不可知論者係咪唔應該生下一代？

我講既認識，係互相認識，唔係書本知識。

耶穌咁出名，識耶穌有咩出奇，連魔鬼都認佢。
耶穌識我就唔同喇。佢見到我既需要會幫我，見到我做得唔好會提我，見到我行錯路會管教我，見到我前面既路會教我行。
經歷到架嘛，明明就生勾勾係度。我反而冇信心去相信佢唔係度。

神有資格話邊個啱邊個錯。耶穌去到邊，神蹟跟到去邊，咁就知真理係佢果邊。去到今日都冇停，每一個（真正）信佢既人既生命都見證緊，耶穌點樣實實在在咁改變佢地既生命。

耶穌做既野，其實聖經一早有寫。當見到神講完真係照做，信佢係理性選擇。
利申：好反對迷信，聖經都話愛神係要用理智。

連魔鬼都識佢。

“佢見到我既需要會幫我，見到我做得唔好會提我，見到我行錯路會管教我，見到我前面既路會教我行。
經歷到架嘛，明明就生勾勾係度。我反而冇信心去相信佢唔係度。”


咁啱嘅，我拜開玉皇大帝同太上老君
佢地都係有咁樣幫我

（1）猶太人都唔信神係三位一體
你解經叻過猶太人？
（2）耶穌話不是來廢除律法
無話外邦人唔使守律法
同埋你check清楚你完全無猶太血統先講啦
（3）保羅係為魔鬼工作，作假見證。信保羅即係信魔鬼

你咁正有佢地管教，有冇學到咩功課分享下？

不可知論者, 應該以沒有地獄的心態過活?


(即做壞事沒有審判, 人沒有死後被安排去的地方)

（1）猶太人既解經，係有好多種。
你睇下佢地既傳統就會知，佢地係咪都記低晒智者講既野，就算擺明互相矛盾，佢地都唔覺得有任何問題，佢地睇做正面既討論。所以呢個世界冇一個解經方法係完全代表猶太人。
亦都要小心，唔好比猶太傳統騎劫左聖經。佢地出於私怨唔接受耶穌既教導，但係佢地當中，冇人駁得過耶穌（馬太福音22:46），亦都冇人可以有耶穌果種權柄（馬太福音7:29），去解聖經而唔引用之前既拉比，淨係聽佢講就夠。
講到猶太人解經，拉比耶穌都係猶太人喎。我就叻唔過佢喇，我係佢門徒。

你大可以暫時唔放耶穌落個「我」度，冇分別架：
主耶和華差遣左「我」（呢個創造主）同佢既靈(48:16)。
其實呢一段，我咁啱就係聽猶太人學返黎。

（2）我咪香港人一個，係中國有個鄉下咁，去過一次。
耶穌講既律法（Torah תורה），係律法書，係摩西五經，係希伯來聖經。冇一個猶太人會解做外邦人要守既條文。佢地叫聖經咪就係叫Torah （或者Torah + Neviim + Ketuvim = TNK , Tanakh）。
律法即係聖經。
律法即係聖經。
律法即係聖經。



（3）保羅既宣教工作，有教會既眾領袖支持，亦都有聖靈既帶領，就係耶穌既靈。

使徒行傳13:1-3
//1 在安提阿當地的教會裡有幾位先知和教師，就是巴拿巴、稱為尼結的西緬、古利奈人路求、跟分封王希律一起長大的米納恆，還有掃羅。
2 他們侍奉主和禁食的時候，聖靈說：“你們要為我把巴拿巴和掃羅分別出來做我召他們做的工作。”
3 於是，他們禁食禱告，按手在兩人頭上，然後派他們去了。//

保羅係猶太拉比，按住傳統每個安息日去會堂講道，聽佢講既，先係猶太人，之後先係外邦人。

使徒行傳13:42-44
//42 保羅和巴拿巴出來的時候，眾人請求他們下一個安息日再向他們講這些事。
43 散會以後，許多猶太人和歸信猶太教的敬虔人跟從了保羅和巴拿巴。兩人跟他們談話，勸導他們要恆久留在神的恩典裡。
44 下一個安息日，幾乎全城的人都聚集而來，要聽主的道。//

帶領保羅既，係耶穌既靈
耶穌唔係魔鬼。

使徒行傳16:1-9
//1 保羅到了特庇，又到了路司得。在那裡有一個門徒，名叫提摩太，是一個信主的猶太婦人的兒子，他父親卻是希臘人，
2 路司得和以哥念的弟兄們都稱讚他。
3 保羅想要帶他一起出去，就為那些地方的猶太人的緣故給他行了割禮，因為他們都知道他父親是希臘人。
4 他們經過各城，把耶路撒冷眾使徒和長老所定的規條交給門徒遵守。
5 於是，各教會信心越發堅固，人數天天增加。

6 由於他們被聖靈阻止在亞西亞傳道，他們就經過弗呂迦和加拉太一帶，
7 來到米西亞邊境，想要去庇推尼，耶穌的靈也不允許；
8 他們就經過米西亞，下到特羅亞。
9 夜間有異象向保羅顯現，有一個馬其頓人站著懇求他說：“請你渡過來，到馬其頓來幫助我們！”
10 保羅看見了這異象，我們就認定是神呼召我們去傳福音給他們，於是立刻設法前往馬其頓。//



你有需要聽既話，我唔介意重複講多70個7次

成日話耶穌有幾好
點解佢偏偏佢嘅出生地係現今最多戰爭嘅地方
神嘅見證係邊

成日話耶穌有幾好
點解佢偏偏佢嘅出生地係現今最多戰爭嘅地方
神嘅見證係邊

問得好好。

神既見證，係人心入面。
神的確已經計劃好，去到某一刻所有野都係完滿和諧，呢個係世界既終局，仲未到。

耶穌就講過一個種野既比喻。有個人撒好種，夜晚仇敵黎搞亂檔，撒壞既種，之後生到出黎，麥子中間夾雜左毒麥。掹唔掹走佢地呢？掹既話，連麥子都掹埋。於是就由佢地生，去到收割既時候，先分開佢地，麥子收好，毒麥就紮起留返做燃料。（馬太福音13:24-30，解釋係 馬太福音13:36-43）

相反，耶穌解釋希伯來聖經，將人帶返去神既教導入面。
佢講過，聖經入面最緊要既誡命，係愛。完全咁愛神，就會愛埋人，滿足埋其他律法既要求。

馬太福音22:37-39
//37 他回答：“你要全心、全意、全智愛主你的神。
38 這是最首要的誡命。
39 第二條也和它相似，就是要愛人如己。
40 全部律法和先知的教導都繫於這兩條誡命。”//

耶穌唔係得個講字。你提到佢出世，係一個極之卑微既環境，出世之後就要全屋走難同遠行，直到佢死，都係示範緊謙卑。耶穌愛神，就完全聽晒佢講，就算要無故受極刑慘死係十字架上面，都要神既旨意成就。
人謙卑唔到自己，佢做埋比你睇。

耶穌出世既地方，的確係成日打仗。但係呢兩班人，正正就係因為耶穌，竟然可以走埋一齊敬拜神。e.g. https://www.youtube.com/watch?v=BT50-Kuj2UY

你講幾多次都改變唔到你宣傳嘅係魔鬼的道

師兄 可唔可以簡單啲解釋點解神存在

Yu 巴
我都係講返D大路野，參考溫偉耀博士本書。

簡單黎講，有三方面：世界好奇妙所以有神設計，世界唔會由冇變有所以有神開始，人一直都經歷到神所以有神係度。

（1）自然世界既奇妙，指向神既智慧同匠心設計，又將各樣複雜零件互相配合，又提供訊息教生物生存。
例子1：燕子每年飛12000 km 來回英國、南非。侯鳥有三種精密導航系統，仲勁過而家最先進既。好複雜，又有特定作用，又要有晒全部組件先work 。
例子2：變色龍可以變環境既保護色，有D仲可以變樣、生角嚇走敵人。佢地條脷可以用1/30000 秒伸出黎，伸到身長既26倍。

（2）宇宙、生命、人類既起源既唔尋常，指向係神將一切開始。
1、宇宙大爆炸係廣泛被接受既理論，描述左有時間同空間之後，點樣由一個接近無限細同無限高密度既奇點（singularity）擴張。呢個奇點，點樣從無到有，同埋化學、物理定律點黎，都係指向創造主。而宇宙膨脹係需要多方面精密協調，先可以繼續存在。
例如，一開始個膨脹速度(initial velocity)，如果慢左1/10⁵⁵ 就會被重力(gravity)拉到崩潰，如果快左1/10⁵⁵ 就唔夠時間形成任何銀河系（包括太陽、地球）

2、生命既起源，需要蛋白質(protein) ，係由特定既結構/選擇/排列氨基酸（amino acids）整出黎。
如果有啱晒生命存在既條件，又有好高濃度既氨基酸，要揀100粒氨基酸按規定排一粒蛋白質分子，亂撞成功既機會係4.9 x 1/10¹⁹¹，比揀定一個「宇宙由開始到而家一切可以出現既情況」（夾埋有10¹⁵⁰）難10⁴¹倍。
按一般分子既動力，亂撞到成功整一粒蛋白質分子，要 4.9 x 10²⁷⁴ 年，遠遠長過宇宙既年齡 1.37 x 10¹⁰ 年，差10²⁶⁴倍。
咁難偶然出現都發生左，指向有神創造。

3、現今全世界既人類都共同有一個女性始祖同一個男性始祖，分別透過線粒體基因（mitochondrial DNA）同Y染色體（Y-chromosome）既研究，一代一代咁追返上去。佢地都係來自非洲東北部，大約生活係45000-95000 （女）/ 40000-60000 （男）年前。
相比起其他古猿人，「智人」有各方面既文明大爆炸/大躍進（器具、社群、美感、靈性），都係突然唔尋常既出現，而都符合聖經既描述。

（3）宗教經驗，有客觀性同集體性。
由古至今，都一直有信徒見證經歷聖經描述果個神，唔同時間唔同地方，經驗到既都係非常類近。其中包括違反自然定律同埋時間上極端配合既神蹟。
而聖經對於將要發生既歷史事件既預言，亦都係幾百年之後發生係指定既國家/城市。
其中都包括關於耶穌既眾多預言亦都成就左。


每講一兩句都好長氣添

成個post變左白卡post，得返個零邏輯嘅人長篇大論

認真討論嘅話，不可知論者係唔知有無地獄，所以亦唔會100%否定，引伸落去，不可知論其實係最liberal

每樣講一兩句都好長氣添[/quote]

樓豬個推論真係好跳

呢啲宗教post通常會有呢隻垃圾白卡出現，習慣吓就得






基督教連登堂2023年8月20日主日崇拜：神聽到，神顧念，神睇到，神知道（上）
https://lih.kg/AyPeamX
#130 回覆 - 分享自 LIHKG 討論區

見到果刻覺得好鬼正，會心微笑左，神果然係度，多謝主