MBTI歷史背景與理論入門：由MBTI作者所寫嘅書，講講ST、SF、NF、NT有咩特性，以及MBTI嘅意義丨《天資差異》

全部人格都要聽 ESTJ 的天才指揮人講話

INFP 就係天生毒毒

大家身邊都好似有好kick 嘅estj

i 人係辛苦啲

將四個面向簡單二分本來係有問題，然後用呢四個指標去歸納人格誤差就更大。EI 為例，如果受試者結果係中間偏好少I ，個system會一刀切當係I，對於複雜既人格用簡單二元去分一定有差別。
自己係咩性格其實自己係最清楚，做呢啲test只係想搵啲野去confirm自己既推段，唔洗太認真。當係專業咁研究更加係浪費人生。
同意樓上有人話mbti係偽科學，其實心理學起謀啲範疇都係偽科-unverifiable，更何況mbti。
但同意當普通心理測驗用黎帶起話題係唔錯的。

似係俾啲想媾但媾唔到又鍾意mbti嘅女仔frd串過

MBTI唔係淨係睇S vs N同F vs T，仲要睇埋個function究竟係introverted定extroverted. 呢四個字母全部都有分內向同外向，咁所以實際上係有八個功能，而唔係四個，而且個差別都幾大吓。例如introverted feeling (Fi)比較注重個人價值觀同感受，extroverted feeling (Fe) 就比較注重人際關係同和諧。

每個MBTI人格都有齊晒八個功能，只不過個排位唔同。同埋好多時就算表面上四個字母只差一個都好其實入面嘅functions可以差好遠。例如：
ESTP: Se-Ti-Fe-Ni
ESTJ: Te-Si-Ne-Fi

如果真想用MBTI做參考嘅話就一定要睇埋入面個功能，而唔係單純睇四個字母，因為嗰八個功能嘅描述係比就咁四個字母具體好多同埋可以了解埋唔同功能之間點樣互相影響。

BTW, 據聞16personalities.com根據Big 5，而唔係真係MBTI。真係好啲嘅網站其實會show八大功能嘅percentage。

感謝補充！
巴打有無好網站推介？

支持牛哥！！！！
幫推

https://www.michaelcaloz.com/personality/
http://keys2cognition.com/
https://sakinorva.net/functions

帶定頭盔先，我本身留言打咁多嘢係因為我好唔想見到一條介紹MBTI嘅片忽略咗咁多重要嘢我先comment, 我絕對唔係專家。我都係上網睇邊啲多人推薦，同埋自己做過望落好似make sense就算。

實際上究竟啲問題對唔對應到啲cognitive functions呢個我就判斷唔到，因為啲functions本身就好抽象，同埋唔同functions有時可以望落好似。e.g. 用Ti好理性咁審視自己嘅情緒同價值觀其實同Fi有啲似.

所以最好就係做完質素ok嘅test，之後再了解埋functions先會準。

介紹就始終會有好多嘢miss 咗

如果巴打你有睇我今次講嘅書 你會發現本書嘅前半部分都未進入到去內外功能

我諗要講到內外向功能 始終都要先有個藍圖先 學你話齋 內外功能本身就好難分 就咁講個term 去介紹都唔係好方法 所以我喺今次都無提出

感謝你嘅補充

你試下空肚同飽肚，早上定晚上做個測試都分分鐘有唔同測試結果

科學應該包括可預測性，可驗證，呢科呢D測試仲算唔算科學吖？

我係INTJ
覺得自己就係俾社會排斥既毒撚

四種人格類型
喺開始之前，先簡介一下MBTI嘅人格構成：
E/I S/N T/F J/P

好明顯見到係四個位置，每個位置有兩個可能性。但唔係話一個位係一個字母，就無另一個字母嘅特性。咁講就好抽象，實在啲講，依家有兩個可能性，光同暗，所以一係光，一係暗。若然係光，唔代表無暗，只係講緊光係強勢，暗係弱勢；若然係暗，唔代表無光，只係講緊暗係強勢，光係弱勢。睇嚟，MBTI係因為源於榮格，而榮格愛好《易經》，所以並唔同於西方主流嘅二元對立，反倒係中國思想嘅二元一體，再形象啲講，就係太極圖。

用返落MBTI，如果小明第一個字母係E，唔代表小明無I嘅特性，只係E係顯性，I係隱性；E係主動／主要，I係被動／支援。呢點非常重要，務必要記住；唔同位置嘅顯隱係唔同意思，下文再講。

由初戀三摩地開始追到依家嘅牛哥fans報到
關於functionality types
其實榮格自己嘅著作 psychological types 入面會有定義

有趣嘅地方係
內向同外向
感官同直覺
情感同理性
其實係相輔相成又互相制衡

用上面巴打片得好勁嘅ESTJ 做example
佢地嘅第一功能Te (外向思考)背後其實係收埋佢地嘅第四功能Fi (內向情感）
就算係一個表面最理性最all over the place 嘅人背後其實都有emo或者眼淚在心裡流嘅一面


當然function types 呢個理論一直為人詬病嘅一點就係
佢係無法量化 太吹水 係偽科學云云
唔似上面有巴打講到嘅 big5 (因為每個維度都有一個分數 可以量化 所以主流心理學比較推崇）

所以講到尾都係非精密科學 只供參考 不過如果能夠從中了解自己嘅強項弱項多少少嘅話其實幾有趣

你好 由第一集開始聽非常唔容易！

我都覺得「能夠從中了解自己嘅強項弱項多少少」係好好提醒

我哋可以想像，MBTI就係一隻船：
第一個位置嘅E/I係標示船嘅種類，睇下適合航行喺內在世界定外在世界；
第二個位置嘅S/N係較前嘅左右推進器；
第三個位置嘅T/F係較後嘅左右推進器；
第四個位置嘅J/P係船長嘅態度。

再次提醒，船係一定會有S/N、T/F，總共四個推進器，但係如果一隻船係所謂SF，咁只係代表佢傾向會使用四個推進器S/N、T/F當中嘅S同F。

感知，判斷（2，3）
我哋首先要討論第二、第三位置嘅意思，佢哋都係人類嘅精神活動。第二位置係感知，第三位置係判斷，兩者構成人類思維活動嘅一大部份，並且管轄大部份外部行為｛所以無論一個人係I定係E，第二、第三位置都係講緊人個人點樣應對外在世界｝。

感知同判斷有各自特性：
感知：第二位置，意識物體、人、事情同觀點嘅整個過程（吸收），決定一個人喺某一個環境當中所了解到嘅嘢

判斷：第三位置，對所感知嘅事物作出結論（轉化），決定一個人對呢一個環境所採取嘅行動方式

推返上嚟先

兩種感知方式（2）
感覺型感知同直覺型感知唔係相干無事嘅鄰居，而更似爭寵嘅妃子，想要吸引人嘅注意。由bb 仔開始，人就開始會偏好感覺型感知或者直覺型感知。

感覺型感知(S，sensing)：通過五官直接意識到事物。

直覺型感知(N，intuition)：無意識地綜合出各種諗法同聯想，再無意識使用呢啲諗法同聯想對外界作感知。呢啲無意識嘅作用就係小至男性日常所講嘅預感，同女性日常所講嘅直覺；大至原創藝術或者科學發現。

例如感官型感知同直覺型感知嘅人睇一本書，感官型感知嘅讀者會將注意力集中喺書本上面所寫嘅內容；直覺型感知嘅讀者會喺字裏行間尋找相關嘅可能性。

感覺型感知同直覺型感知嘅顯隱關係會影響一個人對周圍環境嘅興趣。如果一個人係偏向感官型感知，佢會對周圍嘅現實環境感到興趣，對於莫名興起嘅諗法無動於衷；如果一個人係偏向直覺型感知，佢會對直覺所帶嚟嘅可能性感到好奇，對現實情況較為麻木。