蒼鷺與少年 劇透討論區

1-真人係第一次進入塔門口果陣，執起蒼鷺d羽毛但一出個塔就消失左，已經知道佢唔係普通雀

2-船女霧子件衫同佢係阿婆果件係一模一樣

3-火美請佢食麵包果陣，真人食出麵包同佢阿媽細個整果時一樣 （牛油加果醬）

我自己覺得呢套戲最出色唔係as 插畫 而係畫與畫之間個條link 可以將邏輯上唔同ge 野拉埋一齊 而整套電影不斷去做呢件事 造就到一個創新奇幻感覺 真係好正

我想自己入場睇多一次imax

火美話自己係夏子家姐咪知囉

我覺得成套野好村上春樹feel
無頭無尾既奇幻情節，離奇但無人覺得奇怪既擬人動物等等

yes
終究成套戲對真人嘅內心描寫可以話係冇，咁對故事推進係極度突兀，嚴重影響觀眾體驗

但入面冇講，其實畫多一兩秒去交代真人feel 到眼前呢位火美就係媽媽，成件事會好好多

呢個真
我哋呢代人好幸福，可以睇住宮崎駿電影大，本身期待每幾年可以睇到新作，但今次真係覺得冇之後了

睇佢呢套戲仲咁有火
應該都仲幾精神
期待下一套收山作

風超了好撚好睇喎

琴日睇完，沉澱左一晚。其實套戲要結合宮崎駿自己既人生﹑價值觀去睇，特別係佢對佢自己救唔到媽媽一事既救贖，真人就係宮崎駿，有多一次機會同健康﹑有活力既媽媽（火美）一齊冒險就好似補完自己人生既遺憾咁。

感覺宮崎駿依套戲係寫比佢自己，如果代入唔到宮崎駿個角度應該會睇唔明﹑覺得悶。見到有人批評storytelling，至少我覺得無問題。不過個ending真係有少少急，唔知係咪特登，聽晒米津首歌出埋戲院都仲沉浸緊。

佢對後世既最大祝福就係就算忘記左 敵唔過時間 都唔代表無發生 同埋即使無左宮崎駿吉卜力世界 大家都可以男主角咁走落去

開頭睇以為13積木對應佢既電影 但得12套

Exactly 真係似村上春樹
今次呢套其實似係動畫化既文學作品
所以鍾意既人會好鍾意 唔鍾意既人會覺得悶/唔明講咩

其實呢套野宮生都幾激

反戰
反社會
反法西斯
反持老賣老
反強制繼承

屌哂所有廢老，雖然佢都係老野

你留意下今次ending 係冇“完結” 日文字

下 但呢套完既話 會係總結佢生涯最完美既一套 原來仲有

睇鈴木敏夫本書話未必會係長片，始終宮崎駿年紀真係大，以前2個月畫到既野依家可能要8-9個月，佢又堅持自己落手落腳改稿，再拍長片都唔知完唔完成到。短片就應該可以

真
我一路睇都諗如果海邊的卡夫卡變動畫
應該幾似呢套

係佢家族，佢老豆都係打工

厲害嘅係佢咁多年嚟，呢啲諗法都冇變過

上面回覆果堆食開屎定點 掛個名就唔俾爛咩
啲盲迷想像力豐富幫佢腦補埋啲暗喻在到打曬飛呀真係好撚好笑🤭

我第一次睇個陣覺得，真人擺明唔喜歡佢繼母都去救佢，之後連繼承曾舅公都唔肯，寧願返現實世界已經睇到好感動