精擊倒嘅 Artie 發咗個夢；喺夢入面，佢同一堆高官喺一個水清沙幼嘅湖畔莊園開會，有講有笑地一路享受美酒佳餚，一路討論點樣清理全歐洲嘅垃圾低端人口。
「呀！」扎醒咗先發覺原來瞓瞓下碌咗落地板。
去廁所洗洗塊面之後，佢就爬返上床繼續瞓。
--------
68 年後，參加完鴨仔團嘅 Tonya 一行人返到華沙之後同樣馬上去咗 Centralna 隔籬嘅一間酒吧食宵夜，然後都係飲酒；不過佢哋係 farewell party，因為過兩日就係閉幕禮，之後大家就要各散東西。
當晚，被酒精擊倒嘅 Tonya 發咗個夢；喺夢入面，佢喺布拉格街頭坐住架開篷 Benz 返工，突然間有兩條友衝出嚟，一個想開槍但係卡彈，另一個就丟咗個公事包過嚟。
BOOM！
個公事包原來係炸彈嚟，一嘢就炸到佢不省人事。
然後，就沒有然後了。
「呀！」佢扎醒嘅時候已經係第二朝，唔知點解已經返返奧運村自己張床上面。
仆街，又試斷片。
好彩，又冇俾人溶。
(Artie 視角)
1944 年 11 月 22 日，上晝
德佔波蘭，卡確夫大區，奧斯威辛鎮
Artie 自細已經被家人、朋友、老師、教官、上司以及下屬形容為一個擁有鐵石心腸嘅冷血動物。呢種喺任何狀況下都能夠處變不驚嘅特質令佢成為一個優秀嘅美國海軍軍官；亦因為咁，流亡英國後佢好快就被招攬加入 MI-6 特勤處 (Special Operations Executive)，長期喺敵後執行各種情報蒐集任務。
但即使行動前已經反覆研究過所有同集中/滅絕營相關嘅情報，做足晒心理準備，再加埋佢本身嘅性格特質，嚟到現場嘅 Artie 依然倒抽一大口涼氣。
喺 Fox Team 沿住火車軌向營區內部推進嘅同時，陸陸續續有人步履蹣跚地喺殘破嘅營房入面行出嚟。無一例外，行出嚟嘅人全部骨瘦如柴，身上晾住薄到不堪嘅長袖囚衣，眼神空洞而渙散。
「多謝~ 多謝你哋~」有啲攬到 Fox Team 士兵實一實然後嚎啕大哭。
「救下佢吖，求下你哋救救佢吖~」有啲就扶住或者抱住行唔到路嘅囚友過嚟，嘗試搵辦法幫佢哋。
面對呢個地獄般嘅景象，Fox Team 能夠做嘅非常有限；佢哋身上能夠除落嚟嘅嘅冬天衫已經分晒俾最虛弱嘅囚友，有限嘅乾糧同埋飲用水亦好快派晒。
唯一可以做嘅就係樹窿。
「... 年前俾德國佬捉咗入嚟，之後就冇再見過屋企人...」羅兆德中士同埋 Ian 兩個透過波蘭翻譯華 Dee 聽緊一個原籍利霍夫嘅囚友講自己嘅故事。
「... 好彩艘船仲有位，送得切老婆同兩個女上船去以色列...」原籍法蘭克福 (蔓茵河畔) (Frankfurt am Main)、後來為咗逃避納粹統治而舉家搬到阿姆斯特丹嘅囚友 Otto 同 Artie 加埋潘上尉講。
另一邊廂，英文唔太好嘅甘文諾同埋霍朗恩兩位下士就將被隨處擺放嘅屍體逐件整齊地放喺路旁，準備等 on the way 嚟緊嘅隨軍牧師做埋聖禮先至再處理。
一陣強風吹過，Artie 同 Otto 兩人同時打咗個冷震。
「Sir！」呢個時候，伯苓同埋文少佢哋幾個 rejoin 返大隊。「QRF 到，入緊嚟！」
話音未落，Artie 已經見到一大隊戴住紫紅貝雷帽嘅英軍傘兵由閘口走入營區。同頭先嘅 Fox Team 一樣，佢哋面上嘅表情都係錯愕、震驚同埋憤怒嘅 combo。
「唐以達，C/2/OBLI。」帶隊嘅軍官 - 牛津郡及白金漢郡輕步兵團第二營 C 連連長 - 自報家門。
「潘偉誠。」「許德禮。」「費倫銘。」Fox Team 最高 ranking 嘅三個輪流同唐上尉握手。
「愛爾蘭衛隊仲有 40 分鐘先到，有咩需要幫手？」雖然大家都係同 rank，但唐以達知道 SAS 嘅含金量點都高過步兵軍團 (即使 OBLI 已經轉咗做機降兵)，再加上 Fox Team 對現場環境比較熟悉，所以選擇 offer 幫手而唔係一嚟就撻軍階嘗試接管現場。
「營區 office 喺小鎮另一邊，我哋轉頭就過去搜查。呢邊冇晒守衛架喇，可以開始救助囚友。禦寒衣物、水、食物，總之你諗得到嘅物資佢哋都需要。」
「Okay 冇問題，咁我哋 take over 呢邊先。Jack！帶你班手足...」唐上尉接管現場指揮權後就開始分派任務。
「Fox Team，on me！」潘上尉召集返佢嘅人馬。
Artie 同 Otto 互望一眼，然後莊重地握握手。
「Danke schön，Herr Heydrich。有緣再見啦。」
「嗯，有緣再見。Auf wiedersehen，mein herr。」
講完之後，Otto 慢慢趷返本來住緊嘅營房。
Artie 望住佢嘅背影，長嘆一口氣，然後靜靜地跟住 Fox Team 離開白堅盧營。
--------
(上帝視角)
1944 年 11 月尾 / 2012 年 8 月頭
喺唔同時空經歷完奧斯威辛-白堅盧集中營嘅兩位許家人以及佢哋嘅朋友都不約而同地選擇搵酒飲。
圓滿完成任務嘅 Fox Team 獲得三日嘅 leave pass。全隊人第一時間將一間維也納酒吧飲到乾塘，然後先一邊 hangover 一邊遊山玩水。
當晚，被酒精擊倒嘅 Artie 發咗個夢；喺夢入面，佢同一堆高官喺一個水清沙幼嘅湖畔莊園開會，有講有笑地一路享受美酒佳餚，一路討論點樣清理全歐洲嘅垃圾低端人口。
「呀！」扎醒咗先發覺原來瞓瞓下碌咗落地板。
去廁所洗洗塊面之後，佢就爬返上床繼續瞓。
--------
68 年後，參加完鴨仔團嘅 Tonya 一行人返到華沙之後同樣馬上去咗 Centralna 隔籬嘅一間酒吧食宵夜，然後都係飲酒；不過佢哋係 farewell party，因為過兩日就係閉幕禮，之後大家就要各散東西。
當晚，被酒精擊倒嘅 Tonya 發咗個夢；喺夢入面，佢喺布拉格街頭坐住架開篷 Benz 返工，突然間有兩條友衝出嚟，一個想開槍但係卡彈，另一個就丟咗個公事包過嚟。
BOOM！
個公事包原來係炸彈嚟，一嘢就炸到佢不省人事。
然後，就沒有然後了。
「呀！」佢扎醒嘅時候已經係第二朝，唔知點解已經返返奧運村自己張床上面。
仆街，又試斷片。
好彩，又冇俾人溶。
第一季 - 跟我去開展驚世故事
(真係) 完
呢邊將會停止更新，有咩留返第二季 post 講 thanks。
同埋，我知，呢季個 flow 係唔順嘅；有機會，我會重寫。
Bye。