不可知論者係咪唔應該生下一代？

萬一死後有地獄
就一家落地獄

但係佢認同有地獄嘅話，佢就唔會係不可知論姐啦

不可知論唔係對死後世界抱住未知的態度？

不刊之論應該唔只係未知，而係唔能夠知道

但都唔係否認有地獄
死後萬一有地獄
就全家落地獄

唔知代表有一定機率存在，但個機率可以好細
你有機率唔係你老豆親生，你驗證唔到唔代表你要即刻cut家用

就算假設有地獄，點解會全家落地獄？

無信主

佢自己唔信，佢伴侶同佢後代都可以信姐

多數都會教育家人唔信

家人一定聽？

睇完啲反耶文章都唔會信啦

一時唔信，唔代表成世都唔信，可能生命上遇到啲經歷令到佢哋信耶穌

基督徒都唔係信耶穌
想信耶穌的教導要搭時光機返二千年前先知係乜

耶穌係教猶太人好好地咁信耶和華，耶穌自己都係解釋希伯來聖經，一開始信耶穌既人（包括外邦）都係去猶太會堂聽希伯來聖經。
其實唔洗咁執着佢exactly講左邊個希伯來字，因為佢個人犧牲自己到盡，已經係好明確既解經方向，亦都足夠跟住做。
基督徒唔係信耶穌，其實我頭果幾年接觸都有類似感覺，接近冇人叫我睇聖經。我都係睇完先信。
其實掉返轉頭，信聖經就會信耶穌，因為聖經有指住耶穌既說話（路加福音24:27）。

信教先唔應該生下一代喎，認知上有咁大probability個仔要落地獄

不可知論者嘅認知上，個仔要落地獄嘅probability 係要condition on 個教係真係true，先再乘返落地獄嘅conditional probability ，所以會少過信教嘅人

算9數啦，信得一個教又信唔到另一個，可能死左之後輪迴下世做畜生，或者原來伊斯蘭教先係真，到時你話信耶蘇咪衰多兩錢重

我講既耶穌，我認識佢，所以知佢係真。
真相得一個，知既就知，唔知既就唯有估，例如你可以當每個可能性既probability 一樣。
話時話，聖經對死左去邊呢條問題冇咩興趣討論，大把野更加重要。

聖經係魔鬼吩咐追隨佢嘅人寫
你聽到嗰把聲其實係魔鬼講嘢

你只係信保羅
無信耶穌的教導

我信希伯來聖經同埋新約聖經，所以信緊摩西既教導、先知既教導、耶穌既教導，亦都信耶穌藉住保羅留低既教導。全部都係同一個教導。

摩西嘅神唔係三位一體
摩西叫人守律法
耶穌無見過保羅
你而家話神係三位一體又唔守律法
仲好意思講

(1) 摩西同眾先知既神係咁既：

以賽亞書48:12-16
//12 “雅各，蒙我呼召的以色列啊，你要聽我說！我是那一位，我是首先的，我也是末後的。
13 的確，是我的手奠立大地，是我的右手展開天空；我一呼喚，它們就一同出現。
14 你們全都要聚集聆聽！偶像當中有誰曾說出這些事？說出‘耶和華愛那個人，那個人將向巴比倫實行他想要的事；他的手臂將向迦勒底人實行他想要的事’。
15 是我，是我說了，又呼召了那個人；我帶他來，他的道路就會亨通。
16 你們要靠近我，聆聽這話：我從起初就不是在隱密處說話，自從有這件事，我就在那裡。”現在主耶和華差遣了我，以及他的靈。//

個「我」係創造主。(48:13)
「我」又係首先又係末後，呢個係耶穌(啟示錄1:17)。
「我」從起初說話，即係太初既道，呢個都係耶穌(約翰福音1:1)。

主耶和華差遣左耶穌同佢既靈(48:16)。
呢個就係神一向既啟示，同新約聖經、耶穌所講既吻合。

(2) 摩西冇叫（全部）人守律法。摩西係傳耶和華既說話，吩咐以色列人守西奈之約，遵行教導。

我冇祖先同神立西奈之約，我自己都冇同神立西奈之約。反而肉身既猶太人有。

(3) 耶穌有耶和華直接啟示，保羅都有耶和華直接啟示（哥林多後書12:2）。
佢地兩位都係傳耶和華國度既福音。信耶和華就會聽佢地。

說服力=0

首先你只係睇書睇過耶蘇呢個人物，唔代表你識得佢，遑論知道佢係真假，你咁講野法好易令人覺得你思覺失調

第二，好多人同時都認識佛祖、穆罕默德、老子李耳嘅故事，同耶蘇嘅故事比較，正常人邊有資格話邊個啱邊個錯

最後一句，宗教或許可以幫到人心靈慰藉，但做人何必太迷信呢