蒼鷺與少年 劇透討論區

好正
淨係睇作畫都值
好難得而家日本動畫完全無3D成份
宮爺爺的堅持

我覺得最靚有兩幕

第一幕係落到異世界見千首帆船
另一幕係嘩啦嘩啦

產房嗰度D簾咪有用CG

睇完覺得同而家d game一樣
要靠dlc補完
至叫一個完整故事

或者你方邊解釋吓你既階段睇到啲乜？

冇錢收冇人肯做

我諗佢大約係中二左右個階段

你唔會去到依個級數，要專登研究先有

你收皮啦

庵野師承宮崎

完全無做功課,無睇影評預告片入場, 完場好似睇咗白汁雞皇篇潮文咁, 唔知睇咗啲乜.
先唔講背後個寓意, 唔少動機都唔係好明, 例如男主一開始已經在意隻雀, 後母入咩事要入產房之類, 以往宮老啲片至少都睇得明故事發展再諗寓意, 同呢套比真係好大差距

雖然見有解說文話係講動畫傳承, 呢樣有訪談可以證明, 但部份所謂戰爭隱喻有無官方解釋過? 都唔知邊啲解說係真定藍色窗簾

唔識評價套戲, 但幾佩服可以玄過EVA

庵野等緊宮崎俾佢拍風之谷2，不過老人家死都唔肯

故事表面以戰爭為背景(塞班島、父親工廠都好明顯講二戰，鸚鵡暗喻二戰軍人、warawara暗喻死去的士兵？)
背後另外包含動畫創作傳承隱喻

但故事主題正如日文標題，係講個人生命中點樣生活落去
和後母關係、warawara和塘鵝的生計、塔主和鸚鵡等等都見到每個人雖然或者有看似壞的一面，但其實都有自己的原因，並非單純地善同惡

但宮老今次相比故事本體，似乎更傾重想討論深奧暗喻
結果變到故事又玄節奏又怪
不過畢竟可能係宮老最後一次，想任性下都正常嘅

龍貓同魔女宅急便起字幕時都有播返啲後續生活

係...認真CLS

如果係就正

剛睇完，以往移動城堡，千尋都好好feel ,呢套睇到恰著咁制唔明背後意思真係黑人問號想表達d乜

睇左 真係感受到佢覺得自己就死
覺得自己走左之後都會被忘記
同時都覺得佢對年青人既寄語好Hideaki Anno 個種eva 式 即使世界好多惡意 都可以溫柔同保持善良地生活

覺得宮崎呢套電影真係走出左佢以前既故事風格
無再係故事，世界比好多細節同解畫 而係側重個人情感 主角點睇呢個世界去作表達 想將佢想講既野跳過觀眾思考直接感受生命同世界

感覺到既人會覺得好好睇 感受唔到就會覺得套野咩都無 好空洞 無哂舊式宮崎世界探險 心理歷程 等等

相反既係會希望觀眾感受直面世界既勇氣同感動

覺得火女主動開門比火燒死 再同 真人講能夠生到你已經好係幸運就覺得個種愛與痛既不可分割係面對自己人生既鼓勵

作畫靚還作畫靚，意識流還意識流
但故事講唔好係事實。

個人覺得最好睇係前半部份未入異世界，個mood營造得幾好﹐但角色同角色嘅互動好突兀。

例如真人第一次同蒼鷺隻揪，幾時feel到唔係普通雀？
真人幾時知道船女真名就係霧子？
真人幾時知道火美就係老母？
仲有好多好多，跳到我以為係自己唔覺意瞓著咗，miss咗啲劇情。

講多樣結尾個scene 短得不合比例
成個故仔感覺係千與千尋＋鈴芽之旅。

作畫靚還作畫靚，意識流還意識流
但故事講唔好係事實。

個人覺得最好睇係前半部份未入異世界，個mood營造得幾好﹐但角色同角色嘅互動好突兀。

例如真人第一次同蒼鷺隻揪，幾時feel到唔係普通雀？
真人幾時知道船女真名就係霧子？
真人幾時知道火美就係老母？
仲有好多好多，跳到我以為係自己唔覺意瞓著咗，miss咗啲劇情。

講多樣結尾個scene 短得不合比例
成個故仔感覺係千與千尋＋鈴芽之旅。

補充返先
我知道火美一開始講過夏子係自己妹妹
但冇鏡頭畫面交代過真人sense 到呢樣嘢

老豆嗰個位你google宮崎駿生平+佢對戰爭嘅睇法就會明點解咁寫

佢老豆開工廠整戰機

真人應該係食麵包果part確認火美係媽媽

因為火美整既麵包同佢媽媽味道一樣 （牛油再加果醬）