[平行時空] 伴遊正傳 (暫名) 第一季 - 跟我去開展驚世故事 (重開)

好喇，隔咗咁耐，終於到我哋嘅主角喇！

平行時空の主角!!!!

姓名：Antonia Freya HEYDRICH
花名：Tonya / Tonns (讀 "tawns") / 雞婷
性別：女
年齡：22
國籍：British 大英帝國
種族：Eurasian 歐亞混血 (德國 + 香港華裔)
職業：運動員 (女子動態射擊) / 香港大學歷史系學士學生 (已 grad)

示意圖 (實在搵唔到一個 100% match 嘅人；樣，可以想像係谷愛凌 crossover 何詩蓓，總之鬼妹得嚟會明顯見到有亞裔血統；身材，大約係平田樹咁款但再大波少少)：

https://www.instagram.com/p/CrKBvaGvE8Q/?img_index=1 (谷愛凌)

https://www.instagram.com/p/CqSuu0RAGE-/?hl=en&img_index=1 (何詩蓓)

https://www.instagram.com/p/CvzGtYEyYQj/?img_index=1 (平田樹)

真係好難揀

所以只可以 set 到係三個炒埋一碟而唔係三選一

谷愛淩啦，佢啲身形比較似射擊選手

因為最快第三、最遲第五季會有 Tonya 重甜情節 ，大家可根據個人喜好自行 FF

之前漏咗...

平行時空の角色 (19)

姓名：Xiaoyue HAO 郝曉月
花名：小月 / 阿 Moon / Diana
性別：女
年齡：18
國籍：North Chinese 中華人民共和國
種族：華裔
職業：全職運動員 (女子動態射擊)

示意圖：(再後生少少嘅蔣依依)

平行時空の角色 (20)

姓名：Edgar LAIRD
花名：N/A
性別：男
年齡：70
國籍：Australia 澳洲
種族：白人 (英格蘭移民後裔)
職業：國際奧委會副主席

示意圖：
https://www.instagram.com/p/CwqTOBoPYP_/

撞正平安夜，平行時空故開咗第二季喇!!

[重甜][平行時空] 伴遊正傳 (暫名) 第二季 - 讀書郎
https://lih.kg/3585316
- 分享自 LIHKG 討論區

請各位繼續多多支持/comment!!!

S01E07 The End of the Beginning

事隔多年，終於再有一個香港運動員攞到奧運金牌，確實係可喜可賀。

但我話你知，呢樣都唔係最令人開心嘅事。

咁係咩嘢事更加開心呢？

就係有多過一個香港運動員攞到奧運金牌。

--------

都唔知係咪贏開有條路，就喺小妹攞到女子動態射擊冠軍嘅兩日之後，暴龍哥喺男子花劍決賽熱血反勝墨西哥，拎到香港史上第三面奧運金牌；同日，艾津閣女車神童曉玲以 0.02 秒之差輸俾印尼，喺女子個人爭先賽奪得銀牌。

過一日，女子乒乓單打又有爆冷；鮑耀心 (Corazon Bautista) 出乎大家所料打到上四強，好可惜臨尾差少少，只有銅牌。

之後輪到女子泳隊大爆發，先拎一百米接力銀牌，再有牙昕喺女子一百同二百米個人賽分別攞到一銀一銅。

(題外話：暴龍哥同牙昕喺賽後訪問中正式出 pool)

羽毛球方面，阿 Mat 同 Vicky Orr 打混雙輕微失準，但仍然有銀牌，係佢哋打奧運嘅最佳紀錄。

最後總結：2 金、4 銀、2 銅。成績竟然仲好過有主場之利嘅 2004 年香港奧運。

可能主場比賽，直接面對鄉親父老，壓力係遠遠大過遠征他鄉嘅。你諗下，話之我哋喺香港有幾巴閉 - 而其實都唔係真係咁巴閉 - 去到華沙街頭咪又係悉尼老鼠。

差好遠架，老細。

--------

如是者，終於嚟到曲終人散嘅大日子。

閉幕禮都係嗰啲啦，又係放煙花、旗手再出嚟行一轉、一大輪歌舞表演、波蘭空軍放下煙咁、最後由華沙市長將奧運五環旗經國際奧委會會長嘅雙手交俾巴格達市長，正式宣佈本屆夏季奧運會完滿結束，而下一屆夏季奧運會亦由此進入倒數階段。

By the way，當奧委會終於的起心肝開 MyTelly 嘅時候，呢次閉幕禮嘅重播係全 channel 最高 view 數嘅片。

原因有兩個。

第一，呢次係 2010 年代網絡洗腦神曲之首 <Baghdad Style> 嘅首次公開演出。

第二，多得主唱嘅 Hussein Brothers，A-pop 終於可以衝出中東，正式走向國際。

--------

至於你班人最關心嘅奧運村瘋狂 party…

An Olympian does not kiss and tell。

What happened on the Vistula，由得佢啦。

詳情當然唔可以爆，始終個個都算係有頭有面嘅公眾人物。

不過...

我可以話你知，某啲關於個別地區人士身體器官嘅 stereotype 確實係有一定程度嘅事實根據。

我亦都可以話你知，小妹嘅獵食記錄經此一役暴增，範圍亦儲齊晒七大洲。

我更加可以話你知，我喺華沙見過/掂過嘅運動員入面，有唔少為生計 (或者純粹貪過癮，我都唔知) 喺退役後 - 甚至未退役 - 選擇下海拍 AV。

呢堆人入面，起碼有三個 DM 過我想傾合作。

出於後來眾所鳩知嘅原因，我拒絕咗。

第八章：帶住運動員去旅行 (1)

閉幕禮前四日，我哋成班人組咗團出村玩。

由於最終目的地離華沙相當遠，搭 PKP 城際快線過去嘅話講緊 0536 開車，所以我哋會喺中央車站 (Warszawa Centralna) 附近求其搵間平價酒店 stay 一晚。今日日間就係各自各精彩，到夜晚先會合去食飯。

於是，我哋搭火車出 Centralna，去酒店 check-in 埋之後就解散。

(樓豬註：解釋返，喺呢段同埋第一季第二章入面出現過嘅 “火車” 其實係類似原時空香港東鐵 / 倫敦 Elizabeth Line / 柏林 S-Bahn 嘅 commuter rail)

--------

呢次嚟華沙，我事先 mark 好要去嘅景點都已經去得七七八八，淨返幾個應該今日都可以 KO 埋。

好，先去第一站：卡確夫市郊街 (Krakowskie Przedmieście)。準確嚟講，係位於嗰條街嘅 HERMES。

之前講過，班女人趁我嚟歐洲就落晒單話要買名牌；而咁多張單裡面，最撚麻煩嘅莫過於 HERMES。

馬仔麻煩個位係在於佢嘅頂級產品唔係你想買或者有錢買就可以買到。

咁點先買到呀？配貨囉。

簡單嚟講，即係你要幫襯個 Sales Associate 買 HERMES 嘅周邊產品，仲要買得多；咁你同個 SA 熟絡咗，佢就有機會幫你留到你真正想要嗰樣嘢。

如是者，我連續幫襯咗個幾兩個禮拜，今日應該可以大功告成。

應該。

希望。

Bitte。

第八章：帶住運動員去旅行 (2)

「Welcome back，Ms. Heydrich。」店員 / part-time model / 華沙大學護理系三年級學生 Franciszka 熱情地同我打招呼。

「Hello，Ciszka。」我第一個同佢擁抱。緊隨其後嘅係 Daphne、Mila、仲有 Yeon-hye。

正如之前所講，由於 HERMES 好濕鳩地要配夠貨先有得買 top line 產品，我好快就已經碌爆咗自己嘅信用卡sss 外加 Mutti 同埋老竇嘅附屬卡ss 幾次。

於是，作為我嘅 roommate，Daphne 第一個被我拉入局。

然後，作為我嘅中學同學，Mila 第二個被我拉入局。

再然後，作為我嘅老對手，Yeon-hye 第三個被我拉入局。

再再然後，(應該係？) 香港嗰邊走漏咗風聲，越嚟越多人加入排隊，導致我要招攬更多人分單。唔問猶自可，一問就發現我之前嘅推測係準確嘅，走水貨嘅收益對唔少運動員嚟講真係多過佢哋本身份糧 / bonus，所以好快招攬到一堆下線幫手。

由於我哋為舖頭帶嚟 (相對) 巨額嘅生意額，Ciszka 對我哋嘅蝗蟲行為隻眼開隻眼閉，反正佢都有官方 commission 分；當然啦，都唔可以咁明張目膽嘅，所以除咗我哋四個會入舖頭之外，其他下線只負責場外出錢同埋寄貨。

Anyway...

「咁你今日想買啲咩啊？」Ciszka 問。

我直接將張手寫 list 交俾佢。

上幾次佢都仲會 O 下嘴，而家佢好平靜地交俾同事執貨。

「哇，你又嚟呀？」Ciszka 同我講。

「死港女係咁上下架啦。」我單咗下眼，再搭住佢膊頭。「喂，係呢，嗰幾件嘢... 有喇呵？」

「同經理講到我口水都乾，但終於 okay。」Ciszka 拎咗幾個紙盒出嚟。「Birkin、Kelly、Constance，各一；仲有六隻飛馬。」

嗰幾隻羊皮 Pegase 掛飾加埋 BKC 系列分分鐘貴過我副比賽架生兩三倍起碼，班女人就狼死到一嘢要三個袋同埋六隻馬，所以你明白我點解之前配貨配到冚家剷。

但好彩。

終於。

幸不辱命。

我拎起電話，拍咗條片影住成堆戰利品，tag 咗 Lori 同埋 Mutti 之後就 upload 咗上私人 PicShare story。

Caption：“大功告成，親個嘴兒 😘”

第八章：帶住運動員去旅行 (3)

喺 HERMES 出嚟買完呢次旅程嘅最後一轉嘢之後，我哋四個買手喺舖頭外面同班下線會合，再托晒成批貨去隔籬街郵局逐件寄出。

搞埋之後，下線們走咗去參觀蕭邦紀念館。鑑於早幾日已經去過，小妹選擇同幾個買手先食飯，再行去位於維斯杜拉河西岸嘅哥白尼科學館 (Centrum Nauki Kopernik) 玩吓啲低 B 小遊戲，然後去隔籬個露天茶座嘆杯靚啡，直到就嚟夠鐘先坐地鐵 M2 綫返去 Centralna，順便去埋車站隔籬嘅護國公園 (Park Armii Krajowej)。

護國公園位處華沙市中心，俾四條大街包實：南面耶路撒冷大道 (Aleje Jerozolimskie)、北面聖十字街 (Ulica Świętokrzyska)、東面元帥大街 (Ulica Marszałkowska)、西面白麗婷街 (Ulica Emilii Plater)。公園入面嘅草地除咗平時俾市民野餐之外，亦間中會舉行啲期間限定市集呀、嘉年華呀之類，又或者用嚟做遊行集會嘅起步點。

叫得做護國公園，當然會有關於波蘭護國軍 (Polish Home Army / Armia Krajowa) 嘅嘢。相關嘅展品以及歷史介紹等等就擺咗去公園隔籬嘅紀念館，戶外呢 part 就主要以人物銅像為多，上至司令高文龍上將 (Tadeuz “Bór” Komorowski) 下至童軍傳令兵都有。

作為史上確認殺敵數量最高嘅女狙擊手，我嘅偶像賈恩淑少校 (Izolda Kaźmierczak) 自然有份。

個波蘭女狙擊手仲威猛過Lyudmila Pavlichenko

btw呢個二戰世界觀好呀 壓制歐洲共產主義 （雖然美洲淪陷）

大波蘭萬歲 但波羅的海三國又點？

本時空冇蘇德戰爭，導致 Lyudmila Pavlichenko 完全冇上陣殺敵嘅機會，但女狙擊手呢個 concept 又幾好玩，所以先有賈恩淑呢個角色嘅出現。

原時空嘅 Lyudmila Pavlichenko 上陣大概一年有多，確認殺敵數目 309 人；相比之下，本時空嘅賈恩淑前後打咗差唔多七年仗。考慮到游擊戰同陣地戰嘅性質分別，449 個 confirm kill 其實差唔多，再多就會太 OP。

(題外話：由於蝴蝶效應，本時空嘅 Simo Hayha 冇受重傷亦冇毀容，殺敵數目遠超原時空嘅大約 500 人)

本時空嘅德國冇咗東線戰場呢個無底洞，戰略環境比原時空理想少少；但亦因為咁，全國上下冇咗戰敗後被共產蘇聯 John Wick Baba Yaga 輪大米嘅恐懼，加上盟國冇堅持要無條件投降，抵抗到底嘅意志冇咁堅強。同樣道理，好多本身對戰爭進程有意見、甚至本身就唔鍾意納粹黨嘅嘅中高級軍官亦冇咗搞政變而導致局勢崩壞嘅心理負擔，於是就有本時空差唔多所有前線集團軍司令都係反希特拉集團成員嘅奇景出現(即使係原時空，反希特拉集團都曾經聯絡過顧樂勤、文兆堂同埋羅彥銘，但出於維持局勢穩定嘅考慮，幾位元帥都冇應承加入；出奇地，幾位元帥亦冇向蓋世太保篤灰)。

根據 <蘇黎世和約>，蘇聯同東歐各個鄰國嘅邊境要回復至 1939 年 9 月 1 號前嘅狀態；換言之，波羅的海三國重新獲得獨立，芬蘭攞返卡雷利亞 (Karelia)、薩拉 (Salla) 同埋雷巴切半島 (Rybachi Peninsula)，羅馬尼亞亦攞得返比薩拉比亞 (Bessarabia；即係原時空摩爾多瓦以及烏克蘭敖德薩州西部) 同埋北布高維那 (North Bukovina)。

第八章：帶住運動員去旅行 (完)

喺我做緊免費導遊嘅時候，隔籬一堆男/女童軍喺我哋身邊經過。佢哋好熟手咁將放喺各個銅像底部嘅 N 咁多個花圈擺返整齊，有幾個明顯擺咗好耐嘅就被丟入佢哋手上拎住嘅垃圾袋；大小不一嘅電子蠟燭就逐枝㩒熄，拆埋電芯先再丟。

「早幾年試過有蠟燭燒著花圈，好彩及時發現，之後市政府就唔再俾人喺紀念碑燒傳統蠟燭。」我同佢哋解釋。

「你都跟得幾貼喎。」唔知點解嘅 Daphne 同 Yeon-hye 都表示驚訝，而知道點解嘅 Mila 就冇出聲。

「唔好意思，Ms. Heydrich。」其中一個執花嘅童軍小 dee dee 無啦啦行過嚟同我講嘢。「請問我可唔可以同你影張合照呀？」

果然被認出了。

Damn。

「當然可以啦。Daphne，幫 dee dee 揸機？」開始習慣鏡頭嘅我擺出招牌笑容。

「Okay 呀。」Daphne 攝記上身，指導我哋擺 pose。

「嗱，準備喇，“Zwiezda” on three。One，two，three~」

「Zwiezda！」

影咗幾張相之後，童軍 dee dee add 咗我 public PicShare，再非常認真地向我敬咗個童軍軍禮。

「多謝你阿嫲曾經為波蘭浴血奮戰。」

「多謝你哋一路都記得佢。」小妹亦非常認真地還禮。

放返手落嚟之後，小 dee dee 一支箭咁跑走咗，返返去搵佢啲 friend。

Mila 冇出聲，只係靜靜地學個小 dee dee 咁向我敬禮，但佢嘅表情極度摟打。而同一時間，Daphne 同 Yeon-hye 終於 load 到發生咗咩事。

「Jinjja，賈恩淑係你阿嫲？！」Yeon-hye 震驚到講韓文。我唔識聽嘅，但大概都估到係咩意思。

「咪鬼咁大聲啦，我唔想又一堆人埋嚟 - 」

「太遲喇，絲打。」Mila 指指行緊埋嚟嘅童軍ssss，再向我笑一笑。「慢慢享受啦。」

「With friends like you，who needs enemies？」

「各位，Tonya 會同大家合照嘅，okay？嗱，呢邊開始排隊，逐個逐個嚟呀吓...」Mila 無視我嘅罵聲，非常“自覺” 地開始做人群管制；同時， Daphne 亦都好有默契地開始捕定靚位幫我影相。

Gott im himmel…

--------

各位觀眾，你哋冇睇錯，娶咗賈恩淑嗰個英國軍官就係我阿爺 Artie，許德禮。

當然啦，佢唔係華人，“許德禮” 係政府新聞處俾嘅官方譯名。

佢真名係 R. T. E. Heydrich。

Reinhard Tristan Eugen Heydrich。

(樓豬註：原時空嘅海德里希就係納粹德國 “終極方案” (Final Solution) 嘅推手。本時空... 唔劇透住，但只可以講佢嘅命運早於 1900 年代已經被改變)

好啦 佢下姐起碼唔使好似隻野狗咁死喺游擊隊手上面

阿爺

遲少少要研究下萬湖會議嘅參與者當中有邊個有能力擔大旗推動本時空嘅 「終極方案」

好彩現實歷史海德里希死得早 唔係嘅話 一係就紐倫堡被問吊 一係就去南美洲再畀莫薩德綁返黎 好似Adolf Eichmann咁處死

"犯我大猶民族者雖遠必誅" 唔係講笑的

呢章真係好撚難寫，但好彩俾我整到一段仔出嚟。如無意外，呢段都唔會大改，可以出咗先。

第九章：無間地獄

(Tonya 視角)

2012 年 8 月

今日波蘭南部嘅天氣：陽光普照，萬里無雲，間中有風，令人感覺非常舒服。

Sehr gut。

因為鴨仔團嘅目的地極度壓抑兼黑暗，有啲陽光曬下會好好多。

「Hmmm，同我想像嘅畫面好唔同。而家望落去好似... 我都唔識講，好正常？啫係普通歷史遺跡咁囉。」落旅遊巴嘅時候，Noosa 一路戴黑超一路同我講。

「吓話？咁你好好記住呢種感覺喇喎，陣間應該會幫到你。」Talia - 女子動態射擊決賽嘅其中一人，亦係今次鴨仔團嘅搞手 - 拍拍佢膊頭。

Noosa 露出一副樹熊樣，彷彿中咗大伏咁。

呀，係，差啲唔記得同大家介紹 Noosa Schnack，來自塔斯曼尼亞嘅應屆女子滑浪冠軍。同小妹一樣，Noosa 都係有德國血統嘅混血兒；但同我唔一樣，佢嘅 mix 係德國撈瑞典，金髮碧眼到不能再金髮碧眼。佢個名之所以叫 Noosa 咁土炮，係因為佢阿爸阿媽當年就係喺 Noosa Heads 滑浪嘅時候相識。

「入面真係咁大鑊架咩？」我問 Talia。

「入面大唔大鑊，你應該清楚過我吓話？」Talia 反問返我。

「我都係聽過吓啲故事咋。」

「條女又玩低調。」Mila 插嘴。「鬼唔知你嗰啲 “故事” 係一手料嚟咩，陣間啲展板都分分鐘冇咁一手。」

「我真係唔知喎，願聞其詳。」Daphne (又) 亂入。

「嗱，咁而家你知 Tonya 阿嫲係邊個吖嘛，佢阿爺呢...」

八婆們嘅聲音慢慢遠去，取而代之嘅係阿爺把聲。

「是咁的，嗰陣我同 Ian 帶住 Fox Team 深入敵陣偵察...」

第九章：無間地獄 (2)

(Artie 視角)

1944 年 11 月

德佔波蘭總督府，卡確夫大區，奧斯威辛鎮

今日波蘭南部嘅天氣：多雲，間中有雪，吹強風，就算有足夠嘅冬天裝備都仍然凍撚到鳩縮。

「到喇，前面就係。」帶路嘅波蘭特工裴偉濤向潘偉誠上尉 - Fox Actual - 示意。

「All Fox units，落車 set 防線。」潘上尉向分散喺五架路飛上嘅 Fox Team 下令。

五架路飛馬上散開並且剎車，俾車上嘅乘客跳落嚟然後再散開搵掩護，淨返幾個機槍手用跟車嘅威高或者貝莎機槍指向唔同方向。

Artie - 許德禮少校，Fox Oboe Two - 同埋佢嘅老拍檔 Ian - 費倫銘少校，Fox Oboe One - 跟住潘上尉同埋幾個波蘭嚮導兼翻譯 - 阿濤 (#4859)、魏鐵心 (#214782) 同埋胡定華一等兵 - 慢慢接近營區嘅入口，一個以紅磚砌成、大約三層高、從遠處望過去有啲似火車站嘅閘口；後面嘅營區就主要係磚頭或者木板砌成嘅低矮營房，中間混雜住俾守衛監視營區嘅瞭望塔。

Ho，ly，fuck。Artie 情不自禁地打咗個冷震。

有反應嘅亦唔止佢一個。

「嘔...」「嘔...」「嘔...」無線電兵李傑承下士、MG-42 機槍手黃國勳中士同埋裝彈手辛德臣下士分別衝咗埋路邊樹叢度嘔。

Artie 同 Ian 互相望咗一眼。

「嘔...」「嘔...」爆破手麥泰偉下士同埋步槍手簡啟華中士同時加入嘔吐嘅行列。

都難怪五位仁兄頂唔順嘅，因為營區散發出嚟嘅刺鼻惡臭係腐爛嘅有機物質、被燒焦嘅木頭、排泄物、火藥、再加上屍臭；每一樣本身都已經惡頂，撈埋一碟... 嘩，真係一言難盡。

但其實最難頂都唔係浸味，而係嗰種令人非常唔舒服、只能夠用 “邪惡” 嚟形容嘅不知名感覺。

「你都 feel 到呀呵？」Ian 眼定定咁望住裝喺營區入口上面、寫住 “ARBEIT MACHT FREI” 嘅牌匾。

「好難 feel 唔到喎，師兄。」Artie dud 返轉頭。

Ian 欲言又止，好似醒悟到而家唔係搞爛 gag 嘅好時機。

「仲有冇人唔舒服或者要嘔？冇嘅就起身做嘢。」揦埋口面嘅潘上尉先搵塊布揞住口鼻，然後開始發號施令。「文少，揸返轉頭，叫 QRF call 埋增援過嚟。」

「Rog’。」白切雞槍手賴盛文上士 - Fox Two Actual - 馬上跑返車然後揸走。

「伯苓、阿澤、華哥、阿泰，你四個守住外圍。」

「Got it，guv。」Fox Team 副隊長邵伯苓一級準尉 - Fox One Actual - 步槍手白胤澤中士、簡啟華同埋麥泰偉領命而去。

「阿南，你帶勳爺同阿臣爆閘，然後上樓上做 overwarch。」

「Yes，sir。」狙擊手莫耀南中士、黃國勳同埋辛德臣三兩下手勢就剪咗兩個鳩流流嘅鎖仔，再上樓 set up。

「淨低嘅，跟住我同埋西裝佬入去做 SE。」

「Yes，sir。」其他人一齊回應。

補充返少少嘢...

本時空二戰英軍武器 (未齊)

利蘭輕型多用途車 Leyland Light Utility Vehicle (LUV)：通常被稱為路飛 (Luffy)，功能及外型上大約等於原時空嘅 Willys MB；呢款車亦係本時空 Land Rover 系列嘅前身

威高機槍 Vickers Machine Gun, Gas-Operated, Belt-fed：通常被稱為 Viggo；原時空 Vickers K 機槍嘅改進版，定位大概係同原時空白朗寧 M1919 差唔多嘅連級中型機槍

貝莎重機槍 BSA Browning heavey machine gun：通常被稱為 Bessa；由於蝴蝶效應嘅關係，伯明翰兵工廠冇引入到 ZB-53，改為向 FN Herstal 買入刁時大媽 (Ma Deuce) aka 白朗寧 M2 重機槍嘅生產權；截至本時空嘅 2012 年，貝莎仍然喺各國軍隊中服役

百捷衝鋒槍 Patchett submachine gun：原時空稱為 Sterling gun aka 250式衝鋒槍，本時空提早於 1942 年全面服役；“白切雞” 係港籍英軍改嘅花名